ଖଣ୍ଡପଡ଼ା,୦୯/୦୯: ପୂର୍ବ ଶତ୍ରୁତାକୁ କେନ୍ଦ୍ର କରି ଗାଁ ଦାଣ୍ଡରେ ଯୁବକଙ୍କୁ ଧାରୁଆ ଅସ୍ତ୍ରରେ ହାଣିଲେ କିଛି ଦୃବୃତ୍ତ । ଯୁବକ ଜଣକ ଅଖିଳ କୁମାର ସାହୁ ବୋଲି ଜଣାପଡ଼ିଛି । ଫତେଗଡ଼ ଥାନା ଅନ୍ତର୍ଗତ ଭଗବାନପୁର ଗାଁରେ ଏଭଳି ଅଭାବନୀୟ ଘଟଣା ଘଟିଛି । 

ସୂଚନା ମୁତାବକ, ଅଖିଳଙ୍କ ସହ ଅଭିଯୁକ୍ତର ପୂର୍ବରୁ କୌଣସି ବ୍ୟକ୍ତିଗତ କାରଣରୁ ସତ୍ରୁତା ସୃଷ୍ଟି ହୋଇଥିଲା । ଏହାର ପ୍ରତିଶୋଧ ନେବାକୁ ଯାଇ ଅଖିଳଙ୍କ ଉପରକୁ ମରଣାନ୍ତକ ଆକ୍ରମଣ କରିଥିଲା ଅଭିଯୁକ୍ତ । କିଛି ସାଙ୍ଗଙ୍କ ସହ ମିଶି ଗାଁ ଦାଣ୍ଡରେ ଅଖିଳଙ୍କୁ ଏକ ଧାରୁଆ ଅସ୍ତ୍ରରେ ହାଣିଥିଲା ଅଭିଯୁକ୍ତ । ଏହି ଆକ୍ରମଣରେ ଗୁରୁତର ହୋଇଥିଲେ ଅଖିଳ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପହଞ୍ଚିଥିଲା ଫତେଗଡ଼ ପୋଲିସ । ସେଠାରେ ପହଞ୍ଚି ଅଖିଳଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରି ଭୁବନେଶ୍ୱରରେ ଏକ ଘରୋଇ ହସ୍ପିଟାଲରେ ଭର୍ତି କରାଇଥିଲା । ପରେ ଏହି ଆକ୍ରମଣର କାରଣ ଖୋଜି ଘଟଣାର ତଦନ୍ତ ଜାରି ରଖିଛି ପୋଲିସ ।