ନୂଆଦିଲ୍ଲୀ,୧୩/୦୯ :  ପ୍ରଥମ ଥର ପାଇଁ ପରମାଣୁ କେନ୍ଦ୍ରର ଫଟୋ ଜାରି କଲା ଉତ୍ତର କୋରିଆ । ସେଠାରେ ଏକ ୟୁରାନିୟମ ଏନରିଚମେଣ୍ଟ ସାଇଟ ରହିଛି।  ଯେଉଁଠାରେ ବହୁ ସଂଖ୍ୟକ ସେଣ୍ଟ୍ରିଫ୍ୟୁଜ ଲାଗିଛି। ଏହା ଏକ ସ୍ୱତନ୍ତ୍ର ଯନ୍ତ୍ର ଯାହା ପରମାଣୁ ବୋମା ତିଆରି ପାଇଁ ସାମଗ୍ରୀ ପ୍ରସ୍ତୁତ କରେ । ତେବେ ନିକଟରେ ଦେଶର ଶାସକ କିମ ଜଙ୍ଗ୍ ଉନ ଏହି କେନ୍ଦ୍ର ପରିଦର୍ଶନ କରିଥିଲେ । ଏହି ସମୟରେ ସେ ବୈଜ୍ଞାନିକଙ୍କୁ ପରମାଣୁ ଅସ୍ତ୍ର ତିଆରି କରିବା ପାଇଁ ଅଧିକ ଉପକରଣ ପ୍ରସ୍ତୁତ କର ବୋଲି  ନିର୍ଦ୍ଦେଶ ଦେଇଛନ୍ତି । ଏହା ବ୍ୟତୀତ ଜାପାନ ସାଗରରେ ୬୦୦ ମିଲିମିଟର ଏକାଧିକ ଲଞ୍ଚ ରକେଟ୍ ସିଷ୍ଟମ ସଫଳତାର ସହ ପରୀକ୍ଷଣ କରାଯାଇଛି। 

ତେବେ କିମ୍‌ ଜଙ୍ଗ୍‌ ଉନ୍‌ ବୈଜ୍ଞାନିକଙ୍କୁ କହିଛନ୍ତି ଯେ, ପରମାଣୁ ଅସ୍ତ୍ରର ପରିମାଣ ବୃଦ୍ଧି କରିବାକୁ ପଡିବ । ତେଣୁ ନ୍ୟୁକ୍ଲିୟର ଉପରକରଣ ପ୍ରସ୍ତୁତ କରିବାର ମାତ୍ରା ବଢାଯାଉ।  ସେ ଏହି ସାଇଟ୍ ବ୍ୟତୀତ ଆଣବିକ ଅସ୍ତ୍ର ପ୍ରତିଷ୍ଠାନ ପରିଦର୍ଶନ କରିଥିଲେ। ଯେଉଁଠାରେ ସେ ପରମାଣୁ ସାମଗ୍ରୀ ଉତ୍ପାଦନ କରିବାକୁ କହିଛନ୍ତି। ତେବେ ଉତ୍ତର କୋରିଆର ଆଣବିକ କାର୍ଯ୍ୟକ୍ରମକୁ  ପ୍ରଥମ ଥର ଜାରି କରାଯାଇଛି। ତେବେ ଜାରି ହୋଇଥିବା ଫଟୋରେ କିମ୍‌ ଜଙ୍ଗ୍‌ ଉନ୍‌ ଯେଉଁ ସ୍ଥାନରେ ବୁଲୁଛନ୍ତି ସେହି   ସ୍ଥାନକୁ ସୟୁକ୍ତ ରାଷ୍ଟ୍ରର ସିକ୍ୟୁରିଟି କାଉନସିଲ ପ୍ରତିବନ୍ଧ କରିଛି । ଯେଉଁ ଫଟୋ ଆସିଛି ସେଥିରେ ଦେଖିବାକୁ ମିଳିଛି ଯେ, କିମ୍‌ ଜଙ୍ଗ୍‌ ସେଣ୍ଟ୍ରିଫ୍ୟୁଜ ଭିତରେ ବୁଲୁଛନ୍ତି । ତେବେ ଏହା ସେହି ମେସିନ ଯାହା ୟୁରାନିୟମକୁ ପରମାଣୁ ବୋମା ବନାଇଥାଏ। ତେବେ ବର୍ତ୍ତମାନ ଯାଏଁ ଏହି ପରମାଣୁ କେନ୍ଦ୍ର କେଉଁଠାରେ ରହିଛି ଓ କିମ୍‌ ଜଙ୍ଗ୍‌ ଉନ୍‌ କେବେ ଯାଇଥିଲେ  ଏପର୍ଯ୍ୟନ୍ତ ଖୁଲାସା ହୋଇନି ।