ନୂଆଦିଲ୍ଲୀ ୦୨/୦୨: ପୃଥିବୀର ସବୁଠାରୁ ବିପଦପୂର୍ଣ୍ଣ ଶିକାରକାରୀମାନଙ୍କ ମଧ୍ୟରେ ସାପ ଗୋଟିଏ। ଜାଣନ୍ତି କି କେଉଁ ସାପ ସବୁଠୁ ଦ୍ରୁତତମ ଗୋଡ଼ାଇଥାଏ? କିଙ୍ଗ କୋବ୍ରା କେତେ ବେଗରେ ଶିକାର ପଛରେ ଦୌଡ଼େ? ଆସନ୍ତୁ ଜାଣିବା ସେ ବିଷୟରେ...
ଶିକାରକୁ ସବୁଠୁ ଦ୍ରୁତ ଗତିରେ ଗୋଡ଼ାଉଥିବା ସାପ ହେଉଛି ସାଇଡୱିଣ୍ଡର ରାଟଲେସ୍ନେକ୍ । ଏହା ପ୍ରାୟ ୨୯ କିଲୋମିଟର ବେଗରେ ଶିକାର ପଛରେ ଗୋଡାଏ। ମେକ୍ସିକୋ ଏବଂ ଆମେରିକାର ଦକ୍ଷିଣ-ପଶ୍ଚିମ ମରୁଭୂମି ଅଞ୍ଚଳରେ ସାଇଡୱିଣ୍ଡର ଦେଖିବାକୁ ମିଳେ।
ଦ୍ୱିତୀୟ ସ୍ଥାନରେ ରହିଛି ରାଟ୍ ସ୍ନେକ୍। ଏହା କୋବ୍ରା କିମ୍ବା କଟନ୍ ମାଉଥ୍ ପରି ବିଷାକ୍ତ ନୁହେଁ, କିନ୍ତୁ ଏହା ପ୍ରତି ସେକେଣ୍ଡରେ ୨.୬୭ ମିଟର ବେଗରେ ଶିକାର ପଛରେ ଗୋଡାଇଥାଏ।
ଆମେରିକାରେ ଦେଖିବାକୁ ମିଳୁଥିବା କଟନମାଉଥ ତୃତୀୟ ସ୍ଥାନରେ ରହିଛି। ଏହି ସାପ ପ୍ରତି ସେକେଣ୍ଡରେ ୨.୯୭ ମିଟର ବେଗରେ ଶିକାର ପାଖରେ ପହଞ୍ଚିଯାଏ। ଏହା ଏକ ସେକେଣ୍ଡରୁ କମ୍ ସମୟ ମଧ୍ୟରେ ଛଅ ଫୁଟରୁ ଅଧିକ ଦୂରତା ଅତିକ୍ରମ କରିପାରେ ।
ଚତୁର୍ଥ ନମ୍ବରରେ ରହିଛି ଭାରତରେ ମିଳୁଥିବା କିଙ୍ଗ କୋବ୍ରା । କିଙ୍ଗ କୋବ୍ରା ପ୍ରତି ସେକେଣ୍ଡରେ ୩.୩୩ ମିଟର ବେଗରେ ନିଜର ଶିକାରକୁ ଗୋଡ଼ାଇଥାଏ । ଏହା ଏତେ ବିଷାକ୍ତ ଯେ ଯଦି ଏହାର ବିଷ ମାନବ ଶରୀରରେ ପହଞ୍ଚେ ଏବଂ ଉପଯୁକ୍ତ ଚିକିତ୍ସା ନମିଳେ, ତେବେ ବ୍ୟକ୍ତି ୩୦ ମିନିଟ୍ ମଧ୍ୟରେ ମରିଯାଏ ।