ନୂଆଦିଲ୍ଲୀ,୦୭/୦୧: ଗତ କିଛି ମାସ ହେବ, ଚୀନ୍ ସେନାରେ ବିବାଦ ଦେଖାଦେଇଛି। ଏହି କାରଣରୁ ଦୁର୍ନୀତି ଅଭିଯୋଗ ହେତୁ ଉଚ୍ଚସ୍ଥରୀୟ କମାଣ୍ଡର ତଥା ପ୍ରତିରକ୍ଷା ମନ୍ତ୍ରୀଙ୍କୁ ମଧ୍ୟ ହଟାଇ ଦିଆଯାଇଥିଲା। ଏପରି ପରିସ୍ଥିତିରେ, ବୁଡ଼ାଜାହାଜ ନଷ୍ଟ ହେବାକୁ ନେଇ ମଧ୍ୟ କଳ୍ପନାଜଳ୍ପନା କରାଯାଇଥିଲା। ଏସବୁ ମଧ୍ୟରେ ଦକ୍ଷିଣ ଚୀନ୍ ସାଗରରେ ଚୀନ୍ ଆହୁରି ଆକ୍ରମଣାତ୍ମକ ହୋଇପଡ଼ିଛି। ବିଶେଷ କରି ତାଇୱାନ ଉପରେ ତାଙ୍କର ହିଂସାତ୍ମକ ଦୃଷ୍ଟିକୋଣକୁ ନେଇ ସେ ଅଧିକ ଚିନ୍ତା ପ୍ରକଟ କରିଛନ୍ତି।
ଚୀନ୍ ସେନାର ଆଣବିକ ଚାଳିତ ବୁଡ଼ାଜାହାଜ ବୁଡ଼ିଯିବାର ଗୁଜବ ଉପରେ ୱାଶିଂଟନ୍ର ନ୍ୟାସନାଲ ଡିଫେନ୍ସ ୟୁନିଭରସିଟିର ବରିଷ୍ଠ ଅନୁସନ୍ଧାନକାରୀ ଡକ୍ଟର ଜୋଏଲ୍ ୱଥନୋ କହିଛନ୍ତି ଯେ, 'ଏହା ଏକ ଗୁରୁତ୍ବପୂର୍ଣ୍ଣ ମାମଲା। ମୁଁ ଭାବୁଛି ଯେ, ଖୁବଶୀଘ୍ର ଏନେଇ ଏକ ସୂଚନା ସାର୍ବଜନୀନ ଡୋମେନରେ ପ୍ରକାଶ କରାଯାଇପାରେ। ଚୀନ୍ ଏହାର ତ୍ରୁଟିକୁ ସ୍ବୀକାର କରିବା ଆବଶ୍ୟକ।
ଆମେରିକାର ସେଣ୍ଟର ଫର୍ ଷ୍ଟ୍ରାଟେଜିକ୍ ଆଣ୍ଡ ଇଣ୍ଟରନ୍ୟାସନାଲ ଷ୍ଟଡିଜ୍ ଅକ୍ଟୋବର ଶେଷରେ ଚୀନ୍ ସେନାର ସାମୂହିକ ବିକାଣକୁ ନେଇ ଏକ ୱେବିନାର ଆୟୋଜନ କରିଥିଲା। ଚୀନ୍ ଏରୋସ୍ପେସ୍ ଷ୍ଟଡିଜ୍ ପ୍ରତିଷ୍ଠାନର ଅନୁସନ୍ଧାନ ନିର୍ଦ୍ଦେଶକ ରୋଡେରିକ୍ ଲି କହିଛନ୍ତି ଯେ ଚୀନ୍ ସୈନ୍ୟବାହିନୀର ଅଶାନ୍ତି ଏବଂ ପୂର୍ବତନ ପ୍ରତିରକ୍ଷା ମନ୍ତ୍ରୀ ଲି ଶାଙ୍ଗଫୁଙ୍କ ନିଖୋଜ ବିଷୟକୁ ନେଇ ଅନେକ ଗୁଜବ ରହିଛି। କିନ୍ତୁ ଏହା ପଛରେ ବଡ଼ ଧରଣର ଦୁର୍ନିତି ଲୁଚି ରହିବି ବୋଲି ସନ୍ଦେହ ଉପୁଜିଛି।
