ସୁନ୍ଦରଗଡ଼ ସଦର, ୦୩/୦୨ : ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା କାର୍। ସୁନ୍ଦରଗଡ଼ ଜିଲ୍ଲା ଧରୁଆଡିହି ଥାନା ଅନ୍ତର୍ଗତ କେନ୍ଦ୍ ମାଲ ବ୍ରିଜ୍ ଉପରେ ଏହି ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଜଣେ ଗୁରୁତର ହୋଇଥିବା ବେଳେ ୪ ଆହତ ହୋଇଛନ୍ତି । ଗୁରୁତର ନାବାଳକ ରୁଦ୍ର ପ୍ରତାପ ଦେଓକୁ ବୁର୍ଲା ସ୍ଥାନାନ୍ତର କରାଯାଇଛି।

ସୂଚନାନୁଯାୟୀ, ମଝାପଡ଼ାରୁ ସୁନ୍ଦରଗଡ଼କୁ ବିବାହ ପାଇଁ ଜିନିଷ କିଣିବାକୁ ଯାଉଥିବା ସମୟରେ ଏକ କାର୍ କେନ୍ଦ୍ ମାଲ ବ୍ରିଜ୍ ଉପରୁ ତଳକୁ ଖସି ପଡିଥିଲା। ଗାଡ଼ିରେ ଗୋଟିଏ ପରିବାରର ୫ ଜଣ ସଦସ୍ୟ ଥିଲେ। ଘଟଣା ସ୍ଥଳରେ ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ସୁନ୍ଦରଗଡ଼ ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ସେମାନଙ୍କ ମଧ୍ୟରୁ ଜଣେ ଗୁରୁତର ଥିବା ବେଳେ ୪ ଆହତ ହୋଇଛନ୍ତି। ଗୁରୁତର ନାବାଳକଙ୍କୁ ବୁର୍ଲା ସ୍ଥାନାନ୍ତର କରାଯାଇଛି। ଧରୁଆଡିହି ପୋଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଗୁରୁତର ଆହତମାନେ ହେଲେ ରଶ୍ମିତା ଶେଖର ଦେଓ, ରୁଦ୍ର ପ୍ରତାପ ଦେଓ, ଅନାୟ ସିଂ, ଆକାଂକ୍ଷା ସିଂ, ଓ ଜିତେନ୍ଦ୍ର ସିଂ ।