ପ୍ରମୂଖ ଖବର
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଜି୨୦ ଭିତରେ ହୋଟେଲ୍‌ ତାଜ୍‌ ପ୍ୟାଲେସ୍‌ରୁ ମିଳିଲା ରହସ୍ୟମୟ ଚାଇନା ବ୍ୟାଗ୍‌; ୧୨ ଘଣ୍ଟା ଚାଲିଲା ତନାଘନା

Image courtesy: ABP live

ନୂଆଦିଲ୍ଲୀ,୧୩/୦୯: ଜି -୨୦ ଶିଖର ସମ୍ମିଳନୀରେ ଦିଲ୍ଲୀର ହୋଟେଲ ତାଜ ପ୍ୟାଲେସରେ ଚୀନ୍ ପ୍ରତିନିଧୀଙ୍କ ପାଖରେ ଏକ ରହସ୍ୟମୟ ବ୍ୟାଗ ମିଳିବା ପରେ ଆଲୋଡ଼ନ ସୃଷ୍ଟି ହୋଇଥିଲା। ପୋଲିସ ସୂତ୍ର ଅନୁଯାୟୀ, ଚୀନ୍ ପ୍ରତିନିଧୀ ଏକ ବ୍ୟାଗ୍ ଆଣିଥିଲେ ଏବଂ ଯେତେବେଳେ ବ୍ୟାଗ୍ ଯାଞ୍ଚ କରିବାକୁ ପୋଲିସ କହିଲା, ପ୍ରତିନିଧୀ ଦଳ ତାହା କରିବାକୁ ମନା କରିଦେଇଥିଲେ। ଦୀର୍ଘ ସମୟ ଧରି ପୋଲିସ ଚୀନ୍ ପ୍ରତିନିଧୀଙ୍କୁ ବୁଝାଇବାକୁ ଚେଷ୍ଟା ଜାରି ରଖିଥିଲା କିନ୍ତୁ ସେମାନେ ରାଜି ହୋଇନଥିଲେ ଏବଂ ପରେ ବ୍ୟାଗକୁ ଚୀନ୍ ଦୂତାବାସକୁ ପଠାଯାଇଥିଲା। ପୋଲିସର ସୂଚନାନୁସାରେ, ଏହା ପରେ ଆସିଥିବା ପ୍ରତ୍ୟେକ ଚୀନ୍ ପ୍ରତିନିଧୀଙ୍କର ବ୍ୟାଗ ଯାଞ୍ଚ କରାଯାଇଥିଲା କିନ୍ତୁ ସେହି ବ୍ୟାଗରେ କଣ ଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।

ସମ୍ପୁର୍ଣ୍ଣ ମାମଲା କ'ଣ? 

ଉଲ୍ଲେଖଯୋଗ୍ୟ ଯେ, ଏହି ସନ୍ଦିଗ୍ଧ ବ୍ୟାଗ୍‌କୁ ନେଇ ଏକ ନିର୍ଦ୍ଦେଶାବଳୀ ଜାରି କରାଯାଇଛି, କିନ୍ତୁ ହୋଟେଲ ତାଜ୍‌ ପ୍ୟାଲେସ୍‌ରେ ଯେଉଁ ଚୀନ୍‌ ପ୍ରତିନିଧି ପ୍ରବେଶ କରିଥିଲେ, ସେମାନଙ୍କ ମଧ୍ୟରୁ ଜଣଙ୍କ ପାଖରେ ଏକ ରହସ୍ୟମୟ ବ୍ୟାଗ୍‌ ମିଳିଥିଲା। ପରେ ପ୍ରୋଟକଲ୍‌କୁ ନଜରରେ ରଖି ଏହି ବ୍ୟାଗ୍‌କୁ ଭିତରକୁ ଯିବାକୁ ଦିଆଯାଇଥିଲା। ଏହା ପରେ ହୋଟେଲ୍‌ କର୍ମଚାରୀ ବ୍ୟାଗ୍‌କୁ ନେଇ ସନ୍ଦେହ ଆସିବାରୁ ଏକଥା ସେ ଉଚ୍ଚ ଅଧିକାରୀଙ୍କୁ କହିଥିଲେ। ପରେ ବ୍ୟାାଗ୍‌କୁ ସ୍କାନ୍‌ କରିବାକୁ କହିବାରୁ ଚୀନ୍‌ ପ୍ରତିନିଧି ଏହାକୁ ବାରଣ କରିଥିଲେ। 

ଏହା ପରେ ପରିସ୍ଥିତି ଉତ୍ତେଜନାମୂଳକ ହୋଇଥିଲା ଏବଂ ଏହି ଡ୍ରାମା ୧୨ ଘଣ୍ଟା ପର୍ଯ୍ୟନ୍ତ ଚାଲିଲା। ରହସ୍ୟମୟ ବ୍ୟାଗକୁ ଚୀନ୍ ଦୂତାବାସକୁ ପଠାଯିବା ପରେ ମାମଲା ଶାନ୍ତ ହୋଇଯାଇଥିଲା। ଉଲ୍ଲେଖଯୋଗ୍ୟ ଯେ, ଗତ ରବିବାର ଦିନ ଜି -୨୦ ଶିଖର ସମ୍ମିଳନୀ ସମାପ୍ତ ହୋଇଛି। ଏହା ପରେ ଏହି ଖବର ଗଣମାଧ୍ୟମକୁ ଆସିଛି। ସେହିଭଳି ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ କନଭେନର ସୁରକ୍ଷାକୁ ନେଇ ଏକ ମାମଲା ସାମ୍ନାକୁ ଆସିଛି। ସେହି କନଭେନରେ ଥିବା ଏକ ଗାଡିର ଡ୍ରାଇଭର ତାଙ୍କ ବ୍ୟକ୍ତିଗତ ଯାତ୍ରୀଙ୍କୁ ନେବା ପାଇଁ ଅନ୍ୟ ଏକ ହୋଟେଲରେ ପହଞ୍ଚିଥିଲେ। ପରେ ସୁରକ୍ଷା ବାହିନୀ ତାଙ୍କୁ ଧରିଥିଲେ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.