ପ୍ରମୁଖ ଖବର
  • ଇଓଡବ୍ଲ୍ୟୁ ପଞ୍ଝାରେ ୨ କୁଖ୍ୟାତ କ୍ରିପ୍ଟୋ ଠକ, ୧୫ କୋଟି ଟଙ୍କାର ଠକେଇ ଅଭିଯୋଗ
  • ||
  • ସ୍ଵାମୀ ସରୋଜଙ୍କ ସହ ବିଜେପିରେ ମିଶିଲେ ଜ୍ୟୋତି ପାଣିଗ୍ରାହୀ, ବିଜେଡିରୁ ଦେଇଥିଲେ ଇସ୍ତଫା
  • ||
  • ମେ ୩୧ରେ ଆସିବ ‘ମିଷ୍ଟର ଆଣ୍ଡ ମିସେସ୍‌ ମାହି’, ଦେଖିବାକୁ ମିଳିବ ରାଜକୁମାର-ଜାହ୍ନବୀଙ୍କ ଜବରଦସ୍ତ କେମେଷ୍ଟ୍ରି
  • ||
  • ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି
  • ||
  • ପ୍ଲାଷ୍ଟିକ ବଜାରକୁ ନେଇ ବିବାଦ: ଆଜି ୧୨ ସଂଘ-ବିଏମ୍‌ସି ବୈଠକ
  • ||
  • ସୋମବାର ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ଉତ୍ସବ, ମଙ୍ଗଳବାର ଶ୍ରୀଜିଉଙ୍କ ରଥଯାତ୍ରା
  • ||
  • ପାରାଦୀପରେ ୬୧ ଦିନ ଯାଏଁ ମାଛଧରା ବନ୍ଦ, ମାଛ ସଂରକ୍ଷଣକୁ ଦୃଷ୍ଟିରେ ରଖି ମତ୍ସ୍ୟ ବିଭାଗ ପକ୍ଷରୁ ନିର୍ଦ୍ଦେଶ
  • ||
  • ଓଡ଼ିଶାରେ ମୋଦି ନୁହେଁ, ‘ନବୀନ ଗ୍ୟାରେଣ୍ଟି’: ଚାଲିଛି ମତାମତ ସଂଗ୍ରହ, ଖୁବ୍‌ଶୀଘ୍ର ବିଜେଡିର ଇସ୍ତାହାର
  • ||
  • IPL 2024: ବେଙ୍ଗାଲୁରୁ-ହାଇଦ୍ରାବାଦ ମଧ୍ୟରେ ଟକ୍କର, ରୟାଲର କ୍ଲାସେନ ଭୟ
  • ||
  • ରାଜ୍ୟରେ ପୁଣି ପ୍ରଚଣ୍ଡ ତାତି, ଆହୁରି ୪ରୁ ୬ ଡିଗ୍ରୀ ବଢ଼ିବ ପାରଦ: ୧୮ ଯାଏ ଭୀଷଣ ଗ୍ରୀଷ୍ମପ୍ରବାହ
  • ||

ଗଞ୍ଜାମ ଜିଲ୍ଲା ବିଜେପି କାର୍ଯ୍ୟାଳୟ କେଉଁଠି ? ଏବେ ବି ଗାନ୍ଧିନଗର ଯାଉଛି ଚିଠି...

