ନୂଆଦିଲ୍ଲୀ: ଦିଲ୍ଲୀ ସିଏମ ଆତିଶୀଙ୍କୁ Z ବର୍ଗର ସୁରକ୍ଷା ଦିଆଯାଇଛି । ଦିଲ୍ଲୀ ପୋଲିସ ସୂତ୍ରରୁ ଏହି ସୂଚନା ମିଳିଛି । ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବା ପରେ ତାଙ୍କୁ Z ବର୍ଗର ସୁରକ୍ଷା ପ୍ରଦାନ କରାଯାଇଛି । ଯେତେବେଳେ ଅରବିନ୍ଦ କେଜ୍ରିଓ୍ବାଲ ମୁଖ୍ୟମନ୍ତ୍ରୀ ଥିଲେ, ସେତେବେଳେ ତାଙ୍କୁ Z ପ୍ଲସ୍ ସୁରକ୍ଷା ମିଳିଥିଲା।

ପ୍ରୋଟୋକଲ ଅନୁଯାୟୀ, ଗୃହ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ଦିଲ୍ଲୀର ମୁଖ୍ୟମନ୍ତ୍ରୀଙ୍କୁ Z ବର୍ଗର ସୁରକ୍ଷା ଦିଆଯାଇଛି । ପୋଲିସ ସୂତ୍ରରୁ ପ୍ରକାଶ ଯେ, ବିପଦ ଆଶଙ୍କା ପରେ ଗୃହ ମନ୍ତ୍ରଣାଳୟର ନିର୍ଦ୍ଦେଶରେ ମୁଖ୍ୟମନ୍ତ୍ରୀଙ୍କ ସୁରକ୍ଷା କେନ୍ଦ୍ରୀୟ ଏଜେନ୍ସି ଦ୍ୱାରା ଅଧିକ ସମୀକ୍ଷା କରାଯାଇଥିଲା । 

ସୂଚନାଥାଉକି, ଯେ VVIP ଲୋକଙ୍କୁ Z ସୁରକ୍ଷା ଦିଆଯାଇଥାଏ। ଦେଶରେ ପ୍ରଦାନ କରାଯାଇଥିବା ସୁରକ୍ଷା ବର୍ଗରେ ଏହା ଦ୍ୱିତୀୟ ସ୍ଥାନରେ ରହିଛି । Z ପ୍ଲସ ହେଉଛି ପ୍ରଥମ ସ୍ତରର ସୁରକ୍ଷା ବର୍ଗ । ଯେଉଁମାନେ Z ସୁରକ୍ଷା ପାଆନ୍ତି, ସେମାନଙ୍କ ସୁରକ୍ଷା ପାଇଁ ୨୨ ଜଣ ଯବାନ ନିୟୋଜିତ ହୋଇଥାନ୍ତି ।  NSG କମାଣ୍ଡୋ ମଧ୍ୟ ଏଥିରେ ଅନ୍ତର୍ଭୁକ୍ତ । ଏହି ସୁରକ୍ଷା ଭାରତର ଅନେକ ନେତା ଏବଂ ଅଭିନେତାଙ୍କୁ ଦିଆଯାଇଛି । ଏପରି ଉଚ୍ଚ ସ୍ତରୀୟ ସୁରକ୍ଷା ଯୋଗାଇବାକୁ ଭାରତ ସରକାର ନିଷ୍ପତ୍ତି ନେଇଛନ୍ତି । ଏଥିପାଇଁ ବହୁତ ଖର୍ଚ୍ଚ ହୋଇଥାଏ । ଯଦି ଗଣମାଧ୍ୟମର ରିପୋର୍ଟକୁ ବିଶ୍ବାସ କରାଯାଏ, ତେବେ ଆରଟିଆଇ ଅନୁଯାୟୀ, ଏହି ସୁରକ୍ଷା ପାଇଁ ଖର୍ଚ୍ଚ ରାଜ୍ୟ ଅଂଶରେ ଅନ୍ତର୍ଭୂକ୍ତ କରାଯାଇଛି । ଏହାର ଅର୍ଥ ହେଉଛି ଏହି ଯେଉଁ ରାଜ୍ୟରେ ବ୍ୟକ୍ତିଙ୍କୁ ସୁରକ୍ଷା ଯୋଗାଇ ଦିଆଯାଏ, ସେହି ରାଜ୍ୟ ଏହାର ଖର୍ଚ୍ଚ ବହନ କରିଥାଏ । 

,