ପ୍ରମୁଖ ଖବର
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଭବାନୀଙ୍କ ଶବକୁ ଗାଁ ମଶାଣି ମନା, ପରିବାରକୁ ବାସନ୍ଦ ନେଇ ଗାଁରେ ଉତ୍ତେଜନା

ନୀଳଗିରି, ୧୧/୨: ଭବାନୀଙ୍କ ଶବକୁ ଗାଁ ମଶାଣି ମନା । ତାଙ୍କୁ ହତ୍ୟା କରିଥିବା ଭାଇ ଭାଉଜ ସିନା ଧରାପଡ଼ିଛନ୍ତି ହେଲେ ତାଙ୍କ ବାପା ସାମିଲ ଥିବା ସନ୍ଦେହ ନେଇ ଗ୍ରାମବାସୀ ଗାଁ ମଶାଣି ବନ୍ଦ କରିଥିବା ଜଣାପଡ଼ିଛି । ସୂଚନାଯୋଗ୍ୟ, ନୀଳଗିରି ଥାନା ଅଧିନ କାଂଶ ଗ୍ରାମର ଦୁଇ ଯୁବକ ଭବାନୀ ରାଉତ ଓ ମନୋରଞ୍ଜନ ମହାପାତ୍ରଙ୍କୁ ଭବାନୀଙ୍କ ବଡ଼ ଭାଇ ସୁପାରି କିଲର ଲଗାଇ ହତ୍ୟା କରିଥିବା ବେଳେ ୪ଦିନ ପରେ ମିତ୍ରପୁର ନିକଟ ପରିତ୍ୟକ୍ତ ଖାଦାନରୁ ଶବ ଉଦ୍ଧାର କରାଯାଇଥିଲା । ଏଭଳି ଘଟଣା ନେଇ ସାରା ଅଞ୍ଚଳବାସୀ ସ୍ତବ୍ଧ ପାଲଟିଯାଇଥିଲେ । 

ଗତକାଲି ଶବ ବ୍ୟବଚ୍ଛେଦ ପରେ ଦୁଇ ଶବ ଅନ୍ତେଷ୍ଟି କ୍ରିୟା ପାଇଁ ଗାଁକୁ ଯାଇଥିଲା । ମନୋରଞ୍ଜନଙ୍କ ଶବଦାହ କରିବାକୁ ଗାଁ ଲୋକେ ଅନୁମତି ଦେଇଥିବା ବେଳେ ଉକ୍ତ ହତ୍ୟା ଘଟଣା ଭବାନୀଙ୍କ ବାପା ସନ୍ତୋଷ ରାଉତ ମଧ୍ୟ ସାମିଲ ଥିବା ସନ୍ଦେହ କରି ଭବାନୀଙ୍କ ଶବକୁ ଗାଁ ଶ୍ମଶାନରେ ଦାହ କରିବାକୁ ବାରଣ କରାଯାଇଥିଲା । ଫଳରେ ସନ୍ତୋଷ ପୁଅ ଭବାନୀର ଶବ ପୁରୀ ସ୍ୱର୍ଗଦ୍ବାର ନେଇ ଶବ ସତ୍କାର କରିଥିବା ସୂଚନା ମିଳିଛି ।

ସେପଟେ ଗ୍ରାମବାସୀ ମାନେସନ୍ତୋଷ ରାଉତଙ୍କ ପରିବାରକୁ ବାସନ୍ଦ କରିବା ନେଇ ଆଲୋଚନା ହେବାରୁ ଗାଁରେ ଅଶାନ୍ତି ଦେଖା ଦେଇଥିଲା । ନୀଳଗିରି ଥାନାରେ ଆସି ଅଭିଯୋଗ ପହଁଞ୍ଚିବା ପରେ ଥାନାରେ ଗ୍ରାମବାସୀମାନେ ଡେରା ପକାଇଥିବା ଜଣାପଡ଼ିଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.