ନିଶ୍ଚିନ୍ତକୋଇଲି,୦୯/୦୮: ବିଳମ୍ବିତ ରାତିରେ ଗୋ-ମାଂସ ବୋଝେଇ ପିକଅପ୍ ଭ୍ୟାନ ଜବତ । ଗାଡ଼ିଟି କେନ୍ଦ୍ରାପଡାରୁ କଟକ ଅଭିମୁଖେ ଯାଉଥିଲା । ଗାଡ଼ିକୁ ଜବତ କରି ଡ୍ରାଇଭରକୁ ଅଟକ ରଖିଛି ପୋଲିସ ।
ସୂଚନା ଅନୁଯାୟୀ, ଗୁରୁବାର ବିଳମ୍ବିତ ରାତିରେ ଏକ ଗୋ-ମାଂସ ବୋଝେଇ ପିକଅପ୍ ଭ୍ୟାନ କେନ୍ଦ୍ରାପଡାରୁ କଟକ ଅଭିମୁଖେ ଯାଉଥିଲା । ଏ ବିଷୟରେ ଏକ ବିଶେଷ ସୂତ୍ରରୁ ପୂର୍ବରୁ ଖବର ପାଇଥିଲା ନିଶ୍ଚିନ୍ତକୋଇଲି ଥାନା ପୋଲିସ । ଖବର ପାଇ ନିଶ୍ଚିନ୍ତକୋଇଲି ଥାନା ଅଧିକାରୀଙ୍କ ସହିତ ଏକ ପୋଲିସ ଟିମ ମେଡ଼ିକାଲ ଛକରେ ଛକି ବସିଥିଲା । ସେଠାରୁ ଗୋ-ମାଂସ ବୋଝେଇ ପିକଅପ ଭ୍ୟାନକୁ ଜବତ କରିଥିଲା ପୋଲିସ । ଭ୍ୟାନ୍ର ଡ୍ରାଇଭରକୁ ଅଟକ ରଖାଯାଇଛି । ଏହାର ବିଭିନ୍ନ ଦିଗକୁ ନେଇ ତଦନ୍ତ କରୁଛି ନିଶ୍ଚିନ୍ତକୋଇଲି ଥାନା ପୋଲିସ ।
