ନୂଆଦିଲ୍ଲୀ,୧୨।୯: ଭାରତରେ ଆୟୋଜିତ ହୋଇଥିବା ଜି-୨୦ ଶିଖର ସମ୍ମିଳନୀରେ ସବୁଠାରୁ ବଡ ସଫଳତା ‘ଇଣ୍ଡିଆ-ମିଡିଲ ଇଷ୍ଟ ୟୁରୋପ ଇକୋନୋମିକ୍ କରିଡର’(ଆଇଏମ୍ଇସି) ରହିଛି। ରେଳ ଓ ବନ୍ଦର ଜରିଆରେ ଏହି କରିଡର ଭାରତକୁ ମିଡିଲ ଇଷ୍ଟ ଓ ମିଡିଲ ଇଷ୍ଟକୁ ୟୁରୋପ ଏବଂ ଆମେରିକାକୁ ଯୋଡିବାର କାମ କରିବ। ତେବେ ବହୁ କମ୍ ଲୋକ ଏହି କଥାକୁ ଜାଣନ୍ତି ଯେ, ଆଇଏମ୍ଇସିକୁ ପ୍ରସ୍ତୁତ କରିବା ଓ ଏହା ଉପରେ ସହମତି ସୃଷ୍ଟି କରିବାରେ ଭାରତର ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ବଡ଼ ହାତ ରହିଛି।
ଆଇଏମ୍ଇସିକୁ ଚୀନ୍ର ‘ବେଲ୍ଟ ଆଣ୍ଡ ରୋଡ୍ ଇନିଶିଏଟିଭ’ (ବିଆରଆଇ) ବିଳଳ୍ପ ଭାବରେ ଅଣାଯାଇଛି। ବିଆରଆଇ ଜରିଆରେ ଚୀନ୍ ନିଜକୁ ମିଡିଲ ଇଷ୍ଟକୁ ନେଇ ୟୁରୋପ ପର୍ଯ୍ୟନ୍ତ ଯୋଡିବାକୁ ଚାହୁଁଛି। ସେଭଳି ସମୁଦ୍ର ରାସ୍ତା ଜରିଆରେ ଆଫ୍ରିକା ପର୍ଯ୍ୟନ୍ତ ପହଞ୍ଚିବାର ଚେଷ୍ଟା କରୁଛନ୍ତି। ଚୀନ୍ ସଡକ, ରେଳ ଓ ସମୁଦ୍ର ମାର୍ଗ ଜରିଆରେ ଏଭଳି ନେଟଓ୍ବର୍କ ତିଆରି କରୁଛି, ଯାହାଫଳରେ ପୁରା ଦୁନିଆ ପର୍ଯ୍ୟନ୍ତ ପହଞ୍ଚି ପାରିବ। ତେବେ ଚୀନ୍ ଏଭଳି କରିବା ପୂର୍ବରୁ ଅଜିତ ଡୋଭାଲ ଆଇଏମ୍ଇସି ଭାବରେ ଏଭଳି ଚକ୍ରବ୍ୟୁହ ରଚିଛନ୍ତି ଯେ,ଚୀନ୍ ଏଥିରେ ଫଶି ଯାଇଛି।
ଜି-୨୦ରେ ଆଗତ କରାଯାଇଥିବା ଆଇଏମ୍ଇସିରେ ହଠାତ ଅଣାଯାଇଥିବା ପ୍ରୋଜେକ୍ଟ ନାହିଁ, ବଂର ଏହା ଉପରେ ଦୁଇ ବର୍ଷ ପୂର୍ବରୁ ଅକ୍ଟୋବର ୨୦୨୧ ରେ ଏକ ଫୋରମ୍ର ଗଠନ କରାଯାଇଥିଲା, ଯାହାର ନାଁ I2U2 ଥିଲା। ଏଥିରେ ଭାରତ, ଇସ୍ରାଏଲ, ୟୁଏଇ ଓ ଆମେରିକା ସାମିଲ ଥିଲେ। ପରେ ସାଉଦି ଆରବ ମଧ୍ୟ ଏହାର ଅଂଶ ପାଲଟି ଯାଇଛି। ଏହି ମେଗା ଇନଫ୍ରା ଷ୍ଟ୍ରକଚର ପ୍ରୋଜେକ୍ଟ ତିଆରି କରିବା ପଛରେ ଏନ୍ଏସଏ ଅଜିତ ଡୋଭାଲଙ୍କ ହାତ ରହିଛି।
ଅଜିତ ଡୋଭାଲ ଗତ କିଛି ମାସ ହେବ IMEC ରେ ସାମିଲ ଦେଶର ସମକକ୍ଷଙ୍କ ସହିତ ଆଲୋଚନା କରୁଛନ୍ତି। ସେ ସବୁଠାରୁ ଅଧିକ ଚର୍ଚ୍ଚା ଆମେରିକା ଏନ୍ଏସ୍ଏ ଜ୍ୟାକ୍ ସୁଲିଭିନ୍ଙ୍କ ସହିତ କରିଛନ୍ତି। ଯେଉଁଠି I2U2 ରେ ଚାରୋଟି ଦେଶ ଥିଲେ, ସେଭଳି IMEC ରେ ୭ ଦେଶ ଓ ଏକ ୟୁରୋପିଆନ୍ ୟୁନିୟନ ଏହାର ୮ଟି ଭାଗିଦାର ଦେଶ। ଏହି ସବୁ ଦେଶ ଏହି ପ୍ରୋଜେକ୍ଟଙ୍କୁ ନେଇକି ଆସିଛନ୍ତି। ଅକ୍ଟୋବର ୨୦୨୧ ରେ ସାମନାକୁ ଆସିଥିଲା ଯେ, I2U2 ଚାରୋଟି ଦେଶର ଗ୍ରୁପ୍ ଥିଲା। ଏହାର ଲକ୍ଷ୍ୟ ୪ଟି ଦେଶ ଭିତରେ ଟେକ୍ନୋଲୋଜି ଓ ପ୍ରାଇଭେଟ୍ ସେକ୍ଟରର ସହଯୋଗକୁ ବଢାଇବାର ଥିଲା। I2U2କୁ ନେଇ ଯେତେବେଳେ ଚର୍ଚ୍ଚା ଚାଲିଥିଲା, ସେତେବେଳେ ଆଇଏମ୍ଇସିର ଆଇଡିଆ ସାମନାକୁ ଆସିଥିଲା। ସେତେବେଳେ ସାଉଦି ଆରବକୁ ମଧ୍ୟ ଏହି ପ୍ଲାନରେ ସାମିଲ କରି ନିଆଯାଇଥିଲା। I2U2 ଏଥିପାଇଁ କରାଯାଇଥିଲା, ଯାହାଫଳରେ ମିଡିଲ ଇଷ୍ଟରେ ଚୀନ୍ର ବଢୁଥିବା ପ୍ରଭାବକୁ ରୋକି ହେବ। ଧିରେ ଧିରେ IMEC ନିଜର ରୂପ ଧାରଣ କରିବା ଆରମ୍ଭ କରିଦେଇଛି।
