ମୁମ୍ୱାଇ : ହିନ୍ଦୀ ଫିଲ୍ମ ଇଣ୍ଡଷ୍ଟ୍ରୀର ଜଣାଶୁଣା ଅଭିନେତ୍ରୀ ତଥା ଧର୍ମେନ୍ଦ୍ର-ହେମା ମାଳିନୀଙ୍କ ଝିଅ ଇଶା ଦେଓଲ ଏୟାରପୋର୍ଟରେ ଦେଖିବାକୁ ମିଳିଛି। ସେ ଖୁବ୍ ଖୁସି ନଜର ଆସୁଥିଲେ। ସେ ଫଟୋ ସାମ୍ୱାଦିକଙ୍କୁ ପୋଜ୍ ମଧ୍ୟ ଦେଲେ ଏବଂ ତାଙ୍କ ସହ କଥାବାର୍ତ୍ତା ବି ହେଲେ। ଏହି ମଧ୍ୟରେ ଜଣେ ସାମ୍ୱାଦିକ ତାଙ୍କୁ କେମିତି ଅଛନ୍ତି ବୋଲି ପଚାରିଲେ। ଇଶାଙ୍କ ଜବାବ ଶୁଣିବା ପରେ ଏବେ ସୋସିଆଲ ମିଡିଆରେ ଲୋକଙ୍କ ରିଆକ୍ସନ ଆସୁଛି। ମନେପକାଇ ଦେଉଛୁ କି, ନିକଟରେ ଇଶା ନିଜର ସ୍ୱାମୀ ଓ ବିଜେନେସମ୍ୟାନ୍ ଭରତ ତଖତାନୀଙ୍କ ଠାରୁ ବିବାହର ୧୧ ବର୍ଷ ପରେ ଅଲଗା ହେବାର ନିଷ୍ପତ୍ତି ନେଇଥିଲେ।
ଇଶା ଦେଓଲ ନିକଟରେ ଦିଲ୍ଲୀ ଟାଇମ୍ସ କୁ ଦେଇଥିବା ସାକ୍ଷାତକାରରେ ଏହି କଥାର ଘୋଷଣା କରିଥିଲେ କି, ସେ ନିଜର ସ୍ୱାମୀ ଭରତଙ୍କ ଠାରୁ ବିଚ୍ଛେଦ ହେଉଛନ୍ତି। କେବଳ ଏତିକି ନୁହେଁ , ସେ ଲୋକଙ୍କୁ ପ୍ରାଇଭେସିର ସମ୍ମାନ କରିବାକୁ ଅପିଲ ମଧ୍ୟ କରିଥିଲେ। ଏହି ଘୋଷଣା ପରେ ସେ ସୋମବାର ପ୍ରଥମ ଥର ନଜରକୁ ଆସିଛନ୍ତି। ତାଙ୍କର ଚେହେରାରେ ହାଲକା ହସ ଦେଖିବା ପରେ ଫଟୋ ସାମ୍ୱାଦିକ ତାଙ୍କୁ ପୋଜ୍ ଦେବାକୁ କହିଥିଲେ ଏବଂ ପଚାରି ଥିଲେ କି ସେ କେମିତି ଅଛନ୍ତି ? ଅଭିନେତ୍ରୀ କହିଥିଲେ , ମୁଁ ଠିକ୍ ଅଛି । ଆପଣମାନେ ସମସ୍ତେ କେମିତି ଅଛନ୍ତି ?
ଇଶା ଦେଓଲଙ୍କ ଫଟୋ ଓ ଭିଡ଼ିଓ ଦେଖିବା ପରେ ଲୋକେ ଅନେକ କମେଣ୍ଟ ଦେଉଛନ୍ତି। ଜଣେ ୟୁଜର ଲେଖିଛନ୍ତି , ଖୁବ୍ ଶୀଘ୍ର କରିବେ ଦ୍ୱିତୀୟ ବିବାହ। ଅନ୍ୟ ଜଣେ ଲେଖିଛନ୍ତି, ଯୁବତୀ ବେଳର ହେମା ମାଳିନୀ। ଆଉ ଜଣେ ୟୁଜର ଲେଖିଛନ୍ତି ଆପଣ ଖୁବ୍ ହସୁଛନ୍ତି। କଣ ଦୁଃଖ ରହିଛି କି , ତାକୁ ଲୁଚାଉଛନ୍ତି ?
କହି ରଖୁଛୁ କି ଇଶା , ରକୁଲ ଓ ଜ୍ୟାକି ଭଗନାନୀଙ୍କ ବିବାହରେ ଯୋଗ ଦେବାକୁ ଗୋଆ ଯାଇଛନ୍ତି। ସେ ଏୟାରପୋର୍ଟରେ ଏକୁଟିଆ ନଜର ଆସିଥିଲେ। ତାଙ୍କ ସହ ତାଙ୍କର ଝିଅ ନଜର ଆସିଥିଲେ।
