ସାଲେପୁର, ୦୧/୦୫ : ଭାରସାମ୍ୟ ହରାଇ ରାସ୍ତା କଡ଼କୁ ଓଲଟିଲା ଟ୍ରାକ୍ଟର। ଜଣେ ମୃତ ୪ ଆହତ। ସାଲେପୁର ଥାନା ଅନ୍ତର୍ଗତ ଭୋରା ଗ୍ରାମରେ ବୁଧବାର ସକାଳ ପ୍ରାୟ ୭ଟାରେ ଏଭଳି ମର୍ମନ୍ତୁଦ ଦୁର୍ଘଟଣା ଘଟିଛି।
ସୂଚନାନୁଯାୟୀ, ଏକ ବାଲି ବୋଝେଇ ଟ୍ରାକ୍ଟର ବାଲି ନେଇ ଆସୁଥିବା ବେଳେ ଭୋରା ଗ୍ରମ ନିକଟରେ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଥିଲା। ଫଳରେ ଟ୍ରାକ୍ଟରରେ ଶ୍ରମିକ ଭାବେ କାର୍ଯ୍ୟ କରୁଥିବା ଭୋରା ଗ୍ରାମର ଆଶିଷ କୁମାର ଭୋଇ ଟ୍ରାକ୍ଟର ତଳେ ଚାପି ହୋଇ ରହିଯିବାରୁ ତାଙ୍କର ମୃତ୍ୟୁ ଘଟିଛି। ଟ୍ରାକ୍ଟର ଡ୍ରାଇଭର ସମେତ ୪ ଜଣ ଆହତ ହୋଇଥିବା ଜଣାଯାଇଛି। ସମସ୍ତ ଆହତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି।
