ନୂଆଦିଲ୍ଲୀ – ବିଦେଶୀ ଔଷଧକୁ ନେଇ କେନ୍ଦ୍ର ସରକାରଙ୍କ ଗୁରୁବାର ବଡ଼ ନିଷ୍ପତ୍ତି ନେଇଛନ୍ତି। ଏବେ ଯଦି କୌଣସି ଔଷଧ ଆମେରିକା , ବ୍ରିଟେନ୍, ଜାପାନ , ଅଷ୍ଟ୍ରେଲିଆ, କାନାଡା ଓ ୟୁରୋପୀୟ ସଂଘ (ଇୟୁ)ରେ କରାଯାଇ ଥିବା କ୍ଲିନିକାଲ ପରୀକ୍ଷଣରେ ସଫଳ ହୁଏ ଏବଂ ତାହାକୁ ସେଠାର ଔଷଧ ନିୟାମକରୁ ମଞ୍ଜୁରୀ ମିଳିଥାଏ , ତ ଏହି ଔଷଧ ପାଇଁ ଭାରତରେ କ୍ଲିନିକାଲ ଟ୍ରାଏଲ (ପରୀକ୍ଷଣ)ର ଆବଶ୍ୟକ ନାହିଁ। ଅର୍ଥାତ୍ ଗୁରୁତର ରୋଗର ଔଷଧର ବିକ୍ରି ମଧ୍ୟ ସିଧା ଭାରତରେ ହୋଇ ପାରିବ।
ଏହି ଛାଡ଼ କେବଳ ୫ଟି ଶ୍ରେଣୀ ପାଇଁ ଦିଆଯାଇଛି। ଏଥିରେ ଦୁର୍ଲଭ ରୋଗର ଔଷଧ , ଜିନ୍ ଓ ସେଲୁଲାର ଥେରାପି ଉତ୍ପାଦ , ମହାମାରୀ ସ୍ଥିତିରେ ବ୍ୟବହାର କରାଯାଉ ଥିବା ନୂଆ ଔଷଧ , ସ୍ୱତନ୍ତ୍ର ରକ୍ଷା ଉଦ୍ଦେଶ୍ୟରେ ବ୍ୟବହାର କରାଯାଉ ଥିବା ନୂଆ ଔଷଧ ଓ ମହତ୍ତ୍ୱପୂର୍ଣ୍ଣ ଚିକିତ୍ସିୟ ପ୍ରଗତିର ନୂଆ ଔଷଧ ସାମିଲ ଅଛି।। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ଏହି ନିଷ୍ପତ୍ତି ପରେ କ୍ୟାନସର , ସ୍ପାଇନଲ ମସ୍କୁଲର ଏଟ୍ରୋଫି (ଏସଏମଏ) ଓ ଇଚେନ ମସ୍କୁଲାର ଡିଷ୍ଟ୍ରାଫି(ଡିଏମଏ) ଭଳି ଦୁର୍ଲଭ ରୋଗର ଚିକିତ୍ସା ପାଇଁ ଔଷଧର ଶୀଘ୍ର ଉପଲବ୍ଧ ହୋଇ ପାରିବ।
ଡିଜିସିଆଇ ଏହାକୁ ନେଇ ବୁଧବାର ଏକ ଆଦେଶ ଜାରି କରିଛି। ଏଥିରେ କୁହାଯାଇଛି, ନୂଆ ଔଷଧି ଓ କ୍ଲିନିକାଲ ପରୀକ୍ଷଣ ନିୟମ ୨୦୧୯ ର ନିୟମ ୧୦୧ ମୁତାବିକ, କେନ୍ଦ୍ରୀୟ ଲାଇସେନ୍ସ ଅନୁମୋଦନ ପ୍ରାଧିକରଣ , କେନ୍ଦ୍ର ସରକାରଙ୍କ ମଞ୍ଜୁରୀରେ ସମୟ ସମୟରେ ଚ୍ୟାପ୍ଟର-୧୦ ଅନୁସାରେ, ନୂଆ ଔଷଧର ଅନୁମୋଦନ ପାଇଁ ସ୍ଥାନୀୟ କ୍ଲିନିକାଲ ପରୀକ୍ଷଣର ଛାଡ଼ ଉପରେ ବିଚାର କରିବା ଓ ନିୟମର ଚ୍ୟାପ୍ଟର-୫ ଅନୁସାରେ , କ୍ଲିନିକାଲ ପରୀକ୍ଷଣର ପରିଚାଳନାର ଅନୁମତି ଦେବାକୁ ଦେଶ ଗୁଡ଼ିକ ନାଁ ନିର୍ଦ୍ଦିଷ୍ଟ କରି ପାରିବେ।
ଜଣେ ଅଧିକାରୀ କହିଛନ୍ତି , ଏବେ ସୁଦ୍ଧା ଔଷଧ ଓ ପ୍ରସାଧନ ସାମଗ୍ରୀ ଅଧିନିୟମ ଓ ଏହି ଅନୁସାରେ ତିଆରି ନିୟମ ଅନୁସାରେ ଆମେରିକା, ବ୍ରିଟେନ ଓ ଇୟୁର ପୂର୍ବରୁ ଅନୁମୋଦିତ ଅନେକ ଔଷଧ ଭାରତୀୟ ରୋଗୀଙ୍କ ପାଇଁ ତତ୍କାଳ ଉପଲବ୍ଧ ନାହିଁ। ଉଲ୍ଲେଖନୀୟ ଯେ, ଏହି ସବୁ ଔଷଧର କ୍ଲିନିକାଲ ଟ୍ରାୟଲ କରିବା ଓ ଭାରତରେ ମାର୍କେଟିଂ କରିବା ପୂର୍ବରୁ ସୁରକ୍ଷା ଓ ପ୍ରଭାବକାରୀତା ସମ୍ୱନ୍ଧୀୟ ତଥ୍ୟ ପ୍ରସ୍ତୁତ କରିବା ବାକି ରହିଛି। ହେଲେ ନୂଆ ଔଷଧି ଓ କ୍ଲିନିକାଲ ଟ୍ରାଏଲ ନିୟମ ୨୦୧୯ର ନିୟମ ୧୦୧ ଅନୁସାରେ , ଡିସିଜିଆଇକୁ ନୂଆ ଔଷଧର ମଞ୍ଜୁରୀ ପାଇଁ ସ୍ଥାନୀୟ କ୍ଲିନିକାଲ ଟ୍ରାୟଲରେ ଛାଡ଼ ଉପରେ ବିଚାର କରିବାକୁ ଦେଶ ଗୁଡ଼ିକ ନିର୍ଦ୍ଦିଷ୍ଟ କରିବାର ଅନୁମତି ରହିଛି।
