ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ଏସିଆ କପ୍: ପାକିସ୍ତାନକୁ ୨ ୱିକେଟରେ ହରାଇ ଫାଇନାଲରେ ଶ୍ରୀଲଙ୍କା

କଲମ୍ବୋ, ୧୫/୦୯: ଚଳିତ ଏସିଆ କପ୍‌ରେ ରୋମାଞ୍ଚକର ବିଜୟ ସହ ଡିଫେଣ୍ଡିଂ ଚାମ୍ପିଅନ୍‌ ଶ୍ରୀଲଙ୍କା ଫାଇନାଲରେ ପ୍ରବେଶ କରିଛି । ଗୁରୁବାର ଅନୁଷ୍ଠିତ ସୁପର- ୪ ରାଉଣ୍ଡର ଏକ ତୀବ୍ର ସଂଘର୍ଷପୂର୍ଣ୍ଣ ମୁକାବିଲାରେ ଶ୍ରୀଲଙ୍କା ୨ ୱିକେଟ୍‌ରେ ପାକିସ୍ତାନକୁ ପରାସ୍ତ କରିଛି । ଏହି ମ୍ୟାଚରେ ପାକିସ୍ତାନ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୪୨ ଓଭରରେ ୭ ୱିକେଟ୍‌ ହରାଇ ୨୫୨ ରନ୍‌ ସଂଗ୍ରହ କରିଥିଲା ।

ଜବାବରେ ଶ୍ରୀଲଙ୍କା ୮ ୱିକେଟ ହରାଇ ଆବଶ୍ୟକ ରନ୍‌ ସଂଗ୍ରହ କରି ନେଇଥିଲା । ଏହି ମ୍ୟାଚ୍‌ରେ ବର୍ଷା ବଧା ଉପୁଯାଇଥିଲେ ହେଁ ଶ୍ରୀଲଙ୍କାର ବିଜୟକୁ ରୋକି ପାରି ନଥିଲା । ଶେଷ ବଲ୍‌ ପର୍ଯ୍ୟନ୍ତ ଘମାଘୋଟ ଲଢେଇ ଜାରି ରହିଥିଲା । ଶେଷ ଓଭରରେ ବିଜୟ ପାଇଁ ୮ ରନ୍‌ ଆବଶ୍ୟକ ହେଉଥିଲା । ପ୍ରଥମ ୪ଟି ବଲରେ ୨ ରନ୍‌ ସଂଗୃହୀତ ହୋଇଥିଲା ଓ ଅଷ୍ଟମ ୱିକେଟ୍‌ର ପତନ ଘଟିଥିଲା । ମାତ୍ର ପଞ୍ଚମ ବଲ୍‌ରେ ଚରିଥ ଆଶାଲଙ୍କା ଚୌକା ମାରିଥିଲେ ।

ପାକିସ୍ତାନର ଦମଦାର ପ୍ରଦର୍ଶନ, ଶ୍ରୀଲଙ୍କା ଆଗରେ ୨୫୩ ରନର ବିଜୟ ଲକ୍ଷ୍ୟ

ଶେଷ ବଲରେ ବାକି ରନ୍ ଅଟକାଇବାକୁ ପାକିସ୍ତାନ ଜୋରଦାର ପ୍ରୟାସ କରିଥିଲେ ହେଁ ସଫଳ ହୋଇପାରି ନଥିଲା । ପାକିସ୍ତାନର ଶକ୍ତିଶାଳୀ ବୋଲିଂ ବିପକ୍ଷରେ ୨୫୩ ରନ୍‌ର ବିଜୟ ଲକ୍ଷ୍ୟ ହାସଲ କରିବା ସହଜ ନଥିଲା । ଶ୍ରୀଲଙ୍କା ୨୦ ରନ୍‌ରେ କୁଶଲ ପେରେରା (୧୭)ଙ୍କୁ ହରାଇଥିଲା । ଏହାପରେ ବ୍ୟାଟିଂ କରିବାକୁ ଆସିଥିବା କୁଶଲ ମେଣ୍ଡିସ୍‌ ଓ ଅପରାଜିତ ଓପନର ପଥୁମ ନିଶଙ୍କା ଦଳୀୟ ସ୍କୋରକୁ ୭୭ରେ ପହଞ୍ଚାଇଥିଲେ । ନିଶଙ୍କା ୨୯ ରନ୍‌ କରି ଆଉଟ୍‌ ହୋଇଥିଲେ ।

