ନୂଆଦିଲ୍ଲୀ,୦୩/୦୬: ଆଜି ଜାପାନର ଇଶିକାୱା ଠାରେ ୫.୯ ତିବ୍ରତାର ଏକ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି। ପାଣିପାଗ ବିଭାଗ କହିଛି ଯେ ସକାଳେ ୫ ଟା ୯ ମିନିଟରେ ଇଶିକାୱା ଠାରେ ଏହି ଭୂକମ୍ପ ଘଟିଛି। ତେବେ ସୁନାମି ବିପଦକୁ ନେଇ ଅଧିକାରୀମାନଙ୍କ ପକ୍ଷରୁ କୌଣସି ସୂଚନା ମିଳିନାହିଁ। ଆଜି ସକାଳ ପ୍ରାୟ ସାଢ଼େ ୬ଟା ବେଳେ ଏହି ଭୂକମ୍ପ ଘଟିଥିଲା ଏବଂ ଏହାର କେନ୍ଦ୍ରସ୍ଥଳୀ ୧୦ କିଲୋମିଟର ଗଭୀରରେ ଥିବା ଅନୁମାନ କରାଯାଉଛି।

ଖବର ମୁତାବକ, ଭୂକମ୍ପ ପରେ ପୂର୍ବ ଜାପାନ ରେଳ ବିଦ୍ୟୁତ ସରବରାହ ବାଧାପ୍ରାପ୍ତ ହେବା କାରଣରୁ ହୋକୁରିକୁ ସିଙ୍କାନସେନ୍ ଏବଂ ଜୋଏଟୁ ସିଙ୍କାନସେନ୍ ବୁଲେଟ୍ ଟ୍ରେନ୍ ସେବାକୁ ଅସ୍ଥାୟୀ ଭାବରେ ସ୍ଥଗିତ ବନ୍ଦ କରାଯାଇଛି। ଏନ୍‌ଏଚ୍‌କେ ରିପୋର୍ଟ କରିଛି ଯେ ରେଳ ସେବା ପୁଣି ଥରେ ୬.୫୦ରେ ଆରମ୍ଭ ହୋଇଥିଲା। ପ୍ରବଳ ଭୂକମ୍ପର ପ୍ରଭାବ ବହୁ ଦୂରରୁ ଅନୁଭୂତ ହୋଇଥିଲା। ଏହି ଭୂକମ୍ପ ଯୋଗୁଁ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି। ଭୂକମ୍ପ ହେବା ପରେ ଭୟଭିତ ଲୋକମାନେ ଘରୁ ବାହାରକୁ ପଳାଇ ଆସିଥିଲେ।

କହିତରଖୁଛୁ ଯେ, ଏପ୍ରିଲ ୧ ରେ ମଧ୍ୟ ଜାପାନରେ ୬.୧ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଥିଲା। ଏହା ପୂର୍ବରୁ ଜାନୁଆରୀରେ ଜାପାନରେ ୭.୫ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ହୋଇଥିଲା। ଏଥିରେ ୫୦ ରୁ ଅଧିକ ଲୋକଙ୍କର ମୃତ୍ୟୁ ଘଟିଥିବା ବେଳେ ଅନେକ ବଡ଼ ବଡ଼ ବିଲ୍‌ଡିଂ ମଧ୍ୟ ଭୁଷୁଡ଼ି ପଡ଼ିଥିଲା।