ନୂଆଦିଲ୍ଲୀ,୯।୬: ଶପଥ ଗ୍ରହଣ ପୂର୍ବରୁ ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ଭାବିତ ମନ୍ତ୍ରୀଙ୍କ ସହିତ ପ୍ରଥମ ବୈଠକ କରିଛନ୍ତି। ଏହାର ଫଟୋ ମଧ୍ୟ ଏବେ ସାମନାକୁ ଆସିଛି। ମୋଦି କହିଛନ୍ତି, ୫ ବର୍ଷର ରୋଡମ୍ୟାପ୍ ପ୍ରସ୍ତୁତ ରହିଛି। ଏହି ସମୟରେ ସେ ୧୦୦ ଦିନର ରୋଡମ୍ୟାନ୍ ଉପରେ ଚର୍ଚ୍ଚା କରିଥିଲେ ଓ ତାକୁ ଲାଗୁ କରିବାର ନିର୍ଦେଶ ଦୋଇଛନ୍ତି।
ସୁତ୍ରରୁ ମିଳିଥିବା ଖବର ଅନୁସାରେ, ପ୍ରଧାନମନ୍ତ୍ରୀ ମୋଦି ନିଜ କ୍ୟାବିନେଟ୍ର ନୂଆ ସହଯୋଗୀଙ୍କୁ କହିଛନ୍ତି ୧୦୦ ଦିନର ଏଜେଣ୍ହାର କାର୍ଯ୍ୟ ଯୋଜନାକୁ ତୃଣମୂଳ ସ୍ତରରେ ଆରମ୍ଭ କରିବାକୁ ଚାହାନ୍ତି। ଏହା ସହିତ ପେଣ୍ଡିଂ ଯୋଜନାକୁ ପୁରା କରିବା ବାକି ରହିଛି। ସେ କହିଛନ୍ତି, ଆପଣଙ୍କୁ ଯେଉଁ ବିଭାଗ ମିଳିଛି ତାକୁ ଶୀଘ୍ର ପୁରା କରାଯାଉ।
ପ୍ରଧାନମନ୍ତ୍ରୀ ବାସଭବନରେ ୨୨ ସାଂସଦଙ୍କ ସହ ହୋଇଥିବା ବୈଠକେ ମୋଦି କହିଛନ୍ତି, ୫ ବର୍ଷର ରୋଡମ୍ୟାପ୍ ମଧ୍ୟ ପ୍ରସ୍ତୂତ। ଆପଣ ତା ଉପରେ କାମ କରିବା ଆରମ୍ଭ କରିଦିଅନ୍ତୁ। ଆମ ସରକାରର ଲକ୍ଷ୍ୟ ହେଉଛି ୨୦୪୭ ରେ ସମ୍ପୂର୍ଣ୍ଣ ଭାବରେ ଭାରତରକୁ ବିକଶିତ କରିବା। ଜନତାଙ୍କୁ ଏନ୍ଡିଏ ଉପରେ ଭରସା ରହିଛି। ତାକୁ ଆହୁରି ମଜବୁତ କରିବା ଦରକାର।
ଯେଉଁ ସାଂସଦ ପ୍ରଧାନମନ୍ତ୍ରୀଙ୍କ ବାସଭବନରେ ବୈଠକରେ ସାମିଲ ହୋଇଛନ୍ତି ସେମାନେ ହେଲେ ସର୍ବାନନ୍ଦ ସୋନଓ୍ବାଲ, ଚିରାଗ ପାସଓ୍ବାନ, ଅନ୍ନପୂର୍ଣ୍ଣା ଦେବୀ, ମନୋହର ଲାଲ ଖଟ୍ଟର, ଶିବରାଜ ସିଂହ ଚୌହାନ, ଭାଗୀରଥ ଚୌଧୁରୀ, କିରଣ ରିଜିଜୁ, ଜିତନ ପ୍ରସାଦ, ଏଚଡି କୁମାରସ୍ବାମୀ, ଜ୍ୟୋତିରାଦିତ୍ୟ ସିନ୍ଧିଆ, ନିର୍ମଳା ସୀତାରଣ, ରଭନୀତ ବିଟ୍ଟୁ, ଅଜୟ ଟମଟା, ରାଓ ଇନ୍ଦ୍ରଜିତ ସିଂହ, ନିତ୍ୟାନନ୍ଦ ରାୟ, ଜୀତନ ରାମ ମାନଜି, ଧର୍ମେନ୍ଦ୍ର ପ୍ରଧାନ, ଗଜେନ୍ଦ୍ର ସିଂହ ଶେଖାଓ୍ବତ, ହର୍ଷ ମାଲହୋତ୍ରା, ଏସ୍.ଜୟଶଙ୍କର,ସିଆର ପାଟିଲ ଓ କୃଷ୍ଣପାଲ ଗୁର୍ଜର ସାମିଲ ଥିଲେ।
