ବ୍ରହ୍ମପୁର,୧୩।୧୧ : ଦୀପାବଳିରେ ଗଞ୍ଜାମ ଜିଲ୍ଲାରେ ତିନୋଟି ଅଞ୍ଚଳରେ ଅଗ୍ନିକାଣ୍ଡ ହୋଇଛି।  ବାଣ ନିଆଁରେ ୮ଜଣ ଆହତ ହୋଇଛନ୍ତି। ସେମାନେ ବ୍ରହ୍ମପୁର ଏମ୍‌କେସିଜି ମେଡିକାଲ କଲେଜ ଓ ହସ୍ପିଟାଲରେ ଚିକିତ୍ସିତ ହେବା ପରେ ଘରକୁ ଫେରିଛନ୍ତି । ସେହିପରି ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଛି। 

 ହୁମା କେଉଟ ସାହିରେ ରାତି ୯ଟରେ ଏନ୍.ଧନେଶ୍ବର ରେଙ୍ଗିଙ୍କ ଘରେ ବାଣ ପଡିଯିବାରୁ ନିଆଁ ଲାଗି ଯାଇଥିଲା। ସେହିପରି ପୋଲସରା ଷଣ୍ଢ ସାହି ଜ୍ୟୋସ୍ନା ମୁଦୁଲିଙ୍କ ଘରେ ସନ୍ଧ୍ୟା ୭ଟାରେ ନିଆଁ ଲାଗିଯାଇଥିଲା । ସେହିପରି ବ୍ରହ୍ମପୁର ଖୋଡ଼ାସିଙ୍ଗି ଛକରେ ଥିବା ମୋଗୁଲି ମାର୍କେଟ୍ ଗୋଦାମ୍ ଘରେ ବାଣ ପଶିଯିବାରୁ ନିଆଁ ଲାଗିଯାଇଥିଲା । ସେଠାରେ  ଗୋଟିଏ ବାଇକ୍‌ ପୋଡ଼ିଯାଇଥିବା ବେଳେ ଗୋଦାମରେ ଥିବା ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି। ଖବର ପାଇ ଅଗ୍ନିଶମ ବାହିନୀ ପହଞ୍ଚି ବିଭିନ୍ନ ସ୍ଥାନରେ ଲାଗିଥିବା  ନିଆଁକୁ ଆୟତ୍ତ କରିଛି। 

ସେହିପରି ବ୍ରହ୍ମପୁର ଗୋସାଇନୂଆଗାଁ ଓଭରବ୍ରିଜ୍ ନିକଟରେ ରବିବାର  ସନ୍ଧ୍ୟାରେ ଏକ ବାଇକ୍ ଡିଭାଇଡରକୁ ପିଟି ଦେବାରୁ କେ.ନୂଆଗାଁ ଥାନା ଜଗମୋହନପୁର ଶ୍ରୀନୁ ସାହୁଙ୍କ ମୃତ୍ୟୁ ହୋଇଛି । ପୋଲିସ ଏକ ମାମଲା ରୁଜୁ କରି ବାଇକ ଜବତ କରିଛି ଏବଂ ମୃତଦେହ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି।