ନୀଳଗିରି ୩୦/୦୫: ବାଲେଶ୍ଵର ଜିଲ୍ଲା ନୀଳଗିରିକୁ ପଶିଲେ ଝାଡ଼ଖଣ୍ଡ ହାତୀପଲ। ଆଜି ମୟୁରଭଞ୍ଜ ଜିଲ୍ଲା ନଡ଼ପୁର ଜଙ୍ଗଲ, ସୋନନଦୀ ପାର ହୋଇ ନୀଳଗିରି ଅଞ୍ଚଳକୁ ପ୍ରବେଶ କରିଛନ୍ତି। ହାତୀପଲରେ ୪୬ଟି ହାତୀ ଅଛନ୍ତି। ହାତୀଗୁଡିକ ଗୋପାଳପୁର ସଂରକ୍ଷିତ ଜଙ୍ଗଲରେ ରହିଛନ୍ତି। ଏବେ ଧାନ ଚାଷ ନଥିବାରୁ ଗାଁକୁ ପଶି ବ୍ୟାପକ ଉପଦ୍ରଵ କରିବେ ବୋଲି ଜଣାପଡିଛି।
ସୋଲାର ଫେନ୍ସି ତାର ଛିଣ୍ଡି ତଳେ ପଡିଥିବା ବେଳେ ଟ୍ରେଞ୍ଜ ମଧ୍ୟ ବହୁ ସ୍ଥାନରେ ପୋତି ହୋଇଗଲାଣି।ହାତୀ ଗାଁକୁ ପଶିବା ଭୟ ଥିବାରୁ ଘରଦ୍ୱାର ଭାଙ୍ଗିବା ସହ ଧନଜୀବନ ହାନି ଆଶଙ୍କା କରି ଗ୍ରାମବାସୀ ଭୟଭୀତ ହୋଇପଡିଛନ୍ତି। ନୀଳଗିରି ବନବିଭାଗ ଗାଁରେ ସଚେତନ ବର୍ତା ପ୍ରଚାର ପ୍ରସାର କରୁଥିବା ବେଳେ ଘରେ ହାଣ୍ଡିଆ, ମଦ ରଖିବାକୁ ବାରଣ କରିଛି।