ଭୁବନେଶ୍ଵର, ୦୫/୦୬ : ରାଜ୍ୟରେ ବିଜେଡିର ପରାଜୟ ପରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ନବୀନ ପଟ୍ଟନାୟକ। ରାଜ୍ୟପାଳଙ୍କୁ ଭେଟି ସେ ତାଙ୍କର ଇସ୍ତଫା ପତ୍ର ପ୍ରଦାନ କରିଛନ୍ତି। ଏହିଠାରେ ଓଡ଼ିଶାରେ ନବୀନ ଯୁଗର ଅବସାନ ଘଟିଛି। ୨୪ ବର୍ଷ ପରେ ତାଙ୍କ ହାତରୁ ଶାସନର ଭାର ଖସିଛି। ଗୋଟିଏ ଝଟ୍କାରେ ଷଷ୍ଠ ଥର ମୁଖ୍ୟମନ୍ତ୍ରୀ ହେବାର ସ୍ଵପ୍ନ ଧୂଳିସାତ୍ ହୋଇଛି। ମୁଖ୍ୟମନ୍ତ୍ରୀରୁ ନବୀନ ଏବେ କେବଳ ଜଣେ ବିଧାୟକ। ଜୀବନରେ ପ୍ରଥମ ଥର ପାଇଁ ବିରୋଧୀ ଆସନରେ ବସିବେ ନବୀନ।
୨୦୨୪ ନିର୍ବାଚନରେ ନବୀନଙ୍କ ଗଡ଼ ଭାଙ୍ଗି ଯାଇଛି। ବିଜେଡିକୁ ମାତ୍ର ୫୧ ଆସନ ମିଳିଛି। ଏପରିକି ମୁଖ୍ୟମନ୍ତ୍ରୀ ଖୋଦ୍ କଣ୍ଟାବାଞ୍ଝି ଆସନରୁ ୧୬ ହଜାରରୁ ଅଧିକ ଭୋଟ୍ରେ ପରାସ୍ତ ହୋଇଛନ୍ତି। ସେପଟେ ଲୋକସଭାରେ ଗୋଟିଏ ବି ସିଟ୍ ହାତେଇ ପାରିନାହାଁନ୍ତି ବିଜେଡିର ହେଭିୱେଟ୍।