ଭାପୁର,୧୮/୪ : ଫତେଗଡ ଥାନା ଅନ୍ତର୍ଗତ ଭାପୁର ବ୍ଲକ ଶାଳପଡା ଛକରେ ଜଣେ ବୃଦ୍ଧଙ୍କ ଢାଳମାଡରେ ଜଣେ ଯୁବ ବ୍ୟବସାୟୀଙ୍କ ଜୀବନ ଚାଲିଯାଇଥିବା ଥାନାରେ ଅଭିଯୋଗ ହୋଇଛି । ମୃତ ଯୁବ ବ୍ୟବସାୟୀଙ୍କ ସ୍ତ୍ରୀ କାଦମ୍ବିନୀ ସାମନ୍ତରାୟଙ୍କ ଫତେଗଡ ଥାନାରେ ଲିଖିତ ଅଭିଯୋଗ ଅନୁଯାୟୀ ତାଙ୍କ ଘର ପଦ୍ମାବତୀ ପଞ୍ଚାୟତର ତଳମାରଡା ଗ୍ରାମରେ । ତାଙ୍କ ସ୍ୱାମୀ ଅରୁଣ କୁମାରଙ୍କ(୪୫) ସହିତ ଦୀର୍ଘ ପାଞ୍ଚ ବର୍ଷ ଧରି ଶାଳପଡା ଛକରେ ଏକ ଭଡାଘରେ ରହି ଆସୁଥିଲେ । 

ସେଠାରେ ଏକ ଭଡା ଘରେ ରଙ୍ଗ, ଲୁହା ଦୋକାନରେ ବ୍ୟବସାୟ କରୁଥିଲେ । ଆଜି ସକାଳୁ ତାଙ୍କ ଆସି ଦୋକାନ ଖୋଲୁଥିବା ସମୟରେ ସେହି ଛକରେ ଦୋକାନ ଦେଇଥିବା ଜଣେ ବୃଦ୍ଧ ଯାହାକ ନାମ ପଦ ଶତପଥୀ ଏକ କଂସା ଢାଳରେ ତାଙ୍କ ସ୍ୱାମୀଙ୍କୁ ପିଟିବାକୁ ଲାଗିଲେ । ସେଠାରେ କାଦମ୍ବିନୀ ପହଞ୍ଚି ଆହତ ହୋଇଥିବା ତାଙ୍କ ସ୍ୱାମୀ ଅରୁଣ ରାଉତଙ୍କୁ ଭାପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ପ୍ରାଥମିକ ଚିକିତ୍ସା ସମୟରେ ଡକ୍ଟର ମୃତ୍ୟୁ ଘୋଷଣା କରିଥିଲେ ।  

ଏ ନେଇ ସେ ଫତେଗଡ ଥାନାରେ ଲିଖିତ ଅଭିଯୋଗ କରିଥିଲେ । ଫତେଗଡ ପୋଲିସ ପକ୍ଷରୁ ଏକ ମାମଲା ରୁଜୁ କରି ପଦ ଶତପଥୀଙ୍କୁ ଅଟକ ରଖିବା ସହିତ ଫାଣ୍ଡି ଅଧିକାରୀ ସଞ୍ଜୟ କୁମାର ପରିଡା ମେଡିକାଲରେ ପହଞ୍ଚି ଶବ ଜବତ କରିବା ସହ ଶଵ ବ୍ୟବଚ୍ଛେଦ ପାଇଁ ଖଣ୍ଡପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇ ଦେଇଥିବା ସୂଚନା ମିଳିଛି ‌ ଘଟଣାସ୍ଥଳରେ ଉତ୍ତେଜନା ଲାଗି ରହିଛି।