ଭୁବନେଶ୍ୱର,୦୩/୦୪: ମିଶନ ଶକ୍ତି ବିଭାଗ କମିଶନର ଓ ସଚିବ ଥିବା ସୁଜାତା କାର୍ତ୍ତିକେୟନଙ୍କୁ ପଦରୁ ହଟାଇବାକୁ ନିର୍ଦ୍ଦେଶ ଦେଇଛନ୍ତି ଭାରତର ମୁଖ୍ୟ ନିର୍ବାଚନ  କମିଶନର(ଇସିଆଇ) । ବିଜେପିର କେନ୍ଦ୍ରୀୟ ଟିମ୍‌ ଗୁରୁବାର ଇସିଆଇଙ୍କୁ ଭେଟି ତାଙ୍କୁ ପଦରୁ ହଟାଇବାକୁ ଦାବି କରିଥିଲେ । 

ରାଜ୍ୟରେ ବିଜେଡି ସପକ୍ଷରେ ଭୋଟ୍‌ ଦେବାକୁ ସେ ସ୍ୱୟଂସହାୟକ ଗୋଷ୍ଠୀ (ଏସ୍‌ଏଚଜି) ସଦସ୍ୟାଙ୍କ ଉପରେ ଚାପ ପକାଉଛନ୍ତି । ସେମାନଙ୍କୁ  ପ୍ରଭାବିତ କରିବାକୁ ଚେଷ୍ଟା କରୁଛନ୍ତି । ଭୋଟରଙ୍କୁ ସଚେତନ କରାଇବାକୁ ଜାତୀୟ  ନିର୍ବାଚନ କମିଶନଙ୍କ ସିଷ୍ଟମେଟିକ୍‌ ଭୋଟର୍ସ ଏଜୁକେଶନ ଆଣ୍ଡ ଇଲେକ୍ଟ୍ରୋରାଲ ପାର୍ଟିସପେସନ (ଏସ୍‌ଭିଇଇପି) କାର୍ଯ୍ୟକ୍ରମର ସେ ଅପବ୍ୟବହାର କରୁଥିବା ମଧ୍ୟ ବିଜେପି ଅଭିଯୋଗ କରିଥିଲା । ନିର୍ବାଚନ ଆଦର୍ଶ ଆଚରଣ  ବିଧିର ଏହା ଖୋଲା ଉଲ୍ଲଂଘନ ବୋଲି ବିଜେପି ମୁଖପାତ୍ର ସୁଧାଂଶୁ ତ୍ରିବେଦୀ ଅଭିଯୋଗ କରିଥିଲେ। ସୁଜାତାଙ୍କୁ ମିଶନ ଶକ୍ତି ସଚିବ ପଦରୁ ହଟାଇବା ସହ ତାଙ୍କୁ ଲୋକଙ୍କ ସହ  ସିଧାସଳଖ ସଂପୃକ୍ତି ନ ଥିବା ବିଭାଗକୁ ବଦଳି କରିବାକୁ ବିଜେପି ଦାବି କରିଥିଲା ।  ଇସିଆଇ ଏହି ଅଭିଯୋଗକୁ ଗୁରୁତର ସହ ନେଇ ତତ୍କାଳ କାର୍ଯ୍ୟାନୁଷ୍ଠାନ ନେଇଛନ୍ତି ।