ନାରାୟଣପାଟଣା, ୨୯/୦୩ : ପାରିବାରିକ କଳହର କରୁଣ ପରିଣତି। ଶ୍ଵଶୁରକୁ ଛୁରି ଭୁସି ହତ୍ୟା କଲା ଜ୍ଵାଇଁ। ଏଭଳି ଅଭାବନୀୟ ଘଟଣା ଘଟିଛି ନାରାୟଣପାଟଣା ଥାନା ବାସନପୁର ଗାଁରେ। ସେପଟେ ଶ୍ଵଶୁରକୁ ହତ୍ୟା କରିବା ପରେ ଫେରାର୍ ହୋଇଯାଇଛି ଜ୍ଵାଇଁ।
ସୂଚନାନୁଯାୟୀ, ନାରାୟଣପାଟଣା ଥାନା ବାସନପୁର ଗାଁରେ ଏକ ବିଭତ୍ସ ହତ୍ୟାକାଣ୍ଡ ଘଟିଛି। ପାରିବାରିକ କଳହରୁ ଶ୍ଵଶୁର ରାମଚନ୍ଦ୍ର ହୁଲୁକାଙ୍କୁ ଜ୍ଵାଇଁ ସାତୁ ପ୍ରାସ୍କା ଛୁରୀ ଭୁସି ହତ୍ୟା କରିଛି। ଏହାପରେ ଘଟଣାସ୍ଥଳରୁ ଫେରାର୍ ହୋଇଯାଇଛି। ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।