ନୂଆଦିଲ୍ଲୀ,୧।୩: ନାର୍କୋଟିକ୍ସ କନଟ୍ରୋଲ ବ୍ୟୁରୋ ବୁଧବାର ଅପରେସନ୍ ସାଗର ମନ୍ଥନ ଅନୁସାରେ, ଦେଶର ଏପର୍ଯ୍ୟନ୍ତର ସବୁଠାରୁ ବିପୁଳ ପରିମାଣର ଡ୍ରଗ୍ସ ଜବତ କରିଥିଲା। ଏହା ପୂର୍ବରୁ ଏନ୍ସିବି କେବଳ ସ୍ଥଳ ଭାଗରେ ଡ୍ରଗ୍ସକୁ ନେଇ ଅପରେସନ୍ କରୁଥିଲା, କିନ୍ତୁ ଏହି ଅପରେସନ ନୌସେନା ଓ ଗୁଜରାଟ ଏଟିଏସ୍ ସାହାଯ୍ୟରେ ଏନସିବି ୩୩୦୦ କେଜି ଡ୍ରଗ୍ସ ଜବତ କରି ଇତିହାସ ସୃଷ୍ଟି କରିଛି।
ଏହି ଡ୍ରଗ୍ସର ମୂଲ୍ୟ ଇଣ୍ଟରନ୍ୟାସନାଲ ମାର୍କେଟରେ ୧୩୦୦ କୋଟି ଟଙ୍କା ପାଖାପାଖି ରହିଛି। ଏହି ମାମଲାରେ ଏନ୍ସିବି ୫ ଅଭିଯୁକ୍ତଙ୍କୁ ଗିରଫ କରିଥିଲା। ଯେଉଁଥିରେ ଜଣେ ପାକିସ୍ତାନୀ ଓ ୪ ଇରାନର ଅଛନ୍ତି। ଅଭିଯୁକ୍ତଙ୍କୁ ପଚରା ଉଚରା ବେଳେ ଜଣାପଡିଥିଲା ଏତେ ପରିମାଣରେ ଡ୍ରଗ୍ସ ଚୋରା ଚାଲାଣ ପଛରେ ଦାଉଦ ଇବ୍ରାହିମ୍ର ଘନିଷ୍ଠ ହାଜି ସଲିମର ହାତ ରହିଛି। ଏହା ପ୍ରଥମ ଥର ନୁହେଁ, ଯେତେବେଳେ ଏନସିବିର କୌଣସି କେସ୍ରେ ପାକିସ୍ତାନର ନାଁ ସାମନାକୁ ଆସିଛି। ଏହା ପୂର୍ବରୁ ମଧ୍ୟ ଏନସିବି ଯେଉଁ ଅପରେସନ୍ ସମୁଦ୍ରଗୁପ୍ତ ଚଳାଇଥିଲା, ସେଥିରେ ମଧ୍ୟ ଦାଉଦର ଘନିଷ୍ଠ ହାଜି ସଲିମ୍ ନାଁ ସାମନାକୁ ଆସିଥିଲା।
ଏନ୍ସିବି ଡିଡିଜି ଜ୍ଞାନେଶ୍ବର ସିଂହ କହିଛନ୍ତି, ପଚରା ଉଚରାରେ ପାକିସ୍ତାନ ନାଗରିକ ମହମ୍ମଦ ଚରିଜେ କହିଛି, ଏତେ ପରିମାଣରେ ଡ୍ରଗ୍ସ ହାଜି ମହମ୍ମଦର କହିବା ଅନୁସାରେ ସେ ଭାରତ ନେଇକି ଆସିଥିଲା। ଦାଉଦର ଘନିଷ୍ଠ ହାଜି ସଲିମ ସବୁଥର ନୂଆ ନାଁର ବ୍ୟବହାର କରୁଛି। ଏଥର ସେ ନିଜର ନାଁ ହାଜି ମହମ୍ମଦ ରଖିଥିଲା। କେବଳ ସେତିକି ନୁହେଁ ଏନସିବି ଯାହା ଜବତ କରିଛି, ସେଥିରୁ ମଧ୍ୟ ପାକିସ୍ତାନର ଷଡଯନ୍ତ୍ର ବିଷୟରେ ସ୍ପଷ୍ଟ ଜଣାପଡିଛି। ଡିଡିଜି ଜ୍ଞାନେଶ୍ବର ସିଂହ କହିଛନ୍ତି, ଏହି ୫ ଜଣ ଲୋକ ଏକାଠି ଇରାନର ଚାବାହର ପୋର୍ଟରୁ ଭାରତ ଆଡକୁ ଆସିଥିଲେ। ପାକିସ୍ତାନ ଲଗାତାର ଭାରତ ବିରୋଧରେ ବଡ ଷଡଯନ୍ତ୍ର କରୁଛି। ଏଭଳି କରି ସେ ଭାରତର ଯୁବପୀଢିଙ୍କୁ ନିଶାଗ୍ରସ୍ତ କରିବାକୁ ଚାହେଁ।
