ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ରଥଯାତ୍ରା ପୂର୍ବରୁ ସରିବନି ଶ୍ରୀଗୁଣ୍ଡିଚା ମନ୍ଦିର ଉନ୍ନତୀକରଣ, ୧୦୦ କୋଟି ବ୍ୟୟରେ ଚାଲିଛି ସୌନ୍ଦର୍ଯ୍ୟକରଣ

ପୁରୀ, ୨୮/୦୬: ରଥଯାତ୍ରା ପୂର୍ବରୁ ସରିପାରିବନି ଶ୍ରୀଗୁଣ୍ଡିଚା ମନ୍ଦିର ଉନ୍ନତୀକରଣ କାମ । ଶ୍ରୀମନ୍ଦିର ପ୍ରଶାସନ ଓ ଓବିସିସି ପକ୍ଷରୁ ଶ୍ରୀଗୁଣ୍ଡିଚା ମନ୍ଦିରରେ ଏକକାଳୀନ ଉନ୍ନତୀକରଣ କାମ ହେଉଛି । ମାତ୍ର ଉଭୟ ବିଭାଗ ନିର୍ଦ୍ଧାରିତ ସମୟ ଭିତରେ ସମସ୍ତ  ଉନ୍ନତୀକରଣ ଓ ସୌନ୍ଦର୍ଯ୍ୟକରଣ କାମ ସାରିବାରେ ଫେଲ ମାରିଛନ୍ତି । 

ରଥଯାତ୍ରା ପୂର୍ବରୁ ଶ୍ରୀଗୁଣ୍ଡିଚା ମନ୍ଦିର କାମ ସାରିବାକୁ ଲକ୍ଷ୍ୟ ରଖାଯାଇଥିଲା । ରଥଯାତ୍ରାକୁ ଆଉମାତ୍ର ୯ ଦିନ ରହି  ଯାଇଥିବା ବେଳେ ଏବେ ଶ୍ରୀଗୁଣ୍ଡିଚା ମନ୍ଦିର ରଙ୍ଗକାମ ଆରମ୍ଭ ହୋଇଛି । ଶ୍ରୀଗୁଣ୍ଡିଚା ମନ୍ଦିର ସିଂହଦ୍ୱାର ଓ  ନାକଚଣା ଗୁମୁଟକୁ ରଙ୍ଗ କରାଯାଉଛି । ଶ୍ରୀଗୁଣ୍ଡିଚା ମନ୍ଦିର ନାକଚଣା ଦ୍ୱାର ଆଗରେ ଖଣ୍ଡୋଲାଇଟ୍‌ ବିଛାଇବା କାମ ହେଉଛି । ସେହିପରି ମୁଖ୍ୟ ମନ୍ଦିର, ଆନନ୍ଦ ବଜାର, ରୋଷଶାଳା ପ୍ରଭୃତିର ଛୋଟମୋଟ କାମ ଚାଲିଛି । ନାକଚଣା ଦ୍ୱାରରେ ପୂର୍ବରୁ ହୋଇଥିବା  କଂକ୍ରିଟ ନିର୍ମାଣକୁ ଖୋଳି ବାହାର କରାଯିବା ସହ  ଏହି ସ୍ଥାନରେ ଖଣ୍ଡେ ଲାଇଟ୍‌ ବିଛା ଯାଉଛି । 

ଶ୍ରୀମନ୍ଦିର ଉନ୍ନୟନ ପ୍ରଶାସକ ଅଜୟ  କୁମାର ଜେନା କହିଛନ୍ତି, ଉନ୍ନତୀକରଣ କାମରେ ଶେଷସ୍ପର୍ଶ ଦିଆଯାଉଛି । ଏହାଭିତରେ ଅନେକ ସୌନ୍ଦର୍ଯ୍ୟକରଣ କାମ ମଧ୍ୟ ହୋଇଛି । ଶ୍ରୀଗୁଣ୍ଡିଚା ମନ୍ଦିର ଉନ୍ନତୀକରଣରେ ପ୍ରାୟ ୧୦୦ କୋଟି  ଟଙ୍କା ଖର୍ଚ୍ଚ ହେଉଛି । ଶ୍ରୀଗୁଣ୍ଡିଚା ମନ୍ଦିରରେ ଥିବା ସମସ୍ତ ଜିନିଷ ବାହାର କରି ଏବେ ସଫେଇ କରାଯାଉଛି । 

ଓବିସିସି ଏମ୍‌ଡି ସୁନ୍ଦରମାଧବ ପାଢ଼ି  କହିଛନ୍ତି, ଶ୍ରୀଗୁଣ୍ଡିଚାମନ୍ଦିର ଓ ପ୍ରମୋଦ ଉଦ୍ୟାନ  ଉନ୍ନତୀକରଣ ନିମନ୍ତେ ୯୦ କୋଟି ଟଙ୍କା ଅନୁମୋଦନ  ହୋଇଛି । ଭୋଗମଣ୍ଡପ, ରୋଷଶାଳା, ପନିପରିବା  କଟା ଯାଉଥିବା ସ୍ଥାନ ପ୍ରଭୃତିର ଉନ୍ନତୀକରଣ  ବାକି ରହିଛି । ସେହିପରି କେତେକ ସ୍ଥାନର  ସୌନ୍ଦର୍ଯ୍ୟକରଣ କାମ କରାଯିବା ମଧ୍ୟ ବାକି ରହିଛି ।  ଅନେକ କାମ ସରିଛି ଓ କିଛି କାମ ହେବା ବାକି  ରହିଛି । ରଥଯାତ୍ରା ପରେ ପୁଣି କାମ ଆରମ୍ଭ ହେବ ।  

ସୂଚନା ଥାଉକି, ଶ୍ରୀଗୁଣ୍ଡିଚା ମନ୍ଦିର କରୋନା  ମହାମାରୀ ପରଠାରୁ ଶ୍ରଦ୍ଧାଳୁଙ୍କ ପରିଦର୍ଶନ ନିମନ୍ତେ  ବନ୍ଦ ରହିଛି । ଶ୍ରୀଗୁଣ୍ଡିଚା ମନ୍ଦିର ଖୋଲିବା ପରେ ଏଠାରେ କେଉଁ ଉନ୍ନତୀକରଣ କାମ ହୋଇଛି  ତାହା ସ୍ପଷ୍ଟ ହେବ । ସେପଟେ ଶ୍ରୀଗୁଣ୍ଡିଚା ମନ୍ଦିର  ଭିତରେ ଥିବା ସମସ୍ତ ଅର୍ପଣ ରଥ ଚାଉଳ,  ଚାରମାଳ ପ୍ରଭୃତିକୁ ବାହାର କରାଯାଉଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.