ନୂଆଦିଲ୍ଲୀ, ୨୪/୮ :  ହରିୟାଣାରେ ବିଧାନସଭା ନିର୍ବାଚନ ହେବାକୁ ଅଛି । ନିର୍ବାଚନ ଆୟୋଗ ଏ‌ ନେଇ ତାରିଖ ଘୋଣଷା କରି ଦେଇଛନ୍ତି।  ରାଜ୍ୟର ସମସ୍ତ ୯୦ସିଟ୍ ଲାଗି ଗୋଟିଏ ପର୍ଯ୍ୟାୟରେ ମତଦାନ ହେବ । ହରିୟାଣାରେ ୧ ଅକ୍ଟୋବରରେ ଭୋଟ ହେବ ଏବଂ ଫଳାଫଳ ୪ ଅକ୍ଟୋବରରେ ଆସିବ । ଭାରତୀୟ ଜନତା ପାର୍ଟି ହରିୟାଣା ବିଧାନସଭା ନିର୍ବାଚନ ଲାଗି ମତଦାନ ତାରିଖ ପରିବର୍ତ୍ତନ କରିବା ଲାଗି ଦାବି କରିଛି ।

ହରିୟାଣାର ବିଜେପି ଅଧ୍ୟକ୍ଷ ମୋହନ ଲାଲ ବଡ଼ୋଲୀ ନିର୍ବାଚନ ଆୟୋଗଙ୍କୁ ଏକ ଚିଠି ଲେଖିଛନ୍ତି । ଯେଉଁଥିରେ ସେ କମ୍ ମତଦାନ ଭୟରେ ୧ଅକ୍ଟୋବରର ମତଦାନ ତାରିଖକୁ ପରିବର୍ତ୍ତନ କରିବା ଲାଗି କହିଛନ୍ତି । ତାଙ୍କର କହିବା ଅନୁସାରେ ୧ଅକ୍ଟୋବରର ମତାଦନ ତାରିଖ ପୂର୍ବରୁ ଏବଂ ପରେ କେତେକ ଛୁଟି ଅଛି । ଯେଉଁ କାରଣରୁ କମ୍ ମତଦାନ ହୋଇପାରେ । ଏଥିଲାଗି ଏହି ତାରିଖକୁ ପରିବର୍ତ୍ତନ କରିବା ଆବଶ୍ୟକ । 

ମୋହନ ଲାଲ ବଡୋଲୀ ଆୟୋଗଙ୍କୁ ଚିଠି ଲେଖି କହିଥିଲେ କି ୧ଅକ୍ଟୋବରରେ ମତଦାନ ଦିନର ଆଗ ଏବଂ ପୂର୍ବରୁ ଛୁଟି ପଡ଼ୁଛି । ଏହି ଛୁଟି କାରଣରୁ ଲୋକ ବାହାରକୁ ବୁଲିବାକୁ ଯାଇପାରନ୍ତି । ଏହାର ପ୍ରଭାବ ମତଦାନ ପ୍ରତିଶତ ଉପରେ ପଡ଼ିପାରେ । ସେ ଏହି ଆଧାରରେ ନିର୍ବାଚନ ଆୟୋଗ ଏବଂ ହରିୟାଣାର ମୁଖ୍ୟ ନିର୍ବାଚନ ଅଧିକାରୀଙ୍କୁ ମତଦାନର ତାରିଖ ପରିବର୍ତ୍ତନ କରିବାକୁ ଦାବି କରିଛନ୍ତି।