ହରଭଙ୍ଗା, ୦୬/୦୯ : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ହରଭଙ୍ଗା ତହସିଲ ଅନ୍ତର୍ଗତ ଶୁରୁଣ୍ଡୀ ଗ୍ରମରେ ଦେଖିବାକୁ ମିଳିଛି ଅଭାବନୀୟ ଘଟଣା। ଆରଡି ରାସ୍ତା ଠାରୁ ମହାନଦୀକୁ ଯାଇଥିବା ରାସ୍ତାର ଉଭୟ ପାର୍ଶ୍ଵରେ ମୃତ୍ତିକା ଖନନ କାର୍ଯ୍ଯ ଚାଲିଛି। ଯାହାକି ସୁରୂଣ୍ଡି ଗ୍ରାମବାସୀଙ୍କୁ ଚକିତ କରିଛି। 

ସୁଚନାନୁଯାୟୀ, ଶରତ ବେହେରା ନାମକ ଜଣେ ବାଲି ବ୍ୟବସାୟୀ ଗତ ଦୁଇ ବର୍ଷ ପୂର୍ବେ ସୁଋଣ୍ଡୀ ବାଲି ଘାଟକୁ ନିଲାମ ନେଇଥିଲେ। ଏହାର କିଛି ଦିନ ପରେ ପଡ଼ୋଶୀ କନ୍ଧମାଳ ଜିଲ୍ଲାକୁ ମଧ୍ଯ ବାଲି ଚାଲାଣ ହୋଇଥିଲା। ତା ପରେ ରାସ୍ତାର ଉଭୟ ପାର୍ଶ୍ଵର ମୃତ୍ତିକା ଖନନ କରିବା ସହିତ ଚାରିପଟେ ଥିବା ଗୋଚର ଜମିରେ ବାଲି ଆଣି ଗଦା କରିଛନ୍ତି। ଯାହା ଫଳରେ ଗ୍ରାମର ଗାଈ ଗୋରୁ ଚରିବା ପାଇଁ ବହୁ ଅସୁବିଧାର ସମ୍ମୁଖିନ ହେଉଛନ୍ତି। ଏମିତିକି ରାସ୍ତାର ଉଭୟ ପାର୍ଶ୍ଵର ମୃର୍ତିକା ଖନନ ଦ୍ଵାରା ପାଖ ଜଙ୍ଗଲ ନଷ୍ଟ ହେବାର ଖବର ମଧ୍ୟ ସାମ୍ନାକୁ ଆସିଛି। ଏପରି ମୃତ୍ତିକା ଖନନ କରି ଜଙ୍ଗଲ ନଷ୍ଟ କରିବା, ଗୋଚର ଜମିରେ ବାଲି ଗଦା କରି ରଖିବା, ବେଧଡକ ବାଲି ଚାଲାଣ କରିବା ଇତ୍ୟାଦି କାର୍ଯ୍ଯ ସବୁ କାହା ସ୍ବାର୍ଥରେ ହେଉଛି, ତାହା ସାଧାରଣରେ ଏକ ବିରାଟ ପ୍ରଶ୍ନବାଚୀ ସୃଷ୍ଟି କରିଛି। ତେଣୁ ସ୍ଥାନୀୟ ପ୍ରଶାସନ ସ୍ଵତନ୍ତ୍ର ଦୃଷ୍ଟି ଦେବା ସହ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯାନୁଷ୍ଠାନ ଗ୍ରହଣ କରାଯିବା ପାଇଁ ସାଧାରଣରେ ଦାବୀ ହେଉଛି।