ନୂଆଦିଲ୍ଲୀ: କୋଲକାତାର ଆରଜି କର ହସ୍ପିଟାଲରେ ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ପ୍ରତିକ୍ରିୟା ଦେଇଛନ୍ତି ବିରୋଧୀ ଦଳ ନେତା ରାହୁଲ ଗାନ୍ଧୀ । ଏହି ମାମଲାକୁ ନେଇ ଦେଶରେ ରାଜନୀତି ଜୋର ଧରିଥିବା ବେଳେ କଂଗ୍ରେସ ନେତାଙ୍କ ପ୍ରତିକିୟା ଆହୁରି ଚର୍ଚ୍ଚା ବଢ଼ାଇ ଦେଇଛି ।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ରାହୁଲ ଗାନ୍ଧୀ ଲେଖିଛନ୍ତି ଯେ, ‘କୋଲକାତାରେ ଜୁନିୟର ଡାକ୍ତରଙ୍କ ସହ ହୋଇଥିବା ଦୁଷ୍କର୍ମ ଓ ହତ୍ୟା ଭଳି ବିଭତ୍ସ ଘଟଣାକୁ ନେଇ ସମଗ୍ର ଦେଶ ସ୍ତବ୍ଧ । ତାଙ୍କ ସହ ହୋଇଥିବା କ୍ରୁର ଓ ଅମାନବୀୟ କୃତ୍ୟ ସଂପର୍କରେ ଫର୍ଦ୍ଦ ପରେ ଫର୍ଦ୍ଦ ତଥ୍ୟ ସାମ୍ନାକୁ ଆସୁଥିବା ବେଳେ ଏହାକୁ ନେଇ ଡାକ୍ତର ଏବଂ ମହିଳାଙ୍କ ମଧ୍ୟରେ ଏକ ଭୟର ବାତାବରଣ ସୃଷ୍ଟି ହୋଇଛି ।’
ସେ ଆଗକୁ ଆହୁରି ଲେଖିଛନ୍ତି ଯେ, ‘ ପୀଡ଼ିତାଙ୍କୁ ନ୍ୟାୟ ଦେବା ପରିବର୍ତ୍ତେ ଅଭିଯୁକ୍ତଙ୍କୁ ବଞ୍ଚାଇବା ଲାଗି ହସ୍ପିଟାଲ କର୍ତ୍ତୃପକ୍ଷ ଏବଂ ସ୍ଥାନୀୟ ପ୍ରଶାସନର ପ୍ରଚେଷ୍ଟା ଗମ୍ଭୀର ପ୍ରଶ୍ନବାଚୀ ସୃଷ୍ଟି କରିଛି । ଏଭଳି ଘଟଣା ଭାବିବାକୁ ବାଧ୍ୟ କରୁଛି ଯେ, ଯଦି ମେଡିକାଲ କଲେଜ ଭଳି ସ୍ଥାନରେ ଡାକ୍ତର ସୁରକ୍ଷିତ ନାହାଁନ୍ତି ତେବେ ଅଭିଭାବକ କେଉଁ ଭରସାରେ ନିଜ ଝିଅକୁ ବାହାରେ ପଢ଼ିବାକୁ ଛାଡ଼ିବେ ? ନିର୍ଭୟା ମାମଲା ପରେ ଆସିଥିବା କଠୋର ଆଇନ ଏଭଳି ଅଭିଯୁକ୍ତଙ୍କୁ ରୋକିବା ଲାଗି କାହିଁକି ଅସମର୍ଥ ? ହାଥରସ୍ରୁ ଉନାଓ ଏବଂ କଠୁଆରୁ କୋଲକାତା ଯାଏଁ ମହିଳାଙ୍କ ବିରୋଧରେ ବଢ଼ିଥିବା ଅପରାଧକୁ ନେଇ ପ୍ରତ୍ୟେକ ଦଳ, ପ୍ରତ୍ୟେକ ବର୍ଗ ମିଳିମିଶି ବିଚାର ବିମର୍ଶ କରି ନିଷ୍କର୍ସ ବାହାର କରିବାକୁ ପଡ଼ିବ । ମୁଁ ଏଭଳି ଅସହନୀୟ ପୀଡ଼ାରେ ଥିବା ପୀଡ଼ିତାଙ୍କ ପରିବାର ସହ ରହିଛି । ଯେକୌଣସି ପରିସ୍ଥିତିରେ ସେମାନଙ୍କୁ ନ୍ୟାୟ ମିଳୁ ଏବଂ ଦୋଷୀଙ୍କୁ ଏଭଳି ଦଣ୍ଡ ମିଳୁ ଯାହା ସମାଜ ପାଇଁ ଏକ ଉଦାହରଣ ହୋଇପାରିବ ।’
कोलकाता में जूनियर डॉक्टर के साथ हुई रेप और मर्डर की वीभत्स घटना से पूरा देश स्तब्ध है। उसके साथ हुए क्रूर और अमानवीय कृत्य की परत दर परत जिस तरह खुल कर सामने आ रही है, उससे डॉक्टर्स कम्युनिटी और महिलाओं के बीच असुरक्षा का माहौल है।
— Rahul Gandhi (@RahulGandhi) August 14, 2024
पीड़िता को न्याय दिलाने की जगह आरोपियों को…
ପଶ୍ଚିମବଙ୍ଗର କୋଲକାତାରେ ଆରଜି ମେଡିକାଲ କଲେଜ ଏବଂ ହସ୍ପିଟାଲରେ ମହିଳା ଜୁନିୟର ଡାକ୍ତରଙ୍କୁ ଦୁଷ୍କର୍ମ ଏବଂ ହତ୍ୟା ମାମଲାରେ ଶିବସେନା (ୟୁବିଟି) ବିଧାୟକ ଆଦିତ୍ୟ ଠାକରେ ପ୍ରତିକ୍ରିୟା ଦେଇଛନ୍ତି । ଠାକରେ କହିଛନ୍ତି ଯେ, କୋଲକାତାରେ ଯେଉଁ ଘଟଣା ଘଟିଛି, ତାହା ଅତ୍ୟନ୍ତ ଦୁର୍ଭାଗ୍ୟପୂର୍ଣ୍ଣ । ଆମ ଦେଶରେ ଏଭଳି ଘଟଣା ନହେବା ଦରକାର । ଅଭିଯୁକ୍ତଙ୍କ ବିରୋଧରେ ଦଢ଼ କାର୍ଯ୍ୟାନୁଷ୍ଠାନ ଆବଶ୍ୟକ ।
