ଭୁବନେଶ୍ୱର, ୦୯/୧୧: ଦକ୍ଷିଣ ଉପକୂଳରେ ଗୁରୁବାରରୁ ପାଗ ମେଘୁଆ ରହିବାର ସମ୍ଭାବନା  ରହିଛି । ପ୍ରଭାବରେ ଆସନ୍ତା ସପ୍ତାହରୁ ରାଜ୍ୟରେ ଶୀତର ପ୍ରକୋପ ସାମାନ୍ୟ ବଢ଼ିବ । ଏପରି ଆକାଳନ କରିଛନ୍ତି  ବରିଷ୍ଠ ପାଣିପାଗ ବିଶେଷଜ୍ଞ  ପ୍ରଫେସର ସୁରେନ୍ଦ୍ରନାଥ ପଶୁପାଳକ ।  

ଦକ୍ଷିଣ ଆଭ୍ୟନ୍ତର ଓଡ଼ିଶାରେ  ଗୁରୁବାର ରାତିରୁ ସର୍ବନିମ୍ନ  ତାପମାତ୍ରା ଆସ୍ତେ ଆସ୍ତେ ବଢ଼ିବ । ଏହା  ୧୧ ତାରିଖ ସୁଦ୍ଧା ୨.୫ ଡିଗ୍ରୀରୁ ୩ ଡିଗ୍ରୀ  ବଢ଼ିବାର ସମ୍ଭାବନା ରହିଛି । ୧୫ ତାରିଖରୁ  ତାପମାତ୍ରା ସିଧା ୪ ଡିଗ୍ରୀ କମିବ । ତେଣୁ  ଏହି ସମୟରେ ଶୀତ ବଢ଼ିବ । ସେହିପରି ଉତ୍ତର ଉପକୂଳ ଓ ଆଭ୍ୟନ୍ତରୀଣ  ଅଞ୍ଚଳରେ ମଧ୍ୟ ଶୀତ ଲୁଚକାଳି ଖେଳିବ । ପ୍ରଫେସର ପଶୁପାଳକ କୃଷିଭିତ୍ତିକ  ପରାମର୍ଶ ଦେଇଛନ୍ତି । ସେ କହିଛନ୍ତି,  ନଦୀ ପଠାରେ ଆଳୁ ଲଗାଯାଇପାରିବ ।  ଏହା ସହ ମୁଗ, ବିରି, ଅଳସି, ବାଦାମ  ଲଗାଇବାକୁ ମଧ୍ୟ ପରାମର୍ଶ ଦେଇଛନ୍ତି । ରାଜ୍ୟରେ ସବୁ ସ୍ଥାନରେ ଗେଣ୍ଡୁଫୁଲ  ସହିତ ପନିପରିବା ଲଗାଇବାକୁ  ପାଗ ଅନୁକୂଳ ଥିବା ସେ କହିଛନ୍ତି ।