ପ୍ରମୁଖ ଖବର
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଓଡ଼ିଶାରେ ସବୁଠୁ ବଡ଼ IT ରେଡ୍, ୨୦ ସ୍ଥାନରେ ଚଢାଉ, ବାହାରୁଛି ବସ୍ତା ବସ୍ତା ଟଙ୍କା

ବଲାଙ୍ଗିର, ୦୭/୧୨ : ବଲାଙ୍ଗୀର ସହର ସୁଦପଡା ମଦଭାଟି ମାଲିକ ରାଜେଶ ସାହୁଙ୍କ ଘର ଓ ଅଫିସରେ ଆୟକର ବିଭାଗ ରେଡ୍ କରିଥିଲା। ଚଢାଉ ବେଳେ ବସ୍ତା ବସ୍ତା ଟଙ୍କା ଜବତ ହୋଇଛି। ରାଜେଶଙ୍କ ଘରୁ ଆଲମିରା ଭର୍ତି ଟଙ୍କା ମିଳିଛି। ଏହି ଟଙ୍କାକୁ ସମୁଦାୟ ୧୫୬ଟି ବ୍ୟାଗ୍‌ରେ ବଲାଙ୍ଗିର ଏସବିଆଇକୁ ଅଣାଯାଇଛି। ଆଜି ସକାଳୁ ଟଙ୍କାଗୁଡ଼ିକୁ ଆଉଥରେ ଯାଞ୍ଚ୍ ପାଇଁ ଭାଟି ମ୍ୟାନେଜରଙ୍କୁ ଆୟକର ଅଧିକାରୀମାନେ ଧରି ବ୍ୟାଙ୍କକୁ ଆସିଛନ୍ତି। ସେହିପରି ଟିଟିଲାଗଡ଼ ମଦ ଭାଟିରୁ ମଧ୍ୟ ଟଙ୍କା ଜବତ କରାଯାଇଛି । ଗତକାଲି ଠାରୁ ଆୟକର ଫାଙ୍କିବା ଅଭିଯୋଗରେ ବଲାଙ୍ଗିର, ଟିଟିଲାଗ଼ଡ ସମେତ ଓଡିଶାର ୨୦ଟି ସ୍ଥାନରେ ଆୟକର ବିଭାଗ ଚଢାଉ କରିଛି। 

ପ୍ରକାଶ ଯେ, ବୌଦ୍ଧ ରାମ୍ଭିକଟା ଡିଷ୍ଟିଲେରି ପ୍ରାଇଭେଟ୍‌ ଲିମିଟେଡ୍‌ ଓ ପୁରୁଣାକଟକସ୍ଥିତ ରାଣୀସତୀ ଗ୍ରୁପ ଅଫ କମ୍ପାନୀ ଉପରେ ଆୟକର ବିଭାଗ ଚଢାଉ କରିଛି। କେବଳ ଓଡ଼ିଶାରେ ନୁହେଁ, କୋଲକାତା, ଝାଡ଼ଖଣ୍ଡର ରାଞ୍ଚି ସମେତ ୨୫ଟି ସ୍ଥାନରେ ଏକକାଳୀନ ଚଢ଼ଉ କରାଯାଇଛି । ଏହି ସମୟରେ କୋଟି କୋଟି ଟଙ୍କା ସହ, ହାର୍ଡଡିସ୍କ ଓ ବହୁ କାଗଜପତ୍ର ଜବତ କରାଯାଇଛି । ସଂସ୍ଥାର ଏକାଧିକ  ଡାଇରେକ୍ଟର ଓ ଏମ୍‌ଡିଙ୍କ ଘରେ ଚଢ଼ଉ ହୋଇଛି । ୨୦୦୮ରେ କୋଲକାତାରେ ପଞ୍ଜିକୃତ ହୋଇଥିବା ଏହି କମ୍ପାନୀର ଓଡ଼ିଶାର ବିଭିନ୍ନ ଶାଖାରେ  ବ୍ୟବସାୟ ରହିଛି । ଏହା ମୁଖ୍ୟତଃ ଏକ ମଦ ତିଆରି  କାରଖାନା । ଭୁବନେଶ୍ୱର ପଳାସପଲ୍ଲୀରେ ଥିବା କମ୍ପାନୀର କର୍ପୋରେଟ ଅଫିସ, ପୁରୁଣା ବିଏମସି ଅଫିସ୍‌ ପଛ ପଟେ ଥିବା ଏକ ଘର, ଖୋର୍ଦ୍ଧାରେ ଥିବା ଫ୍ୟାକ୍ଟ୍ରିରେ ମଧ୍ୟ ଚଢ଼ଉ କରାଯାଇଛି ।  

