ନୂଆଦିଲ୍ଲୀ,୬/୧୨ : ଦିଲ୍ଲୀରେ ଭାରତୀୟ ଜନତା ପାର୍ଟିର ଏକ ବୈଠକ ହେଉଛି । ଏହି ବୈଠକରେ ବିଧାନସଭା ନିର୍ବାଚନରେ ବିଜୟୀ ହୋଇଥିବା ସବୁ ୧୨ସାଂସଦ ଭାଗ ନେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅମିତ ଶାହ ବି ଏହି ବୈଠକରେ ଉପସ୍ଥିତ ଅଛନ୍ତି । ସମ୍ଭାବନା ଅଛି କି ଏହି ବୈଠକରେ ୩ରାଜ୍ୟର ମୁଖ୍ୟମନ୍ତ୍ରୀଙ୍କ ନାଁ ଉପରେ ବି ଚର୍ଚ୍ଚା ହୋଇପାରେ । ପ୍ରକାଶ ଯେ, ଏହା ଲଗାତାର ଭାବେ ଦ୍ବିତୀୟ ବୈଠକ ଅଟେ । ମଙ୍ଗଳବାର ବି ପିଏମ ଆବାସରେ ମୁଖ୍ୟମନ୍ତ୍ରୀଙ୍କ ନାଁକୁ ନେଇ ଏକ ବୈଠକ ହୋଇଥିଲା ଯାହା ୪ଘଣ୍ଟା ପର୍ଯ୍ୟନ୍ତ ଚାଲିଥିଲା ।
ପ୍ରକାଶ ଯେ, ନିକଟରେ ହୋଇଥିବା ବିଧାନସଭା ନିର୍ବାଚନରେ ବିଜେପି ରାଜସ୍ଥାନ ଏବଂ ଛତିଶଗଡ଼କୁ କଂଗ୍ରେସଠାରୁ ଛଡ଼େଇ ନେଇଛି ଏବଂ ସରକାର ବିରୋଧୀ ଲହର ପରେ ବି ମଧ୍ୟପ୍ରଦେଶରେ ନିଜ ସରକାରକୁ ଫେରାଇ ଆଣିବାରେ ସଫଳ ହୋଇଛି ବିଜେପି । ଯେଉଁ ୩ରାଜ୍ୟରେ ବିଜେପିକୁ ବିଜୟ ମିଳିଛି ସେଥିରେ ବିଜେପି ତରଫରୁ ସିଏମ୍ ପଦର ଆଶାୟୀଙ୍କ ନାଁ ଘୋଷଣା କରାଯାଇନଥିଲା । ଏବେ ବିଧାନସଭା ନିର୍ବାଚନରେ ବିଜୟ ସହ ନେତୃତ୍ବକୁ ନେଇ ବଡ଼ ପ୍ରଶ୍ନ ଛିଡ଼ା କରିଛି । ୩ରାଜ୍ୟରେ କେତେକେଙ୍କ ନାଁ ଉପରେ ଚର୍ଚ୍ଚା ଜାରି ରହିଛି । ରାଜ୍ୟର କଦ୍ଦାବର ନେତା ରାଜସ୍ଥାନରେ ବସୁନ୍ଧରା ରାଜେ, ଛତିଶଗଡ଼ରେ ରମନ ସିଂହ ଏବଂ ମଧ୍ୟ ପ୍ରଦେଶରେ ୪ଥରର ମୁଖ୍ୟମନ୍ତ୍ରୀ ଶିବରାଜ ସିଂହ ଦୌଡ଼ରେ ରହିଥିବାବେଳେ ଏହାର ନିଷ୍ପତ୍ତି କେନ୍ଦ୍ରୀୟ ନେତୃତ୍ବ ଉପରେ ଛାଡ଼ି ଦିଆଯାଇଛି ।
ବିଜେପି ବିଧାନସଭା ନିର୍ବାଚନରେ କେତେକ କେନ୍ଦ୍ରୀୟ ମନ୍ତ୍ରୀ ଏବଂ ସାଂସଦଙ୍କୁ ନିର୍ବାଚନୀ ରଣାଙ୍ଗନରେ ଓହ୍ଲାଇଥିଲା । ପାର୍ଟି ୨୧ସାଂସଦଙ୍କୁ ଟିକେଟ ଦେଇଥିଲା । ଏଥିରୁ ୧୨ଜଣ ନିର୍ବାଚନ ଜିତି ଯାଇଛନ୍ତି, ଯାହାକି ୯ସାଂସଦଙ୍କୁ ପରାଜୟର ସାମ୍ନା କରିବାକୁ ପଡ଼ିଥିଲା । ନିର୍ବାଚନ ସମୟରେ ଏହି କଥାକୁ ନେଇ ବି ଆଲୋଚନା ଚାଲିଥିଲା କି କ’ଣ ଏହି ସାଂସଦମାନଙ୍କ ମଧ୍ୟରୁ କେହି ବିଜେପିର ସିଏମ୍ ଫେଶ୍ ହୋଇପାରନ୍ତି ।
ବିଜେପି ରାଜସ୍ଥାନ ଏବଂ ମଧ୍ୟପ୍ରଦେଶରେ ୭-୭, ଛତିଶଗଡ଼ରେ ୪ ଏବଂ ତେଲେଙ୍ଗାନାରେ ୩ସାଂସଦଙ୍କୁ ବିଧାନସଭା ନିର୍ବାଚନ ଲଢାଇଥିଲା । ମଧ୍ୟପ୍ରଦେଶରେ କେନ୍ଦ୍ରୀୟ କୃଷୀ ମନ୍ତ୍ରୀ ନରେନ୍ଦ୍ର ସିଂହ ତୋମର, କେନ୍ଦ୍ରୀୟ ମନ୍ତ୍ରୀ ପ୍ରହ୍ଲାଦ ପଟେଲ ଏବଂ ଫଗ୍ଗନ ସିଂହ କୁଲସ୍ତେ, ସାଂସଦ ରାକେଶ ସିଂହ, ଗଣେଶ ସିଂହ, ରୀତି ପାଠକ ଏବଂ ରାଓ ଉଦୟ ପ୍ରତାପ ସିଂହଙ୍କୁ ନିର୍ବାଚନୀ ରଣାଙ୍ଗନରେ ଓହ୍ଲାଇଥିଲା । ସେମାନଙ୍କ ମଧ୍ୟରୁ ତୋମର, ପଟେଲ, ରାକେଶ ସିଂହ, ରୀତି ପାଠକ ଏବ ରାଓ ଉଦୟ ପ୍ରତାପ ସିଂହ ନିର୍ବାଚନ ଜିତି ଯାଇଥିଲେ । କୁଲସ୍ତେ ଏବଂ ଗଣେଶ ସିଂହ ନିର୍ବାଚନରେ ପରାଜୟ ହୋଇଛନ୍ତି ।