ମେଣ୍ଡିସଙ୍କ ସହ ସଦିରା ସମରବିକ୍ରମା କ୍ରିଜରେ ଯୋଗ ଦେବା ପରେ ଘରୋଇ ଦଳର ସ୍ଥିତି ସୁଧୁରିଥିଲା । ଉଭୟ ୧୦୦ ରନ୍‌ର ଭାଗିଦାରୀ ଗଢି ବିଜୟ ଆଶା ଉଜ୍ଜ୍ୱଳ କରିଥିଲେ । ଦଳୀୟ ସ୍କୋର ୧୭୭ ବେଳେ ସମରବିକ୍ରମା ବ୍ୟକ୍ତିଗତ ୪୮ ରନ୍‌ କରି ଆଉଟ୍ ହୋଇଥିଲେ । ମେଣ୍ଡିସ ଦର୍ଶନୀୟ ସଟ୍‌ମାନ ଖେଳି ଦଳୀୟ ସ୍କୋରକୁ ଆଗେଇ ନେଇଥିଲେ । ଦଳୀୟ ସ୍କୋର ୨୧୦ରେ ପହଞ୍ଚିଥିଲା । ଏତିକି ବେଳେ ମେଣ୍ଡିସ(୯୧)ଙ୍କୁ ଆଉଟ୍‌ କରି ଇଫତିଖର ଅହମ୍ମଦ ବାଜି ପଲଟାଇ ଦେଇଥିଲେ । ଏଥର ଆଶାଲଙ୍କାଙ୍କ ଉପରେ ଦଳର ଭାଗ୍ୟ ନିର୍ଭର କରୁଥିଲା । ଡାସୁନ ଶଣକା(୨) ନିରାଶ କରିଥିଲେ ।

ଆଉ ଏକ କକ୍ଷ ପରିବର୍ତ୍ତନ କଲା ଆଦିତ୍ୟ ଏଲ୍-୧, ସୂର୍ଯ୍ୟଙ୍କ ଆଡ଼କୁ ବଢ଼ୁଛି

୪୦ ଓଭରରେ ଦଳୀୟ ସ୍କୋର ୨୪୦ରେ ପହଞ୍ଚି ସାରିଥିଲା । ଶେଷ ୨ ଓଭରରେ ବିଜୟ ପାଇଁ ବାକିଥିଲା ୧୨ ରନ । ସହିନ ଆଫ୍ରିଦି ୪୧ତମ ଓଭରରେ ୨ଟି ୱିକେଟ୍‌ ନେଇ ଉତ୍ସାହ ଭରି ଦେଇଥିଲେ । ମାତ୍ର ଆଶାଲଙ୍କା ଶେଷ ବଲ୍‌ ପର୍ଯ୍ୟନ୍ତ ଲଢେଇ ଜାରି ରଖି ଦଳକୁ ବିଜୟୀ କରାଇଥିଲେ । ସେ ୩ଚୌକା ଓ ୧ ଛକା ବଳରେ ୪୯ ରନ୍‌ କରିଥିଲେ । ଆଜି ଟସ୍‌ ଜିତି ପାକିସ୍ତାନ ବ୍ୟାଟିଂ ନିଷ୍ପତ୍ତି ନେଇଥିଲା । ବର୍ଷା ଯୋଗୁ ମ୍ୟାଚ୍‌କୁ ୪୨ଓଭର ବିଶିଷ୍ଟ କରାଯାଇଥିଲା ।

ପାକିସ୍ତାନ ପ୍ରାରମ୍ଭିକ ବିପର୍ଯ୍ୟୟର ସମ୍ମୁଖୀନ ହୋଇଥିଲେ ହେଁ ମଧ୍ୟ ଭାଗରେ ମହମ୍ମଦ ରିଜୱାନ ଓ ଇଫତିଖର ଅହମ୍ମଦ ଆକ୍ରମଣାତ୍ମକ ସଟ୍‌ମାନ ଖେଳି ପଞ୍ଚମ ୱିକେଟ୍‌ରେ ଉଭୟ ୧୦୮ ରନ୍‌ ଯୋଗ କରିଥିଲେ । ଦଳୀୟ ସ୍କୋର ୨୩୮ବେଳେ ଇଫତିଖର ୪୭ (୩ଚୌକା ଓ ୨ଛକା) ରନ୍‌ କରି ଆଉଟ୍‌ ହୋଇଥିଲେ । ରିଜୱାନ ଗୋଟିଏ ପଟେ ଆକ୍ରମଣ ଜାରି ରଖି ଦଳୀୟ ସ୍କୋରକୁ ୨୫୨ରେ ପହଞ୍ଚାଇଥିଲେ । ସେ ୭୩ଟି ବଲ୍‌ରୁ ୬ଚୌକା ଓ ୨ଛକା ବଳରେ ୮୬ ରନ୍‌ କରିଥିଲେ । ଶ୍ରୀଲଙ୍କା ପକ୍ଷରୁ ପତିରଣା ୩ଟି ଓ ପ୍ରମୋଦ ମଦୁସନ ୨ଟି ୱିକେଟ୍‌ ନେଇଥିଲେ ।

ସନ୍ଧ୍ୟାରେ କ୍ୟାବିନେଟ୍ ବୈଠକ, ୧୫ରୁ ଅଧିକ ପ୍ରସ୍ତାବ ଉପରେ ବାଜିପାରେ ମୋହର

  • PrameyaOdia
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.