ପ୍ରମୂଖ ଖବର
  • କାଲିମେଳା: ଲଗାଣ ବର୍ଷାରେ ବେହାଲ ଜନଜୀବନ, ପାହାଡ ଧସିବାରୁ ରାସ୍ତା ବନ୍ଦ
  • ||
  • ସପ୍ତଦଶ ବିଧାନସଭାର ବଜେଟ୍ ଅଧିବେଶ ଆରମ୍ଭ, ପ୍ରଥମ ଦିନରେ ଅଭିଭାଷଣ ରଖିଲେ ରାଜ୍ୟପାଳ ରଘୁବର ଦାସ
  • ||
  • ଯାଜପୁର : ଭାରସାମ୍ୟ ହରାଇ ଓଲଟିଲା ​କାଉଡିଆଙ୍କୁ ନେଇ ଯାଉଥିବା ବସ୍, ୫ରୁ ଉର୍ଦ୍ଧ୍ଵ ଆହତ
  • ||

ଇସ୍ରାଏଲ୍‌ରେ ବ୍ୟାପୁଛି ୱେଷ୍ଟ ନାଇଲ୍ ଭାଇରସ୍, ଜାଣନ୍ତୁ ଭାରତ ପ୍ରତି ଏହା କେତେ ବିପଜ୍ଜନକ...

ଭୁବନେଶ୍ଵର, ୦୧/୦୭ : ଦୀର୍ଘ ଦିନ ଧରି ହମାସ ସହିତ ଯୁଦ୍ଧ କରିଆସୁଥିବା ଇସ୍ରାଏଲ ବର୍ତ୍ତମାନ ଆଉ ଏକ ସମସ୍ୟାର ସମ୍ମୁଖୀନ ହୋଇଛି। ନିକଟରେ ଇସ୍ରାଏଲରେ ୱେଷ୍ଟ ନାଇଲ ଡିଜିଜ ସଂକ୍ରମଣ ହେତୁ ଚାରି ଜଣ ଲୋକ ପ୍ରାଣ ହରାଇଛନ୍ତି। ଏହି ରୋଗରେ ଆକ୍ରାନ୍ତ ଲୋକଙ୍କ ସଂଖ୍ୟା ୪୮ରେ ପହଞ୍ଚିଛି। ସେଥିମଧ୍ୟରୁ ୩୬ଜଣ ଡାକ୍ତରଖାନାରେ ଅଛନ୍ତି ଏବଂ ୫ ଜଣଙ୍କ ଅବସ୍ଥା ଗୁରୁତର ରହିଛି।

ଇସ୍ରାଏଲର ପରିବେଶ ସୁରକ୍ଷା ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, ମଶା ସଂକ୍ରମିତ ଜୀବାଣୁ ବିସ୍ତାରର ପ୍ରଥମ ନିଶ୍ଚିତତା ବେନ୍ ଗୁରିଅନ୍ ଅନ୍ତର୍ଜାତୀୟ ବିମାନବନ୍ଦରରେ ଥିଲା। ଏହାପୂର୍ବରୁ ମେ ୨୦୨୪ରେ କେରଳରେ ୱେଷ୍ଟ ନାଇଲ ଡିଜିଜ ଯୋଗୁଁ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଥିଲା। ତ୍ରୀସୁର, ମଲପୁରମ ଏବଂ କୋଝିକୋଡେ ଜିଲ୍ଲାରୁ ଏହି ଭାଇରସର ୬ଟି ମାମଲା ମଧ୍ୟ ମିଳିଛି। 

ୱେଷ୍ଟ ନାଇଲ ଡିଜିଜ କ’ଣ?

