କରଞ୍ଜିଆ, ୨୮/୧୧ : ମଶାଣୀରେ ଉଲଗ୍ନ ହୋଇ ସମାଧି ନିକଟରେ କରୁଥିଲେ ପୂଜା। ଡାହାଣୀ ସନ୍ଦେହରେ ୨ ଜଣଙ୍କୁ ଅଟକ ରଖିଲେ ଗ୍ରାମବାସୀ। ଦୀର୍ଘ ୧୨ ଘଣ୍ଟା ପରେ ଉଦ୍ଧାର କଲା ପୋଲିସ। ଯଶୀପୁର ଥାନା ଅଙ୍ଗାରପଦା ଗାଁରେ ଏଭଳି ଅଭାବନୀୟ ଘଟଣା ଘଟିଛି। 

ସୂଚନାନୁଯାୟୀ, ଯଶୀପୁର ଥାନା ଅଙ୍ଗାରପଦା ଗାଁର ଜଣେ ପୁରୁଷ ଏବଂ ଜଣେ ମହିଳା ସୋମବାର ରାତି ୧୨ଟାରେ ମଶାଣୀରେ ଉଲଗ୍ନ ହୋଇ ପୂଜା କରୁଥିଲେ। ଏହି ସମୟରେ ତାଙ୍କୁ ଗ୍ରାମବାସୀମାନେ କାବୁ କରିଥିଲେ। ଡାହାଣୀ ସନ୍ଦେହରେ ଗ୍ରାମବାସୀମାନେ ଉଭୟଙ୍କୁ ଦୀର୍ଘ ୧୨ ଘଣ୍ଟା ହେଲା ବାନ୍ଧି ରଖିଥିଲେ। ଖବର ପାଇ ଯଶୀପୁର ପୋଲିସ ଓ କରଞ୍ଜିଆ SDPO ଘଟଣାସ୍ଥଳରେ ପହଞ୍ଚି ଦୁଇ ଜଣଙ୍କୁ ଉଦ୍ଧାର କରି ଥାନାକୁ ଆଣିଛି। ପୋଲିସ ସ୍ଥାନୀୟ ଲୋକଙ୍କୁ ବୁଝାସୁଝା କରୁଛି।