ନୂଆଦିଲ୍ଲୀ,୭/୫ : ଭାରତରେ ପରୀକ୍ଷାର ସିଜନ ପ୍ରାୟ ଶେଷ ହୋଇସାରିଛି । କେତେକ ରାଜ୍ୟର ବୋର୍ଡ଼ ଏହାର ଫଳାଫଳ ଜାରି କରିସାରିଛନ୍ତି । ଏବେ ପର୍ଯ୍ୟନ୍ତ ପରୀକ୍ଷାରେ ଆସିଥିବା ଉତ୍ତରକୁ ନେଇ କେତେକ ସୁନ୍ଦର କାହାଣୀ ଦେଖିବା ଏବଂ ଶୁଣିବାକୁ ମିଳୁଛି । ୧୦ମ ଏବଂ ୧୨ତମ ଶ୍ରେଣୀର ପରୀକ୍ଷାର କେତେକ ଭିଡ଼ିଓ ଓ ଉତ୍ତରଖାତା ସୋସିଆଲ ମିଡ଼ିଆରେ ଭାଇରାଲ ହୋଇଥିଲା । ଏବେ ସୋସିଆଲ ମିଡ଼ିଆରେ ୫ମ ଶ୍ରେଣୀର ଜଣେ ଛାତ୍ରଙ୍କ ଉତ୍ତରଖାତା ଚର୍ଚ୍ଚାର ବିଷୟ ପାଲଟିଛି । ଏହି ଭାଇରାଲ ଉତ୍ତରଖାତା ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହି ଉତ୍ତରଖାତାର କିଛି ଉତ୍ତର ଏତେ ମଜାଦାର ଯେ ଆପଣ ହସି ହସି ବେଦମ୍ ହୋଇଯିବେ ।
ରାଜସ୍ଥାନର ବୋର୍ଡ଼ ଅଫ ସେକେଣ୍ଡାରୀ ଏଜୁକେଶନ(ଆରବିଏସଇ)ର ୫ମ ଶ୍ରେଣୀର ପରୀକ୍ଷା ନିକଟରେ ଶେଷ ହୋଇଛି ଏବଂ ଏବେ ଉତ୍ତର ଖାତା ଦେଖା ଆରମ୍ଭ ହୋଇଯାଇଛି । ସୋସିଆଲ ମିଡ଼ିଆରେ ଏବେ କେତେକ ଉତ୍ତରଖାତାର ଫଟୋ ଭାଇରାଲ ହେବାରେ ଲାଗିଛି । ଏହି ପରୀକ୍ଷାରେ ଛାତ୍ରଙ୍କୁ ବିଏଲଓର ଫୁଲ ଫର୍ମ ପଚରାଯାଇଥିଲା । ଏହି ପ୍ରଶ୍ନର ଉତ୍ତରରେ ଛାତ୍ର ଜଣଙ୍କ କିଛି ବହୁତ ମଜାଦାର ଜବାବ ଦେଇଥିଲେ । ଜଣେ ଛାତ୍ର ତ ଲେଖିଦେଲେ କି କୌଣସି ଏକ ରୋଗର ନାଁ ଏହା । ସେହିଭଳି ଅନ୍ୟ ଜଣେ ଛାତ୍ର କୌଣସି ମେଡ଼ିସିନର ନାଁ ବୋଲି କହିଦେଇଛନ୍ତି ଯାହା ପ୍ରତି ରୋଗର ଚିକିତ୍ସା କରିଥାଏ । ଏହିଭଳି ଭାବେ କେତେକ ମଜାଦାର ଜବାବ ଏବେ ସାମ୍ନାକୁ ଆସିଛି ।
ସେହିଭଳି ଗୋଟିଏ ପ୍ରଶ୍ନ ଥିଲା କି ଇନ୍ଧନର ଅପଚୟ କିଭଳି ରୋକାଯାଇପରିବ ? ଏହା ଉପରେ ଜଣେ ଛାତ୍ର ଲେଖିଥିଲେ କି ‘ଜୟ ଶ୍ରୀ ରାମ’ । ଏହା ପରେ ସେ ଆଗକୁ ଲେଖିଥିଲେ କି ମୋତେ ଜଣା ନାହିଁ, ମୋତେ ପଚାରନ୍ତୁ ନି । ଉତ୍ତରଖାତାର କପିରୁ ଏହା ଜଣାପଡ଼ୁଛି କି ଶିକ୍ଷକ ଏଭଳି ଉତ୍ତରର ବି କିଛି ଅଙ୍କ ଦେଇଦେଲେ, ଯାହା ସୋସିଆଲ ମିଡ଼ିଆରେ ଖବୁ ଚର୍ଚ୍ଚା ହେବାରେ ଲାଗିଛି । ରାଜସ୍ଥାନ ବୋର୍ଡ଼ର ୫ଶ୍ରେଣୀର ପରୀକ୍ଷା ୩୦ଏପ୍ରିଲରୁ ୪ମଇ ମଧ୍ୟରେ ହୋଇଥିଲା । ଲୋକସଭା ନିର୍ବାଚନ କାରଣରୁ ଏହି ପରୀକ୍ଷା ପୁନଃର୍ବାର ନିଆଯାଇଥିଲା । ଉତ୍ତରଖାତା ଦେଖାଚାଲିଛି ଏବଂ ଖୁବଶୀଘ୍ର ଫଳାଫଳ ଆସିବାର ଆଶା ରହିଛି ।