ୱେଷ୍ଟ ନାଇଲ ଡିଜିଜ ମଶା ଦ୍ୱାରା ହେଉଥିବା ଏକ ରୋଗ। ସଂକ୍ରମିତ କ୍ୟୁଲେକ୍ସ ମଶା କାମୁଡ଼ିବା ଦ୍ୱାରା ଏହା ମଣିଷ ଏବଂ ପଶୁମାନଙ୍କ ନିକଟରେ ବ୍ୟାପିଥାଏ। ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ, ଏହି ଜୀବାଣୁ ଏକ ସ୍ନାୟୁଗତ ରୋଗ ଯାହା ଜଣଙ୍କ ଠାରୁ ଅନ୍ୟ ଜଣଙ୍କୁ ବ୍ୟାପିଥାଏ। ଏଥିରେ ସଂକ୍ରମିତ ପ୍ରାୟ ୮୦% ଲୋକଙ୍କଠାରେ କୌଣସି ଲକ୍ଷଣ ଦେଖିବାକୁ ମିଳିନାହିଁ। ଏହି ରୋଗର ଅଧିକାଂଶ ମାମଲା ଆଫ୍ରିକା, ୟୁରୋପ, ଉତ୍ତର ଆମେରିକା ଏବଂ ପଶ୍ଚିମ ଏସିଆରେ ଦେଖାଯାଇଥାଏ । ଏହି ଜୀବାଣୁ ଫ୍ଲେଭିଭାଇରସ୍ ବଂଶର ଏକ ସଦସ୍ୟ ଏବଂ ଫ୍ଲେଭିଭିରିଡେ ପରିବାରର ଜାପାନୀ ଏନସେଫଲାଇଟିସ୍ ଆଣ୍ଟିଜେନିକ୍ କମ୍ପ୍ଲେକ୍ସ ସହିତ ଜଡିତ 

ୱେଷ୍ଟ ନାଇଲ ଡିଜିଜ କେବେ ମିଳିଲା?

ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ, ୧୯୩୭ ମସିହାରେ ଉଗାଣ୍ଡାର ୱେଷ୍ଟ ନାଇଲ ଜିଲ୍ଲାରେ ୱେଷ୍ଟ ନାଇଲ ଡିଜିଜ (WNV) ପ୍ରଥମେ ଚିହ୍ନଟ ହୋଇଥିଲା। ଜଣେ ମହିଳାଙ୍କଠାରେ ମିଳିଥିବା ଏହି ସଂକ୍ରମଣ ପରେ ନାଇଲ୍ ଡେଲ୍ଟା ଅଞ୍ଚଳରେ କାଉ ଏବଂ କଲମ୍ବିଫୋର୍ମେସରେ ଚିହ୍ନଟ ହୋଇଥିଲା। ୧୯୯୯ରେ, ଏହି ରୋଗ ଇସ୍ରାଏଲ୍ ଏବଂ ଟୁନିସିଆରେ ବ୍ୟାପିବାରେ ଲାଗିଲା । କେରଳରେ ପ୍ରଥମ ମାମଲା ୨୦୧୧ ମସିହାରେ ହୋଇଥିଲା।

ୱେଷ୍ଟ ନାଇଲ ଡିଜିଜ କିପରି ବିସ୍ତାର ହୁଏ ?

ଏହି ଜୀବାଣୁ ମଶା କାମୁଡ଼ିବା ଦ୍ୱାରା ବ୍ୟାପିଥାଏ। ଏହା ମସ୍ତିଷ୍କ ଏବଂ ମେରୁଦଣ୍ଡକୁ ପ୍ରଭାବିତ କରିଥାଏ । ମଣିଷ ବ୍ୟତୀତ ଏହା ଘୋଡାମାନଙ୍କରେ ଅତି ଶୀଘ୍ର ବ୍ୟାପିଥାଏ ଏବଂ ସେମାନଙ୍କର ମୃତ୍ୟୁ ଘଟାଇଥାଏ । ଘୋଡାମାନଙ୍କରେ ଏହି ରୋଗ ପାଇଁ ଏକ ଟିକା ଅଛି କିନ୍ତୁ ମଣିଷମାନଙ୍କ ପାଇଁ ଏପର୍ଯ୍ୟନ୍ତ କୌଣସି ଟିକାନାହିଁ । ଏହା ଉପରେ ଗବେଷଣା ଚାଲିଛି । ମଶା କାମୁଡ଼ିବା ଏବଂ ପଶୁ, ପକ୍ଷୀମାନଙ୍କୁ ଖାଇବାକୁ ଦେବା ସମୟରେ ଏହି ରୋଗ ହେବାର ଆଶଙ୍କା ସର୍ବାଧିକ।

