ନୂଆଦିଲ୍ଲୀ,୧୦।୧୧: ପୂର୍ବରୁ ହିଁ ଆର୍ଥିକ ସଙ୍କଟ ଦେଇ ଗତି କରୁଛି ପାକିସ୍ତାନ। ପ୍ରତିଦିନ ନୂଆ ନୂଆ ସମସ୍ୟା ଘେରିବାରେ ଲାଗିଛି। ସବୁଠାରୁ ବଡ଼ କଥା ହେଲା ଏବେ ପାକିସ୍ତାନରେ ଲାମିନେସନ୍ ପେପରର ପ୍ରବଳ ଅଭାବ। ଏଥିପାଇଁ ପାସପୋର୍ଟ ସଙ୍କଟ ସୃଷ୍ଟି ହୋଇଛି। ତେବେ ଏହା ପ୍ରଥମ ଥର ନୁହେଁ, ଯେତେବେଳେ ପାକିସ୍ତାନର ନାଗରିକଙ୍କୁ ପାସପୋର୍ଟ ପାଇଁ ସଂଘର୍ଷ କରିବାକୁ ପଡୁଛି।
ଗଣମାଧ୍ୟମର ରିପୋର୍ଟ ଅନୁସାରେ, ପାକିସ୍ତାନରେ ଲାମିନେସନ୍ ପେପରର ଅଭାବ ହୋଇଯାଇଛି। ରିପୋର୍ଟରେ କୁହାଯାଉଛି ଯେ, ପାସପୋର୍ଟ ଲାମିନେସନ୍ ପେପର ଖୁବ୍ ଜରୁରୀ ଓ ସାଧାରଣତଃ ଏହାକୁ ଫ୍ରାନ୍ସରୁ ମଗା ଯାଇଥାଏ। ଏବେ ଏହି ଖାସ୍ ପେପରର ଅଭାବ ପୁରା ଦେଶରେ ପାସପୋର୍ଟର ବଡ ସଙ୍କଟ ସୃଷ୍ଟି କରିଛି। ଏହାର ସବୁଠାରୁ ଅଧିକ ପ୍ରଭାବ ସେହି ଲୋକଙ୍କ ଉପରେ ପଡିବ, ଯେଉଁମାନେ ପଢିବାକୁ ବିଦେଶ ଯାଉଛନ୍ତି।
କୁହାଯାଉଛି ଯେ, ଏମାନଙ୍କ ଭିତରେ ସେହି ଲୋକ ଅଛନ୍ତି, ଯେଉଁମାନେ ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନରୁ ବାହାରକୁ ଯିବାକୁ ଚାହାନ୍ତି। ଏବେ ପାସପୋର୍ଟ ଅଭାବରୁ ତାଙ୍କ ସ୍ବପ୍ନ ଭାଙ୍ଗିବାକୁ ଯାଉଛି। ଛାତ୍ରଙ୍କ କହିବା ଅନୁସାରେ, ତାଙ୍କ ସହିତ ଭୁଲ ହେଉଛି। ସରକାରଙ୍କ ବିଫଳତାର ପରିଣାମ ତାଙ୍କୁ ଭୋଗିବାକୁ ପଡୁଛି। ସେପେଟ ପାକିସ୍ତାନ ସରକାର କହିଛନ୍ତି, ଏହି ସଙ୍କଟରୁ ମୁକ୍ତି ପାଇବାକୁ ପୁରା ଉପାୟ କରାଯାଉଛି। ସ୍ଥିତିକୁ ଶୀଘ୍ର ନିୟନ୍ତ୍ରଣରେ ଆଣିବାକୁ ଚେଷ୍ଟା କରାଯାଉଛି।
