ନୂଆଦିଲ୍ଲୀ: ଶୁକ୍ରବାର ଦିଲ୍ଲୀ ସରକାରୀ ମନ୍ତ୍ରୀ କୈଲାଶ ଗେହଲୋଟଙ୍କ ଠାରୁ ଆଇନ ଓ କାନୁନ ବିଭାଗ ଫେରାଇ ନିଆ ଯାଇଛି । ଏବେ ଆଇନ ବିଭାଗର ଦାୟିତ୍ୱ ଅତିଶୀଙ୍କୁ ଦିଆଯାଇଛି । ଅଧିକାରୀ ମାନେ ଏହି ସୂଚନା ଦେଇଛନ୍ତି । ଏହାର ଗୋଟିଏ ଦିନ ପୂର୍ବରୁ ଲେଫ୍ଟନାଣ୍ଟ ଗଭର୍ଣ୍ଣର ଭି.କେ ସାକ୍ସେନା ସହରରେ ନ୍ୟାୟିକ ଭିତ୍ତିଭୂମି ତଥା ପ୍ରଶାସନ ସହ ଜଡିତ ଫାଇଲ ମାଗିଥିଲେ, କାରଣ ଏହି ଫାଇଲଗୁଡିକ କୈଲାଶ ଗେହଲୋଟଙ୍କ ପାଖରେ କିଛି ମାସ ହେବ ବିଚାରାଧୀନ ଥିଲା ।
ଅଧିକାରୀ କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ଲେଫ୍ଟନାଣ୍ଟ ଜେନେରାଲଙ୍କ କାର୍ଯ୍ୟାଳୟକୁ ଚିଠି ଲେଖି ଆଇନ ବିଭାଗର ଦାୟିତ୍ୱ ଅତିଶୀଙ୍କୁ ହସ୍ତାନ୍ତର କରିବାକୁ ସୁପାରିଶ କରିଥିଲା ଏବଂ ଏହା ଲେଫ୍ଟନାଣ୍ଟ ଗଭର୍ଣ୍ଣରଙ୍କ ଅନୁମୋଦନ ପାଇଛି । ତେବେ ଆମ୍ ଆଦମୀ ପାର୍ଟି ସରକାର ଏହା ଉପରେ କୌଣସି ଆନୁଷ୍ଠାନିକ ପ୍ରତିକ୍ରିୟା ଦେଇନାହିଁ ।
ଏହି ପରିବର୍ତ୍ତନ ସହିତ ଅତିଶୀଙ୍କ ପାଖରେ ଥିବା ବିଭାଗ ସଂଖ୍ୟା ଏବେ ୧୪ କୁ ବୃଦ୍ଧି ପାଇଛି, ଯାହା କେଜ୍ରିୱାଲ ସରକାରଙ୍କ ମନ୍ତ୍ରୀଙ୍କ ମଧ୍ୟରେ ସର୍ବାଧିକ । ଏହାପୂର୍ବରୁ ଅକ୍ଟୋବରରେ ତାଙ୍କୁ ଜଳ ବିଭାଗର ଦାୟିତ୍ୱ ଦିଆଯାଇଥିଲା । ଜୁନ୍ ମାସରେ ଆତିଶୀଙ୍କୁ ରାଜସ୍ୱ, ଯୋଜନା ଏବଂ ଅର୍ଥ ବିଭାଗର ଦାୟିତ୍ୱ ଦିଆଯାଇଥିଲା । ଏହି ବିଭାଗ ଗୁଡ଼ିକ ପୂର୍ବରୁ କୈଲାଶ ଗେହଲୋଟଙ୍କ ପାଖରେ ଥିଲା ।