ପ୍ରମୁଖ ଖବର
  • ଅଯୋଧ୍ୟାରେ ରାମଲାଲାଙ୍କ ସୂର୍ଯ୍ୟତିଳକ, ଦିବ୍ୟ ରୂପ ଦେଖି ଭକ୍ତିରେ ବିଭୋର ହେଲେ ଶ୍ରଦ୍ଧାଳୁ
  • ||
  • ଦିନ ସାଢେ ୧୧ଟାରେ ୪୦ ଡିଗ୍ରୀ ଛୁଇଁଲା ତାପମାତ୍ରା, ବାଲେଶ୍ଵରରେ ସର୍ବାଧିକ ରେକର୍ଡ
  • ||
  • ଭୁବନେଶ୍ୱର : ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁଁ ୩ ଦିନ ସ୍କୁଲ ଛୁଟି
  • ||
  • ମୁମ୍ୱାଇ: ଶୋଇବା ଅଧିକାର ମୌଳିକ ଆବଶ୍ୟକତା, ରାତି ଅଧରେ ଜେରା କରିବାରୁ ଇଡିକୁ ହାଇକୋର୍ଟ ନୋଟିସ୍‌
  • ||
  • ନୂଆଦିଲ୍ଲୀ : ଦ୍ୱିତୀୟ ପର୍ଯ୍ୟାୟ ଲୋକସଭା ନିର୍ବାଚନ: ୧୬୭ ଜଣଙ୍କ ବିରୋଧରେ ସଙ୍ଗିନ ମାମଲା, କଂଗ୍ରେସର ଭେଙ୍କଟରମଣ ସବୁଠୁ ଧନୀ
  • ||
  • ଭୁବନେଶ୍ୱର : ପିସିସି ପ୍ରଚାର କମିଟି ବୈଠକ, ୨୮ରେ ଓଡ଼ିଶା ଆସିବେ ରାହୁଲ ଗାନ୍ଧି
  • ||
  • ଆଇପିଏଲ୍‌ରେ ଆଜି ଦିଲ୍ଲୀ ଓ ଗୁଜୁରାଟ ମଧ୍ୟରେ ଟକ୍କର, ଅହମ୍ମଦାବାଦରେ ହେବ ମୁକାବିଲା
  • ||
  • ଦୁବାଇରେ ବର୍ଷାର ପ୍ରକୋପ, ଚାରିଆଡେ ଖାଲି ପାଣି ପାଣି, ଓମାନରେ ଚାଲିଗଲା ୧୮ ଜୀବନ
  • ||
  • ଭୁବନେଶ୍ଵର : ଅସହ୍ୟ ତାତି ଓ ଗୁଳୁଗୁଳିରେ ସିଝୁଛି ରାଜ୍ୟ, ୪ ଦିନ ପ୍ରଚଣ୍ଡ ଗ୍ରୀଷ୍ମପ୍ରବାହ, ୧୮ ଓ ୧୯ରେ ୪୫ ଡିଗ୍ରୀ ଛୁଇଁବ
  • ||
  • ଭୁବନେଶ୍ଵର : ଆଜି ପବିତ୍ର ରାମନବମୀ, ପ୍ରାଣ ପ୍ରତିଷ୍ଠା ପରେ ଅଯୋଧ୍ୟାରେ ପ୍ରଥମ ରାମନବମୀ, ଆସିବେ ୨୫ ଲକ୍ଷ ଶ୍ରଦ୍ଧାଳୁ
  • ||

ମୋର୍ଗାନ ଷ୍ଟାନଲି ରିପୋର୍ଟ: ଅଭିବୃଦ୍ଧିକୁ ବଳଦେଉଛି ଆଖିଦୃଶିଆ ପୁଞ୍ଜି ଖର୍ଚ୍ଚ, ବିଶ୍ୱ ବଜାରରେ ରପ୍ତାନି ଦୃଢ଼ କରୁଛି ଦେଶ

ନୂଆଦିଲ୍ଲୀ,୧୮/୦୩: ଅଭିବୃଦ୍ଧି ଯାତ୍ରା ଜାରି ରଖିଛି ଘରୋଇ ବଜାର । ଦେଶ ଏବେ ଯେଉଁ ହାରରେ ଅଭିବୃଦ୍ଧି ହାର ହାସଲ କରିଛି,ତାହା ନିବେଶ ବୃଦ୍ଧିର ପ୍ରତିଫଳନ । ୨୦୦୩ରୁ ୨୦୦୭ ମଧ୍ୟରେ ଦେଶ ଏଭଳି ଅଭିବୃଦ୍ଧି ହାସଲ କରିବାକୁ ସକ୍ଷମ ହୋଇଥିଲା । ବିକାଶ ହାର ଥିଲା ୮% । ଭାରତର ଅଭିବୃଦ୍ଧିକୁ  ଆଖିଦୃଶିଆ ପୁଞ୍ଜି ଖର୍ଚ୍ଚ ବଳ ଦେଉଥିବା ମୋର୍ଗାନ ଷ୍ଟାନଲି ଏହାର ଦି ଭିୟୁ ପଏଣ୍ଟ  ଇଣ୍ଡିଆ ରିପୋର୍ଟରେ ପ୍ରକାଶ କରିଛି । 

