କୋଲକାତା,୮।୧୨: ଅର୍ଥ ବଦଳରେ ପ୍ରଶ୍ନ ଅଭିଯୋଗରେ ଶୁକ୍ରବାର ଟିଏମ୍ସି ସାଂସଦ ମହୁଆ ମୋଇତ୍ରାଙ୍କୁ ଲୋକସଭାରୁ ବହିଷ୍କାର କରାଯାଇଛି। ବିତର୍କ ବେଳେ ମହୁଆ ମୋଇତ୍ରାଙ୍କୁ ଲୋକସଭାରେ କହିବାର ଅନୁମତି ଦିଆଯାଇନଥିଲା। ଏବେ ଟିଏମ୍ସି ସୁପ୍ରିମୋ ଓ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଭାରତୀୟ ଜନତା ପାର୍ଟି(ବିଜେପି) ଉପରେ ଟାର୍ଗେଟ କରିଛନ୍ତି। ସେ କହିଛନ୍ତି ଆଜି ଲୋକତନ୍ତ୍ରର ‘ବାଇପାସ୍ ସର୍ଜରୀ’ ହୋଇଗଲା। ଏହା ବିଜେପିର ପ୍ରତିଶୋଧର ରାଜନୀତି।
ମହୁଆ ମୋଇତ୍ରାଙ୍କୁ ଲୋକସଭାରୁ ବହିଷ୍କାର କରାଯିବା ପରେ ଦାର୍ଜଲିଂର ଏକ କାର୍ଯ୍ୟକ୍ରମରେ ମମତା କହିଛନ୍ତି, ମୁଁ ଆପଣଙ୍କୁ କହୁଛି ମହୁଆ ପରିସ୍ଥିତିର ଶିକାର ହୋଇଛନ୍ତି। ମୁଁ ଏହାର କଡା ନିନ୍ଦା କରୁଛି। ଆମ ପାର୍ଟି ମହୁଆଙ୍କ ସହିତ ଅଛି। ଦଳ ଇଣ୍ଡିଆ ମେଣ୍ଟ ସହିତ ମିଶି ଲଢିବ। ଏହା ଲୋକତନ୍ତ୍ର ପାଇଁ ଦୁର୍ଭାଗ୍ୟପୂର୍ଣ୍ଣ କଥା।’ ଆଜି ମୁଁ ବିଜେପିର କାର୍ଯ୍ୟକୁ ଦେଖି ଖୁବ୍ ଦୁଃଖି ହୋଇଛି। ସେମାନେ ଲୋକତନ୍ତ୍ରକୁ ଧୋକା ଦେଲେ। ମହୁଆଙ୍କୁ ନିଜର ପକ୍ଷ ସ୍ପଷ୍ଟ କରିବାର ଅନୁମତି ମଧ୍ୟ ଦେଲେନି। ପୁରା ଭାବରେ ଅନ୍ୟାୟ କଲେ।’
ଉଲ୍ଲେଖନୀୟ ଯେ, ଟିଏମ୍ସି ସାଂସଦ ମହୁଆ ମୋଇତ୍ରାଙ୍କୁ ଟଙ୍କା ନେଇ ପ୍ରଶ୍ନ ପଚାରିବା ମାମଲାରେ ଶୁକ୍ରବାର ଗୃହର ସଦନର ସଦସ୍ୟତାରୁ ନିଷ୍କାସିତ କରି ଦିଆ ଯାଇଛି। ସଂସଦୀୟ କାର୍ଯ୍ୟମନ୍ତ୍ରୀ ପ୍ରହ୍ଲାଦ ଯୋଶୀ ମୋଇତ୍ରାଙ୍କ ନିଷ୍କାସନ ପ୍ରସ୍ତାବ ଆଗତ କରିଥିଲେ, ଯାହାକି ଗୃହରେ ଧ୍ବନିମତରେ ମଞ୍ଜୁରୀ ଦିଆଯାଇଥିଲା। ଏହା ପୂର୍ବରୁ ଗୃହରେ ଲୋକସଭାର ଆଚାର କମିଟିର ରିପୋର୍ଟ ଉପରେ ଚର୍ଚ୍ଚା ପରେ ତାକୁ ମଞ୍ଜୁରୀ ଦେଇଛି। ଏହା ପୂର୍ବରୁ ଗୃହରେ ଲୋକସଭାର ଆଚାର କମିଟିର ରିପୋର୍ଟ ଉପରେ ଚର୍ଚ୍ଚା ପରେ ତାକୁ ମଞ୍ଜୁରୀ ଦିଆଯାଇଛି। ଯେଉଁଥିରେ ମୋଇତ୍ରାଙ୍କୁ ବହିଷ୍କାର କରିବାର ସୁପାରିଶ କରାଯାଇଥିଲା।