କଟକ,୧୮/୧୧: ଗାଁ ଧୂଳି ଦାଣ୍ଡରୁ ଆରମ୍ଭ କରି ଭାଗବତ ଟୁଙ୍ଗି ପର୍ଯ୍ୟନ୍ତ । ତା ମଧ୍ୟରେ ଗାଁ ପୋଖରୀ ଆଉ ଅଙ୍ଗନବାଡି ଓ ସ୍କୁଲ୍ । ଆଲୋକୀକରଣ ବ୍ୟବସ୍ଥା ସମେତ ଗାଁ ପରିବେଶର ଏକ ଅନନ୍ୟ ଅନୁଭବ । ସହରୀ ଜାକଜମକରେ ଦେଖିବାକୁ ମିଳିବ ଗାଁ ପରିବେଶ । ଏଥିପାଇଁ ‘କଟକ ଇନ୍ କଟକ’ରେ ଜାରି ରହିଛି କାର୍ଯ୍ୟ । ସବୁଠୁ ବଡ କଥା ହେଉଛି ଯେ, ଏହି ଗାଁ ପରିବେଶ ମଧ୍ୟରେ ପ୍ରବେଶ ପଥ ମାନଙ୍କରେ ଆକର୍ଷଣ ସାଜିବ ମତ୍ସ୍ୟ କନ୍ୟା । ପାଖାପାଖି ୧୩ ଫୁଟ୍ ଉଚ୍ଚତା ବିଶିଷ୍ଟ ଏହି ମତ୍ସ୍ୟକନ୍ୟାରେ ରହିବ ସଚେତନତାର ବାର୍ତ୍ତା ।
ଗତ ବର୍ଷ ବାଲିଯାତ୍ରାରେ ଆକର୍ଷଣର କେନ୍ଦ୍ରବିଦୁ ସାଜିଥିଲା ‘କଟକ ଇନ୍ କଟକ’ । ଏହାକୁ ଦୃଷ୍ଟିରେ ରଖି ଚଳିତ ବର୍ଷ ଗତ ବର୍ଷ ଭଳି ସାଜସଜା କରିବାକୁ ଯୋଜନା ରହିଛି । ଏଥିପାଇଁ ଟେଣ୍ଡର୍ ମାଧ୍ୟମରେ ଆଇବଲ୍ ନାମକ ସଂସ୍ଥାକୁ ଦିଆଯାଇଛି । ଭୁବନେଶ୍ୱରର ସୁବାସ କ୍ରିଏସନ୍ ଦ୍ୱାରା ଏହାର ନିର୍ମାଣ କାର୍ଯ୍ୟ ଜାରି ରଖିଛି । ସୁବାସ କ୍ରିଏସନ୍ର ସୁବାସ ସାହୁ, ରଞ୍ଜନ ପରିଡା, ସାରଦା ନାୟକଙ୍କ ନେତୃତ୍ୱରେ ୬୦ଜଣ କାରିଗର ନିର୍ମାଣ କାର୍ଯ୍ୟରେ ଲାଗିପଡିଛନ୍ତି । ଏଥିରେ ୭୦ଟି ବିଭିନ୍ନ ଘର ଆଦି ତିଆରି ହେବ । ଭାଗବତ ଟୁଙ୍ଗିରୁ ନେଇ ଅଙ୍ଗନବାଡି କେନ୍ଦ୍ର ରହିବ । ମୋ ସ୍କୁଲ୍ ମଧ୍ୟ ସ୍ଥାନ ପାଇଛି । ତା ସହିତ ନୂଆ ନୂଆ ଡିଜାଇନ୍ରେ ସେଲ୍ଫି ଜୋନ୍ ରହିଛି । ଏହାବାଦ୍ ବିଭିନ୍ନ ସ୍ଥାନରେ ୮ଟି ମତ୍ସ୍ୟ କନ୍ୟା ନିର୍ମାଣ କରାଯିବ ।
