ବିଶ୍ୱନାଥପୁର,୩/୧୧ : କଳାହାଣ୍ଡି ଜିଲ୍ଲା ବିଶ୍ୱନାଥପୁର ଥାନା ଅନ୍ତର୍ଗତ ଡ଼ୁମେରମୁଣ୍ଡା ଗ୍ରାମର ଯୁବକ ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ ପୋଖରୀ ଗାଁ ଗ୍ରାମ ନିକଟ ଜଙ୍ଗଲରେ ଝୁଲନ୍ତା ଅବସ୍ଥାରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି l ଉକ୍ତ ଗ୍ରାମର ହାଇୱେ ଢାବା ସମ୍ମୁଖରେ ଥିବା ଜଙ୍ଗଲରେ ଯୁବକର ମୃତଦେହ ଝୁଲୁଥବା ଦେଖି ଗ୍ରାମବାସୀ ପୋଲିସକୁ ସୂଚନା ଦେଇଥିଲେ। ଖବରପାଇ ଅମ୍ବାଦଳା ପୋଲିସ ଘଟଣାସ୍ଥଳରେ ପହଞ୍ଚି ଶବ ଠାବ କରିବା ସହ ସାଇଣ୍ଟିଫିକ ଟିମ ଡାକି ଘଟଣାର ଅଧିକ ତଦନ୍ତ କରୁଥିବା ଜଣାପଡ଼ିଛି l ମୃତ ଯୁବକ ଜଣକ ହେଲେ ସୀମାନ୍ତ କଳାହାଣ୍ଡି ଜିଲ୍ଲା ବିଶ୍ୱନାଥପୁର ଥାନା ଅନ୍ତର୍ଗତ ଡ଼ିମିରିମୁଣ୍ଡା ଗ୍ରାମର ତରୁଣ ନାଗ (୨୩) ବୋଲି ଜଣାପଡିଛି।

ସୂଚନା ଅନୁଯାୟୀ, ଯୁବକ ଜଣକ ଉକ୍ତ ଗ୍ରାମର ଜଣେ ଯୁବତୀଙ୍କୁ ଦୀର୍ଘ ଦିନ ହେବ ଭଲ ପାଇ ଆସୁଥିଲେ। ଗତ ଗୁରୁବାର ରାତ୍ରିରେ ଉଭୟ ପ୍ରେମିକ ପ୍ରେମିକା ଘରୁ ବାହାରି ଚାଲି ଆସିଥିଲେ। ପ୍ରେମିକାଙ୍କ କହିବା ଅନୁଯାୟୀ ଉଭୟେ ଆତ୍ମହତ୍ୟାର ଉଦ୍ୟମ କରିଥିଲେ କିନ୍ତୁ ପ୍ରେମିକଙ୍କ ମୃତ୍ୟୁ ହୋଇଯାଇଥିଲା । କିନ୍ତୁ ସେ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତିଗଲେ ବୋଲି ପ୍ରେମିକା ଜଣକ ସ୍ଥାନୀୟ ଥାନାରେ ଲିଖିତ ଅଭିଯୋଗ କରିଛନ୍ତି ବୋଲି ସୂଚନା ମିଳିଛି । ମୃତ ଯୁବକଙ୍କ ପରିବାର ଏହାକୁ ଆତ୍ମହତ୍ୟାର ରୂପ ଦିଆଯାଉଛି କିନ୍ତୁ ପ୍ରକୃତରେ ତରୁଣଙ୍କୁ ପ୍ରେମ ଜନିତ ଜାତିଆଣକୁ ନେଇ ଷଡ଼ଯନ୍ତ୍ର କରି ହତ୍ୟା କରାଯାଇଥିବା ଜଣାଇଛନ୍ତି । ମୃତ ତରୁଣ ହରିଜନ ଜାତିର ହୋଇଥିବାବେଳେ ତାଙ୍କ ପ୍ରେମିକା ଶୁଣ୍ଢୀ ଜାତିର ହୋଇଥିବା ହେତୁ ଏହିପରି ଜାତିଆଣ ପ୍ରେମକୁ ନେଇ ହତ୍ୟାକାଣ୍ଡ ଘଟିଥାଇପାରେ ବୋଲି ପୋଲିସ ସନ୍ଦେହ କରି ପ୍ରେମିକାକୁ ଥାନାରେ ଅଟକାଇ ପଚରା ଉଚୁରା କରୁଥିବା ଜଣାପଡିଛି l ଆସନ୍ତାକାଲି ସାଇଣ୍ଟିଫିକ ଟିମ ଓ ଡଗ୍ସସ୍କ୍ୱାର୍ଡ ଆସିବା ପରେ ଶବ ଉଦ୍ଧାର କରାଯାଇ ଅଧିକ ତଦନ୍ତ କରାଯିବ ବୋଲି ଅମ୍ବଦଳା ଥାନା ଆଇଆଇସି କାର୍ତ୍ତିକ ନାଏକ ପ୍ରକାଶ କରିଛନ୍ତି।