ଏବେ ଚାହିଦା ତୁଳନାରେ ନିବେଶକୁ ମିଳିଛି ପ୍ରାଥମିକତା । ସରକାରଙ୍କ ନିବେଶ ସହ ତାଳ  ଦେଇ ଘରୋଇ କ୍ଷେତ୍ର ମଧ୍ୟ ନିବେଶ ବଢ଼ାଇଛି। ଏପଟେ ସହରାଞ୍ଚଳ ଗ୍ରାହକ ଚାହିଦା ଭିତ୍ତିକ ଅଭିବୃଦ୍ଧିକୁ ତ୍ୱରାନ୍ୱିତ କରୁଛନ୍ତି । ଗ୍ରାମାଞ୍ଚଳର  ଚାହିଦା ମଧ୍ୟ ଉନ୍ନତ ସ୍ଥିତିରେ ରହିଛି । ଅନ୍ୟପକ୍ଷରେ ବିଶ୍ୱର ରପ୍ତାନି ଦୃଶ୍ୟପଟରେ ଭାରତ ନିଜର ଉପସ୍ଥିତି ସୁଦୃଢ଼ କରୁଛି । 

ଏ କ୍ଷେତ୍ରରେ ଭାରତର ବଜାର ଅଂଶ ବୃଦ୍ଧି ହେଉଥିବା ବେଳେ ଦେଶର ଢ଼ାଞ୍ଚାଗତ ସ୍ଥିରତା  ପ୍ରଭାବିତ ବାହ୍ୟ ସ୍ଥିତି ବିରୋଧରେ ଲଢ଼ିବାକୁ ସକ୍ଷମ ହେଉଛି । ବିଗତ କିଛି ବର୍ଷରେ ଦେଶର  ମୋଟ ଜିଡିପିକୁ ନିବେଶର ଭାଗ ଦ୍ରୁତ ଭାବେ  ବଢ଼ିଛି । ୨୦୦୩ରେ ଏହା ଥିଲା ୨୭% । ଯାହା ୨୦୦୮ରେ ୩୯%କୁ ବୃଦ୍ଧି ହୋଇଥିଲା । କିଛି ବର୍ଷ  ଏ କ୍ଷେତ୍ରରେ ଏତେଟା ଅଭିବୃଦ୍ଧି ଦେଖାଗଲାନି । 

ମାତ୍ର ପୁଣି ଥରେ ଏହି ଧାରାରେ ଉନ୍ନତି  ଦେଖାଯାଇଛି । ଏବେ ଜିଡିପି ନିବେଶ ଅନୁପାତ  ୩୪% ଥିବା ବେଳେ ୨୦୨୭ ବେଳକୁ ଏହା ୩୬% ଯାଏ ଯିବାର ଢ଼େର ସମ୍ଭାବନା ରହିଛି ।  ୨୦୦୩ରୁ ୨୦୦୭ ଅବଧିରେ ପୁଞ୍ଜି ଖର୍ଚ୍ଚରେ  ଅଭିବୃଦ୍ଧି ଯୋଗୁ ଏହା ଉତ୍ପାଦନ, ନିଯୁକ୍ତି ସୃଷ୍ଟି ଏବଂ ଆୟ ଅଭିବୃଦ୍ଧି କ୍ଷେତ୍ରରେ ବିଶେଷ  ଯୋଗଦାନ ଦେଇଥିଲା । 

ନିଯୁକ୍ତି ସ୍ଥିତି ଉନ୍ନତ ହେବାରୁ ସଞ୍ଚୟ  ଧାରାରେ ପରିବର୍ତ୍ତନ ଆସିଥିଲା । ୨୦୦୩ରେ  ଜିଡିପି ସଞ୍ଚୟ ଅନୁପାତ ୨୩% ଥିବା ବେଳେ ୨୦୦୮ରେ ଏହା ୩୯% ଛୁଇଁଥିଲା । ଅଭିବୃଦ୍ଧି  ଦୃଷ୍ଟିକୋଣକୁ ବିଚାର କଲେ ଦେଶ ହାରାହାରି  ୮.୬% ଜିଡିପି ହାସଲ କରିଥିଲା । ୨୦୦୩-୦୭  ଅବଧିରେ ଖୁଚୁରା ମୁଦ୍ରାସ୍ଫୀତି ଥିଲା ୪.୮% । 

ଜୁଲାଇ ୨୦୦୮ରେ ଅଶୋଧିତ ତେଲ ଦର  ବ୍ୟାରେଲ ପିଛା ୧୪୫ ଡଲାର ଥିବା ସତ୍ତେ୍ୱ ମଧ୍ୟ  କରେଣ୍ଟ ଆକାଉଣ୍ଟ ବାଲାନ୍ସ ସ୍ୱାଭାବିକ ସ୍ଥିତିରେ  ଥିଲା । କରେଣ୍ଟ ଆକାଉଣ୍ଟ ଡେଫିସିଟ ସାମାନ୍ୟ ବଢ଼ି ୨.୪% ଛୁଇଁଥିଲା । ଏବେ ନୀତି ନିର୍ଦ୍ଧାରକ ଯୋଗାଣ କ୍ଷେତ୍ରରେ ସଂସ୍କାର ସହ ଅଭିବୃଦ୍ଧିକୁ  ତ୍ୱରାନ୍ୱିତ କରିବା ଦିଗରେ ପ୍ରାଥମିକତା  ଦେଉଛନ୍ତି । ଦୀର୍ଘମିଆଦି ନିବେଶ ଘରୋଇ ପୁଞ୍ଜିଖର୍ଚ୍ଚ ଏବଂ ନିରନ୍ତର ଅଭିବୃଦ୍ଧିରେ ବେଶ  ସହାୟ କ ହେଉଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.