ନୂଆଦିଲ୍ଲୀ,୧୨/୦୪: ୨୦୨୫-୨୬ ଆର୍ଥିକବର୍ଷ ପର୍ଯ୍ୟନ୍ତ ଭାରତର ଇଲେକ୍ଟ୍ରୋନିକ୍ସ ବିନିର୍ମାଣ ଶିଳ୍ପ ବର୍ଷକୁ ହାରାହାରି ୪୧% ଅଭିବୃଦ୍ଧି ନେଇ ବଢ଼ିବ। ଇକ୍ୱିରିସ୍ ସିକ୍ୟୁରିଟିଜ୍ ପକ୍ଷରୁ ପ୍ରସ୍ତୁତ ଏକ ସଦ୍ୟ ରିପୋର୍ଟରୁ ଏହା ଜଣାପଡ଼ିଛି ।
ଭାରତକୁ ଇଲେକ୍ଟ୍ରୋନିକ୍ସ ବିନିର୍ମାଣ ହବ୍ ଭାବେ ଗଢ଼ିବାକୁ କେନ୍ଦ୍ର ସରକାର ଜୋରଦାର ଉଦ୍ୟମ କରୁଛନ୍ତି । ଏହି କ୍ରମରେ ଭାରତରେ ଇଲେକ୍ଟ୍ରୋନିକ୍ସ ବିନିର୍ମାଣ ଶିଳ୍ପର ଭବିଷ୍ୟତ ଉଜ୍ଜ୍ୱଳ ରହିଥିବା ବଜାର ବିଶେଷଜ୍ଞମାନେ ପ୍ରକାଶ କରିଛନ୍ତି । ୨୦୨୧ରେ ଏହି ଶିଳ୍ପର ମୂଲ୍ୟ୧,୦୬୯,୦୦ କୋଟି ଟଙ୍କା ଥିବାବେଳେ ୨୦୨୫-୨୬ ସୁଦ୍ଧା ଏହା ୫,୯୮୦,୦୦ କୋଟି ଛୁଇଁବ ବୋଲି ଅନୁମାନ କରାଯାଇଛି ।