ୱେଷ୍ଟ ନାଇଲ ଡିଜିଜର ଲକ୍ଷଣ କଣ-

ଏହି ରୋଗରେ ମୁଣ୍ଡବିନ୍ଧା, ମସ୍ତିଷ୍କ ଫୁଲିଯିବା ଏବଂ ଷ୍ଟ୍ରୋକ୍ ହେବାର ଆଶଙ୍କା ରହିଥାଏ । ଏହା ବ୍ୟତୀତ ବାନ୍ତି, ଜ୍ୱର, ଶରୀରରେ ଯନ୍ତ୍ରଣା ଏବଂ ଆଖି ଯନ୍ତ୍ରଣା ଭଳି ସମସ୍ୟା ଦେଖାଯାଏ । ଏହି କାରଣରୁ ରୋଗ ପ୍ରତିରୋଧକ ଶକ୍ତି ଦୁର୍ବଳ ହେବାକୁ ଲାଗେ । ଏହା ଦ୍ୱାରା ପ୍ରଭାବିତ ଲୋକମାନଙ୍କ ମଧ୍ୟରୁ କେବଳ ୧ପ୍ରତିଶତ ଲୋକଙ୍କ ଠାରେ ଗମ୍ଭୀର ଲକ୍ଷଣ ଦେଖାଦେଇଥାଏ । ପିଲା କିମ୍ବା ୬୦ବର୍ଷରୁ ଅଧିକ ବୟସ୍କଙ୍କଠାରେ ଏହି ବିପଦ ଅଧିକ ଥାଏ । ମଧୁମେହ, ହୃଦରୋଗ ଏବଂ କିଡନୀ ରୋଗରେ ଆକ୍ରାନ୍ତ ବ୍ୟକ୍ତିମାନଙ୍କ ପ୍ରତି ଅଧିକ ବିପଦ ରହିଥାଏ।

ଏହି ସଂକ୍ରମଣରୁ ରକ୍ଷା ପାଇବା ପାଇଁ ଉପାୟ –

୧. ଯଥାସମ୍ଭବ ମଶାଠାରୁ ଦୂରେଇ ରୁହନ୍ତୁ।

୨. ଫୁଲ ସ୍ଲିଭ୍ ପୋଷାକ ପିନ୍ଧନ୍ତୁ। କୀଟନାଶକ ବ୍ୟବହାର କରନ୍ତୁ, ବାହ୍ୟ କାର୍ଯ୍ୟକଳାପରୁ ଦୂରେଇ ରୁହନ୍ତୁ। ମଶାରି ଏବଂ କଏଲ ବ୍ୟବହାର  କରନ୍ତୁ ।

୩. ଯଦି ଆପଣ ପଶୁମାନଙ୍କ ସଂସ୍ପର୍ଶରେ ଆସନ୍ତି ତେବେ ସାବଧାନ ରୁହନ୍ତୁ ।

୪. ଉତ୍ତମ ଡାଏଟ ଗ୍ରହଣ କରନ୍ତୁ । ରାସ୍ତା କଡ଼ରେ ଥିବା ଖାଦ୍ୟରୁ ଦୂରେଇ ରୁହନ୍ତୁ । ପାଣି ଫୁଟାଇ ପିଅନ୍ତୁ ।

୫. ଘର ସଫା ରଖନ୍ତୁ। ପାଣି ସ୍ଥଗିତ ହେବାକୁ ଦିଅନ୍ତୁନାହିଁ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.