ନୂଆଦିଲ୍ଲୀ, ୧/୫ : ନିର୍ବାଚନ ଆୟୋଗ ବିଆରଏସ ଚିଫ୍ ଏବଂ ତେଲେଙ୍ଗନାର ପୂର୍ବତନ ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓଙ୍କୁ ୪୮ଘଣ୍ଟା ଲାଗି ନିର୍ବାଚନ ପ୍ରଚାର କରିବା ଉପରେ ବ୍ୟାନ୍ ଲଗାଇଛନ୍ତି । ଆଚାର ସଂହିତାର ଉଲ୍ଲଂଘନ କରିବା ପରେ ନିର୍ବାଚନ ଆୟୋଗ ଏହି ନିର୍ଣ୍ଣୟ ନେଇଛନ୍ତି । ତାଙ୍କ ଉପରେ ନିର୍ବାଚନ ପ୍ରଚାରକୁ ନେଇ ଏହି ରୋକ୍ ବୁଧବାରରୁ ଆରମ୍ଭ ହେବ । ପୋଲ ପ୍ୟାନେଲ କଂଗ୍ରେସ ନେତା ଜି ନିରଞ୍ଜନଙ୍କ ତରଫରୁ ଦିଆଯାଇଥିବା ଏକ ଅଭିଯୋଗ ଆଧାରରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ଯେଉଁଥିରେ ବିଆରଏସ ନେତାଙ୍କ ଉପରେ ପାର୍ଟି ବିରୁଦ୍ଧରେ ଆପତ୍ତିଜନକ ଟିପ୍ପଣୀ ଦେବାର ଅଭିଯୋଗ ଲଗାଯାଇଥିଲା ।
ନିର୍ବାଚନ ଆୟୋଗ ୫ଏପ୍ରିଲ ୨୦୨୪ରେ ସିରସିଲାରେ ଦେଇଥିବା ବିବାଦୀୟ ବୟାନକୁ ନେଇ କେସିଆରଙ୍କ ଉପରେ ଏହି ରୋକ୍ ଲଗାଇଛନ୍ତି । ଆୟୋଗ ସମ୍ବିଧାନର ଅନୁଚ୍ଛେଦ ୩୨୪ର ଉଦାହରଣ ଦେଇ ଚନ୍ଦ୍ରଶେଖର ରାଓଙ୍କୁ ଏକ ମଇ ୨୦୨୪ ରାତି ୮ଟାରୁ ୪୮ଘଣ୍ଟା ପର୍ଯ୍ୟନ୍ତ କୌଣସି ସାର୍ବଜନିକ ବୈଠକ, ସାର୍ବଜନିକ ଶୋଭାଯାତ୍ରା, ସାର୍ବଜନିକ ରାଲି, ଶୋ ଏବଂ ସାକ୍ଷାତକାର, ମିଡ଼ିଆରେ ସାର୍ବଜନିକ ଭାଷଣ ଦେବା ଉପରେ ରୋକ ଲାଗିଛି ।