ପ୍ରମୁଖ ଖବର
  • ନୀଳଗିରିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମାରାଥନ ପ୍ରଚାର
  • ||
  • ଚିଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୁରୀ ଲୋକସଭା ପ୍ରାର୍ଥୀଙ୍କ ପାଇଁ ଭୋଟ୍ ଅପିଲ୍ କଲେ
  • ||
  • ଟିମ୍‌ ଇଣ୍ଡିଆ ମୁଖ୍ୟ କୋଚ୍‌ ରେସ୍, ମାହେଲା ଜୟବର୍ଦ୍ଧନେଙ୍କୁ ବିସିସିଆଇର ପ୍ରସ୍ତାବ
  • ||
  • ଜୁଲାଇ ୪ରେ ବ୍ରିଟେନରେ ସାଧାରଣ ନିର୍ବାଚନ, ଆସନ୍ତା ସପ୍ତାହରେ ଭଙ୍ଗ ହେବ ସଂସଦ
  • ||
  • ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ: ଗୁରୁବର ସନ୍ଧ୍ୟା ସରିବ ପ୍ରଚାର, ଶନିବାର ୫୮ ଆସନରେ ମତଦାନ
  • ||
  • କଣାସରେ ଘର ଭିତରକୁ ପଶିଗଲା ଟ୍ରାକ୍ଟର, ଦୁର୍ଘଟଣାରେ ଚାଲିଗଲା ଚାଳକଙ୍କ ଜୀବନ
  • ||
  • ମେ’ ୨୯ରେ ପୁଣି ଓଡ଼ିଶା ଆସିବେ ମୋଦି, ୨୬ରେଭଦ୍ରକରେ ଭୋଟ୍‌ ମାଗିବେ ରାହୁଲ, ବାଲେଶ୍ୱରକୁ ଖଡ୍‌ଗେ
  • ||
  • ରଥ ଖଳା ହାଲ୍‌ଚାଲ୍‌...ରଥ ଗୁଜରେ ନୃସିଂହ ମୁଖ ଅଙ୍କନ, ରୂପକାରଙ୍କ କାର୍ଯ୍ୟାରମ୍ଭ, ଅର ଅନୁକୂଳ କଲେ ବିଶ୍ୱକର୍ମା
  • ||
  • ସନ୍ଧ୍ୟାରେ ସରିବ ତୃତୀୟ ପର୍ଯ୍ୟାୟ ଭୋଟ୍‌ ପ୍ରଚାର, ଶନିବାର ୬ ଲୋକସଭା, ୪୨ ବିଧାନସଭାରେ ଭୋଟ୍‌
  • ||
  • ବଙ୍ଗୋପସାଗରରେ ଲଘୁଚାପ ସକ୍ରିୟ: ୨୪ ସୁଦ୍ଧା ଅବପାତ, ୨୫ରେ ଗଭୀର ଅବପାତ ସମ୍ଭାବନା, ଭଦ୍ରକ ଏବଂ ବାଲେଶ୍ୱରରେ ବର୍ଷିବ
  • ||

IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ଦିଲ୍ଲୀ କ୍ୟାପିଟାଲ, ପନ୍ତ ଖେଳିବେନି ଗୁରୁତ୍ୱପୂର୍ଣ୍ଣ ମୁକାବିଲା

ବେଙ୍ଗାଲୁରୁ,୧୨/୦୫: ରବିବାର ୬୨ତମ ମ୍ୟାଚରେ ରୟାଲ୍‌ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଓ ଦିଲ୍ଲୀ କ୍ୟାପିଟାଲ୍ସ ପରସ୍ପରକୁ ଭେଟିବାକୁ ଯାଉଛନ୍ତି । ଉଭୟ ଦଳ ପାଇଁ ଏହି  ମ୍ୟାଚ୍‌ ଗୁରୁତ୍ୱପୂର୍ଣ୍ଣ ରହିଛି । ମାତ୍ର ରିଷଭ ପନ୍ତ ଏହି ମ୍ୟାଚ୍‌ ଖେଳୁନଥିବାରୁ କ୍ୟାପିଟାଲ୍ସ ଦଳର ଚିନ୍ତା ବଢି ଯାଇଛି । ଚଳିତ ଆଇପିଏଲ୍‌ରେ ଦିଲ୍ଲୀ କ୍ୟାପିଟାଲ୍ସ ୩ଥର ମନ୍ଥର ବୋଲିଂ କରିଥିବାରୁ ପନ୍ତ ଦଣ୍ଡିତ ହୋଇଛନ୍ତି । ତାଙ୍କୁ ଗୋଟିଏ ମ୍ୟାଚ୍‌ରୁ ନିଲମ୍ବିତ କରାଯାଇଛି । ତାଙ୍କ ଅନୁପସ୍ଥିତିରେ ଅକ୍ଷର ପଟେଲ ଦଳର ନେତୃତ୍ୱ ନେବେ । 

କ୍ୟାପିଟାଲ୍ସ ୧୨ଟି ମ୍ୟାଚ୍‌ ଖେଳି ୧୨ ପଏଣ୍ଟ ହାସଲ କରି ସାରିଛି । ଆଉ ୨ ପଏଣ୍ଟ ହାସଲ କଲେ ଦଳର ପ୍ଲେ-ଅଫ୍‌ ନିଶ୍ଚିତ ହୋଇପାରିବ। ରୟାଲ୍ସ ଚ୍ୟାଲେଞ୍ଜର୍ସ ୧୨ଟି ମ୍ୟାଚ୍‌ରୁ ୧୦ ପଏଣ୍ଟ  ହାସଲ କରିସାରିଛି । ପ୍ଲେ-ଅଫ୍‌ରେ ପ୍ରବେଶ କରିବାକୁ ହେଲେ ରୟାଲ୍‌ ଚ୍ୟାଲେଞ୍ଜର୍ସକୁ ୨ଟି  ଯାକ ମ୍ୟାଚ୍‌ ଜିତିବାକୁ ହେବ । ନଚେତ ଗୋଟିଏ ପରାଜୟ ପ୍ଲେ-ଅଫ୍‌ ସ୍ୱପ୍ନ ମଉଳାଇ ଦେବ ।

