ଭୁବନେଶ୍ୱର,୨୯/୦୧: ଆସନ୍ତା ୩୦ରୁ ଆରମ୍ଭ ହେବ ଫାର୍ମାସି ଡିପ୍ଲୋମା ପ୍ରଥମ ଓ ଦ୍ୱିତୀୟ ବର୍ଷର ପରୀକ୍ଷା । ଏହା ଫେବୃୟାରୀ ୧୩ ତାରିଖ ପର୍ଯ୍ୟନ୍ତ ଚାଲିବ ବୋଲି ଓଡ଼ିଶା ଫାର୍ମାସି ବୋର୍ଡ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ଚଳିତବର୍ଷ ମୋଟ ୫୭ଟି ଶିକ୍ଷାନୁଷ୍ଠାନରୁ ୬୦୧୮ ଜଣ ଛାତ୍ରଛାତ୍ରୀ ଏହି ପରୀକ୍ଷା ଦେବେ । ରାଜ୍ୟର ମୋଟ ୧୯ଟି କେନ୍ଦ୍ରରେ ପରୀକ୍ଷା ହେବ । ସମସ୍ତ ପରୀକ୍ଷା ଦିନ ୧୦ଟାରୁ ଅପରାହ୍ନ ୧ଟା ପର୍ଯ୍ୟନ୍ତ ଚାଲିବ । ପରୀକ୍ଷାର୍ଥୀମାନେ ପ୍ରବେଶ ପତ୍ର, ପଞ୍ଜୀକରଣ ପତ୍ର, ଶିକ୍ଷାନୁଷ୍ଠାନ ପରିଚୟପତ୍ର ଓ ଆଧାର ସହିତ ପୂର୍ବାହ୍ନ ୯ଟା ସୁଦ୍ଧା କେନ୍ଦ୍ରରେ ପହଁଞ୍ଚିବାକୁ ଫାର୍ମାସି ବୋର୍ଡ ପକ୍ଷରୁ ନିର୍ଦ୍ଦେଶ ଦିଆଯାଇଛି ।