ଟିଟିଲାଗଡ଼ର ଦୁଇ ମଦ ବ୍ୟବସାୟୀ ଦୀପକ ସାହୁ ଓ ସଞ୍ଜୟ ସାହୁଙ୍କ ଘର ଉପରେ ବି ଚଢ଼ଉ ହୋଇଥିଲା । ପ୍ରଦୀପଙ୍କ ରଘୁନାଥପଡ଼ାସ୍ଥିତ ଘରେ ଆୟକର ବିଭାଗ ପଶିଥିଲା । ସେଠାରୁ ସମ୍ପର୍କୀୟ ଭାଇ ତଥା ଅନ୍ୟତମ ମଦ ବ୍ୟବସାୟୀ ସଞ୍ଜୟଙ୍କ ଘରେ ଚଢ଼ଉ କରିବାକୁ ଯାଇଥିଲେ । ହେଲେ ସେଠାରେ ତାଲା ପଡ଼ିଥିବାରୁ ସେମାନଙ୍କୁ ଅପେକ୍ଷା କରିବାକୁ ପଡ଼ିଥିଲା । ବିଳମ୍ବ ହେବାରୁ ଚଢ଼ଉ ଟିମ ତାଲା ଭାଙ୍ଗି ଘରେ ପଶିବୁ ବୋଲି କହିବା ପରେ ପରିବାରବର୍ଗ ଆସି କବାଟ ଖୋଲିଥିଲେ। ଚଢ଼ଉ ସମୟରେ ସଞ୍ଜୟ ଘରେ ନଥିଲେ । ମାତ୍ର ଅନ୍ୟ ସଦସ୍ୟଙ୍କ ଉପସ୍ଥିତିରେ ଚଢ଼ଉ ହୋଇଥିଲା । ତାଙ୍କ ଘରୁ ମଧ୍ୟ କିଛି କାଗଜପତ୍ର ଜବତ କରାଯାଇଛି । 

ସବୁଠାରୁ ବଡ଼ କଥା ହେଲା ସବୁ ବେଳେ ଖୋଲା ରହୁଥିବା ଦୀପକଙ୍କ ମଦ ଭାଟି ଗତକାଲି ବନ୍ଦ ଥିଲା । ଏଥିରୁ ଜଣାପଡୁଛି ଆୟକର ବିଭାଗ ଚଢ଼ଉ ପୂର୍ବରୁ ହୁଏତ ସେ ଖବର ପାଇଥିଲେ । ବଲାଙ୍ଗିରର ସୁଦପଡ଼ାରେ ଥିବା ଲାଇସେନ୍ସପ୍ରାପ୍ତ ମଦ ଭାଟି ଉପରେ ଚଢ଼ଉ ହୋଇଛି । ଏକ ୫ଜଣିଆ ଆୟକର ବିଭାଗ ଅଧିକାରୀ ସିଆଇଏସଏଫ ଏବଂ ସ୍ଥାନୀୟ ପୁଲିସ  ସହାୟତାରେ ଭାଟି ଭିତରେ ରହିଥିବା ବେଳେ ସଂଧ୍ୟା ପର୍ଯ୍ୟନ୍ତ ଯାଞ୍ଚ କରିଥିଲେ । ସେଠାରୁ ବିପୁଳ  ପରିମାଣର ନଗଦ ଟଙ୍କା ଜବତ କରାଯାଇଛି । ସୁନ୍ଦରଗଡ଼ ଓ ରାଉରକେଲାରେ ମଧ୍ୟ ୮ଟି ସ୍ଥାନରେ ଚଢ଼ଉ ହୋଇଥିଲା । ସୁନ୍ଦରଗଡ଼ର ଜଣାଶୁଣା ମଦ ବ୍ୟବସାୟୀଙ୍କ ଘର, କାର୍ଯ୍ୟାଳୟ, ସର୍ଗିପାଲି ସ୍ଥିତ ଦେଶୀ ମଦ ଭାଟି ସହ ରାଉରକେଲାସ୍ଥିତ କାର୍ଯ୍ୟାଳୟ ଉପରେ ଏକକାଳୀନ ଚଢ଼ାଉ ଚାଲିଛି । କମ୍ପାନୀ ସହ ଲିଙ୍କ ଅଭିଯୋଗରେ ବୌଦ୍ଧ ହରଭଙ୍ଗା ବ୍ଲକ୍‌ ପୁରୁଣା କଟକର ବ୍ୟବସାୟୀ ଅଶୋକ କୁମାର ଅଗ୍ରୱାଲଙ୍କ ରାଣୀସତୀ ରାଇସ ମିଲ୍‌, ବାସଭବନ ଓ ଅନ୍ୟ ସ୍ଥାନରେ ବି ଆୟକର ବିଭାଗ ଯାଞ୍ଚ କରିଛି । ଓଡ଼ିଶା ବାହାରେ କୋଲକାତାର ୨ ଟି ସ୍ଥାନରେ ଚଢ଼ଉ ହୋଇଥଲା । ପୂର୍ବରୁ ବୌଦ୍ଧ ଡିଷ୍ଟିଲେରି ପ୍ରାଇଭେଟ୍‌ ଲିମିଟେଡ୍‌ କୋଲକାତାରେ  ଅଫିସ୍‌ କରିଥିଲା । ରାଞ୍ଚିରେ ମଧ୍ୟ ସଂସ୍ଥାର କିଛି  ବରିଷ୍ଠ ଅଧିକାରୀ ରହୁଛନ୍ତି । ସେମାନଙ୍କ ଘରେ ବି ଚଢ଼ଉ କରାଯାଇଥିଲା । ପଳାସପଲ୍ଲୀରେ ଥିବା କମ୍ପାନୀର କର୍ପୋରେଟ ଅଫିସରୁ ମଧ୍ୟ ବହୁ ପରିମାଣରେ ଟଙ୍କା ଓ କାଗଜପତ୍ର ଜବତ ହୋଇଛି ।

Also Read:-

ଅଟୋ ଚଲାଇଲେ ଦିବ୍ୟଶଙ୍କର, ସହଯୋଗୀଙ୍କୁ ବସାଇ ଘେରାଏ ବୁଲାଇ ଆଣିଲେ

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.