ଚଳିତ ସିଜନରେ ଉଭୟ ଦଳ ପରସ୍ପରକୁ ପ୍ରଥମ କରି ଭେଟିବେ । ରୟାଲ୍‌ ଚ୍ୟାଲେଞ୍ଜର୍ସ ସମ୍ପ୍ରତି ଚମତ୍କାର ଫର୍ମରେ ରହିଛି । ବୋଲରମାନେ ମଧ୍ୟ ଲୟ  ଫେରିପାଇଛନ୍ତି । ଦଳ ଶେଷ ୪ଟି ମ୍ୟାଚ୍‌  ଜିତିଛି । ରବିବାର ଚିନ୍ନାସ୍ୱାମୀ ଷ୍ଟାଡ଼ିୟମ୍‌ରେ ଦର୍ଶକ ଦ୍ୱାଦଶ ଖେଳାଳି ଭାବେ ରୟାଲ୍‌ ଚ୍ୟାଲେଞ୍ଜର୍ସକୁ ସମର୍ଥନ କରିବେ । ତେଣୁ  ଘରୋଇ ଦଳର ପଲା ଭାରି ରହିବା ନିଶ୍ଚିତ । 

ରବିବାର ପନ୍ତ ଖେଳୁ ନଥିବାରୁ ତାଙ୍କ ସ୍ଥାନରେ ୟଶ ଧୂଲ କିମ୍ବା କୁମାର  କୁଶାଗ୍ରଙ୍କ ମଧ୍ୟରୁ ଜଣଙ୍କୁ ସୁଯୋଗ ମିଳିବ । ସେହିପରି ସାଇ ହୋପ୍‌ଙ୍କ ସ୍ଥାନରେ ଅଭିଜ୍ଞ ଡେଭିଡ୍‌ ୱାର୍ଣ୍ଣରଙ୍କୁ ଏକାଦଶରେ ସ୍ଥାନ  ମିଳିବା ସମ୍ଭାବନା ରହିଛି । ରୟାଲ୍‌  ଚ୍ୟାଲେଞ୍ଜର୍ସ ଦଳରେ ପରିବର୍ତ୍ତନ ସମ୍ଭାବନା  ନାହିଁ । ପୂର୍ବ ଭଳି ରଜତ ପାତିଦାର ଓ ୟଶ ଦୟାଲଙ୍କୁ ଇମ୍ପାକ୍ଟ ପ୍ଲେୟାର  ଭାବେ ଖେଳିବାକୁ ସୁଯୋଗ ମିଳିବ । 

ଚିନ୍ନାସ୍ୱାମୀ ପିଚ୍‌ ବ୍ୟାଟିଂ ପାଇଁ ବେଶ୍‌  ଅନୁକୂଳ ଥିବାରୁ ରବିବାର ବିଶାଳ  ସ୍କୋର ସମ୍ଭାବନା ରହିଛି । ଦ୍ୱିତୀୟ ଭାଗରେ  ବ୍ୟାଟିଂ ସହଜ ହେବ। ଟସ୍‌ ବିଜୟୀ ଦଳ  ଫିଲ୍ଡିଂ ନିଷ୍ପତ୍ତି ନେବା ଏକ ପ୍ରକାର ନିଶ୍ଚିତ । 

ସମ୍ଭାବ୍ୟ ଏକାଦଶ 

ରୟାଲ୍‌ ଚ୍ୟାଲେଞ୍ଜର୍ସ: ବିରାଟ କୋହଲି, ଫାଫଡୁ ପ୍ଲେସି(ଅଧିନାୟକ), ୱିଲ ଜ୍ୟାକ୍ସ, ରଜତ  ପାତିଦାର, ଗ୍ଲେନ ମ୍ୟାକ୍ସୱେଲ୍‌, କାମେରନ ଗ୍ରୀନ, ଦିନେଶ କାର୍ତ୍ତିକ, ସ୍ୱପ୍ନିଲ ସିଂହ, କରଣ  ଶର୍ମା, ମହମ୍ମଦ ସିରାଜ, ବିଜୟ କୁମାର  ବୈଶାଖ । (ଇମ୍ପାକ୍ଟ ପ୍ଲେୟାର: ୟଶ ଦୟାଲ) 

ଦିଲ୍ଲୀ କ୍ୟାପିଟାଲ୍ସ :  ଜେକ ଫ୍ରେଜର-ମ୍ୟାକଗର୍କ, ଅଭିଷେକ  ପୋରେଲ, ଡେଭିଡ୍‌ ୱାର୍ଣ୍ଣର/ସାଇ ହୋପ,  ୟଶ ଧୂଲ/କୁମାର କୁଶାଗ୍ର, ଟ୍ରିଷ୍ଟନ ଷ୍ଟବ୍ସ,  ଅକ୍ଷର ପଟେଲ(ଅଧିନାୟକ), ସୁମିତ  କୁମାର, ରସିକ ସଲାମ, କୁଲଦୀପ ଯାଦବ,  ମୁକେଶ କୁମାର, ଝେୟ ରିଚାର୍ଡସନ ।  (ଇମ୍ପାକ୍ଟ ପ୍ଲେୟାର: ଖଲିଲ ଅହମ୍ମଦ) ।

  • PrameyaOdia
  • prameya
  • IPL 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.