ବ୍ରହ୍ମପୁର, ୨୯/୦୨ : ନିର୍ବାଚନ ଆସିଲାଣି । ରାଜନୈତିକ ଦଳ ସକ୍ରିୟ ହେଲେଣି । ସକାଳୁ ସନ୍ଧ୍ୟା ପର୍ଯ୍ୟନ୍ତ ଦଳୀୟ କାର୍ଯ୍ୟାଳୟରେ ଆଲୋଚନା ପର୍ଯ୍ୟାଲୋଚନା, ବୈଠକ ଲାଗି ରହୁଛି । ନେତାମାନେ ନିର୍ବାଚନ ରଣନୀତି ପ୍ରସ୍ତୁତ କରୁଥିବା ଦେଖିବାକୁ ମିଳିଲାଣି । ହେଲେ ବିଜେପି ଗଞ୍ଜାମ ସାଙ୍ଗଠନିକ ଜିଲ୍ଲାରେ ସେସବୁ ଦେଖିବାକୁ ମିଳୁନି । କାରଣ ଏଠାରେ ବିଜେପିର ଜିଲ୍ଲା କାର୍ଯ୍ୟାଳୟ ନାହିଁ । ଜିଲ୍ଲା ସଭାପତି ବଦଳିଲେ କାର୍ଯ୍ୟାଳୟ ବଦଳୁଛି । ନଭେମ୍ବରରୁ ନୂଆ ଜିଲ୍ଲା ସଭାପତି ମନୋନୀତ ହେଲେଣି । ସେବେ ଠାରୁ ଜିଲ୍ଲା ବିଜେପି କାର୍ଯ୍ୟାଳୟ କେଉଁଠି ବୋଲି ତାଙ୍କ ଦଳର ନେତା ଓ କର୍ମୀ ପ୍ରଶ୍ନ କରୁଛନ୍ତି । ବିଭିନ୍ନ ରାଜନୈତିକ ଦଳର ସ୍ଥାୟୀ ଜିଲ୍ଲା କାର୍ଯ୍ୟାଳୟ ବ୍ରହ୍ମପୁରରେ ରହିଛି । ଅଥଚ ନିର୍ବାଚନ ତାତି ଆରମ୍ଭ ହୋଇଥିଲେ ମଧ୍ୟ ବିଜେପି ଜିଲ୍ଲା କାର୍ଯ୍ୟାଳୟର ସ୍ଥାୟୀ ଠିକଣା ଚିହ୍ନଟ ହୋଇପାରିନାହିଁ । 

୨୦୧୯ ନିର୍ବାଚନ ପୂର୍ବରୁ ଗଞ୍ଜାମ ଜିଲ୍ଲା ବିଜେପିର ସ୍ଥାୟୀ ଠିକଣା ଗାନ୍ଧି ନଗର ଛକରେ ରହିଥିଲା । ବର୍ତ୍ତମାନର ରାଜ୍ୟ କାର୍ଯ୍ୟକାରିଣୀ ସଦସ୍ୟ କାହ୍ନୁଚରଣ ପତିଙ୍କ ସଭାପତିତ୍ୱ ସମୟରେ ସେ ରହୁଥିବା ଗାନ୍ଧିନଗର ଠାରେ ଜିଲ୍ଲା ବିଜେପି କାର୍ଯ୍ୟାଳୟ ପରିଚାଳିତ ହେଉଥିଲା । ଦୀର୍ଘ ସମୟ ଧରି ସେଠାରେ ଦଳୀୟ କାର୍ଯ୍ୟକ୍ରମ, ବୈଠକ, ସାମ୍ବାଦିକ ସମ୍ମିଳନୀ ହେଉଥିଲା । ତାଙ୍କ ପରେ ଗତ ନିର୍ବାଚନ ପୂର୍ବରୁ ବିଭୂତି ଭୂଷଣ ଜେନା ଜିଲ୍ଲା ସଭାପତି ହୋଇଥିଲେ । ସେହି ସମୟରେ ବ୍ରହ୍ମପୁର ଲୋକସଭା ଆସନରେ ପ୍ରାର୍ଥୀ ହୋଇଥିବା ଭୃଗୁ ବକ୍ସିପାତ୍ର ଷ୍ଟେସନ୍‌ ରୋଡ୍‌ରେ ବିଜେପି ଏମ୍‌ପି କାର୍ଯ୍ୟାଳୟ କରିଥିଲେ । ସେହିଠାରେ ହିଁ ଜିଲ୍ଲା କାର୍ଯ୍ୟାଳୟ ପରିଚାଳିତ ହେଉଥିଲା । ପରେ ଷ୍ଟେସନ୍‌ ରୋଡ୍‌ ଅଫିସ୍‌ ବି ବନ୍ଦ ହୋଇଗଲା । ଗାନ୍ଧିନଗର ଠାରେ ଥିବା ବିଜେପି ନେତା କାହ୍ନୁ ପତିଙ୍କ ଘର ଉପର ମହଲାରେ ଆବଶ୍ୟକସ୍ଥଳେ ଅସ୍ଥାୟୀ ଭାବେ ଜିଲ୍ଲା କାର୍ଯ୍ୟାଳୟ କାମ ସମ୍ପାଦିତ ହେଉଥିଲା । ୨୦୨୨ରେ ଗୋଳନ୍ଥରା ଠାରେ ବନ୍ଦେ ମାତରମ୍‌ ଭବନ ଉଦ୍‌ଘାଟନ ପରେ ଗଞ୍ଜାମ ଜିଲ୍ଲା ବିଜେପିର କିଛି ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ସେଠାରେ ଆୟୋଜନ ହେଉଥିଲା । ଏହିପରି ଭାବେ ଜିଲ୍ଲା ବିଜେପି କାର୍ଯ୍ୟାଳୟ ଠିକଣା ବାରମ୍ବାର ପରିବର୍ତ୍ତନ ହେଉଥିବାରୁ ଦଳୀୟ ନେତା ଓ କର୍ମୀ ଅସନ୍ତୋଷ ପ୍ରକାଶ କରୁଛନ୍ତି । 

୨୦୨୩ ନଭେମ୍ବରରେ ଡା. ସୁବାସ ସାହୁ ନୂଆ ଜିଲ୍ଲା ସଭାପତି ମନୋନୀତ ହେଲେ । ସଭାପତି ହେବାର ତିନି ମାସରୁ ଅଧିକ ହୋଇଗଲାଣି । ମାତ୍ର ବିଜେପି ଗଞ୍ଜାମ ସାଙ୍ଗଠନିକ ଜିଲ୍ଲାର କାର୍ଯ୍ୟାଳୟ ଏଯାଏ ସ୍ଥିର ହୋଇନି । ଏବେ ବି ଗାନ୍ଧି ନଗରସ୍ଥିତ କାହ୍ନୁ ପତିଙ୍କ ଘରକୁ ଜିଲ୍ଲା ବିଜେପି କାର୍ଯ୍ୟାଳୟ ଠିକଣା ଲେଖାଥିବା ଅନେକ ଚିଠିପତ୍ର ଆସୁଥିବା ସୂଚନା ମିଳିଛି । ଗୁରୁତ୍ୱପୂର୍ଣ୍ଣ କଥା ହେଲା ଆଞ୍ଚଳିକ ଦଳ ବିଜେଡିର ଜିଲ୍ଲା କାର୍ଯ୍ୟାଳୟ ଭାବା ନଗର ଠାରେ ରହିଥିବା ବେଳେ ବାପୁଜୀ ଆଶ୍ରମ ଠାରେ ଜିଲ୍ଲା କଂଗ୍ରେସ କାର୍ଯ୍ୟାଳୟ ପରିଚାଳିତ ହେଉଛି । ସେହିପରି ସିପିଆର ଜିଲ୍ଲା କାର୍ଯ୍ୟାଳୟ ପାର୍କ ସାହିରେ, ସିପିଆଇ(ଏମ୍‌) ଜିଲ୍ଲା କାର୍ଯ୍ୟାଳୟ ହିଲ୍‌ପାଟଣା ଠାରେ ଏବଂ ଆମ୍‌ ଆଦମୀ ପାର୍ଟି ଜିଲ୍ଲା କାର୍ଯ୍ୟାଳୟ ଗେଟ ବଜାର ଗୋଲାପଲ୍ଲୀ ସାହି ଠାରେ ସ୍ଥାୟୀ ଭାବେ ପରିଚାଳିତ ହେଉଛି । ପ୍ରାୟ ସମସ୍ତ ରାଜନୈତିକ ଦଳର ସ୍ଥାୟୀ ଜିଲ୍ଲା କାର୍ଯ୍ୟାଳୟ ରହିଛି । ହେଲେ ବିଜେପି ଜିଲ୍ଲା କାର୍ଯ୍ୟାଳୟର ସ୍ଥାୟୀ ଠିକଣା ନାହିଁ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.