ପ୍ରମୁଖ ଖବର
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଆମ୍ବେଦକରଙ୍କ ଜୟନ୍ତୀରେ ଏକାଥରେ ବାଜିଲା ୧୫ ଡିଜେ, ଗୁରୁତର ହୋଇ ହସ୍ପିଟାଲରେ ପଡ଼ିଲେ ୨୫୦ ଲୋକ

ମୁମ୍ବାଇ: ଆମ୍ବେଦକରଙ୍କ ଜୟନ୍ତୀ ପାଳନ ଅବସରରେ ଅସହ୍ୟ ହେଲା ଡିଜେ ସାଉଣ୍ଡ । ଡିଜେର ଶବ୍ଦ ଏତେ ଅଧିକ ଥିଲା ଯେ, ଶତାଧିକ ଲୋକଙ୍କ ମୁଣ୍ଡ ବୁଲାଇବା ସହ ସେମାନେ ଗୁରୁତର ହୋଇପଡ଼ିଥିଲେ । ପ୍ରାୟ ୨୫୦ ଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ଜଣାପଡ଼ିଛି । କାହାକୁ କିଛି ଶୁଭୁନଥିଲା କି ମୁଣ୍ଡ କାମ ଦେଉନଥିଲା । ସେପଟେ ସୂଚନା ପାଇ ଘଟଣାସ୍ଥଳରେ ପହଞ୍ଚି ଆୟୋଜକଙ୍କ ବିରୋଧରେ ପୋଲିସ ମାମଲା ରୁଜୁ କରିଛି । 

ମିଳିଥିବା ସୂଚନା ଅନୁସାରେ, ଏପ୍ରିଲ ୧୪ରେ ଦେଶବ୍ୟାପୀ ବାବା ସାହେବ ଆମ୍ବେଦକରଙ୍କ ଜୟନ୍ତୀ ପାଳନ ହୋଇଥିଲା । ଏହି ଦିନକୁ ଧୁମଧାମରେ ପାଳନ କରିବାକୁ ପୁନେ ସହରରେ ୧୫ଟି ଡିଜେର ଆୟୋଜନ ହୋଇଥିଲା । ହୃଦୟ ଖୋଲି ଡିଜେ ସାମ୍ନାରେ ନାଚିଥିଲେ ଯୁବପିଢ଼ି । ଏସବୁ ଡିଜେର ଶବ୍ଦ ୧୫୦ ଡେସିବଲ୍‌ରୁ ଅଧିକ ଥିଲା ।  ଏଭଳି ଶବ୍ଦ ଶୁଣି ଲୋକଙ୍କ ମୁଣ୍ଡ ଗୋଲ୍‌ ହେବା ସହ ଶୁଭିବା ବନ୍ଦ ହୋଇଯାଇଥିଲା । ବିଶେଷ କରି ଅଧିକାଂଶ ଯୁବକଙ୍କ ସ୍ବାସ୍ଥ୍ୟବସ୍ଥା ବିଗିଡ଼ିଯାଇଥିଲା । 

୧୭ରୁ ୪୦ ବର୍ଷର ଲୋକଙ୍କ କାନ ଏକ ପ୍ରକାର ଖରାପ ହୋଇଯାଇଥିଲା । ପ୍ରାୟ ୨୫୦ ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ସେପଟେ ଧ୍ବନୀ ପ୍ରଦୂଷଣ କରିଥିବା ଅଭିଯୋଗରେ ପୋଲିସ ମାମଲା ରୁଜୁ କରିଛି । ତେବେ ଡାକ୍ତରଙ୍କ କହିବା କଥା ହେଲା ଅତ୍ୟଧିକ ଶବ୍ଦ ଶୁଣିବା କ୍ଷଣି କାନ ଶୂନ ପଡ଼ିଗଲେ ଡାକ୍ତରଙ୍କୁ ସଂପର୍କ କରିବା ଉଚିତ । ନଚେତ ୭୨ ଘଣ୍ଟା ମଧ୍ୟରେ ବଧିର ପାଲଟିଯିବାର ଭୟ ରହିଛି ।

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.