ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନର ଦ୍ବିତୀୟ ପର୍ଯ୍ୟାୟ ପାଇଁ ଭୋଟ୍ ପ୍ରକ୍ରିୟା ଶେଷ ହୋଇଛି । ତୃତୀୟ ପର୍ଯ୍ୟାୟ ପାଇଁ ମତଦାନ ଆସନ୍ତା ୭ରେ ଅନୁଷ୍ଠିତ ହେବ। ତୃତୀୟ ପର୍ଯ୍ୟାୟ ପାଇଁ ନିର୍ବାଚନ ପ୍ରଚାର ମଧ୍ୟ ମେ ୫ ରେ ବନ୍ଦ ହେବ। ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି (ରବିବାର) ଅଯୋଧ୍ୟା ଗସ୍ତ କରିବାକୁ ଯାଉଛନ୍ତି । ଏଠାରେ ପିଏମ ମୋଦୀ ଏକ ମେଗା ରୋଡ ସୋ କରିବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗସ୍ତ ପୂର୍ବରୁ ଅଯୋଧ୍ୟାକୁ ସଜାଯାଇଛି ଏବଂ ବିଭିନ୍ନ ସୁରକ୍ଷାର ସହ ପ୍ରସ୍ତୁତ କରାଯାଇଛି । ସୂଚନାଥାଉକି ଯେ ଅଯୋଧ୍ୟାରେ ପହଞ୍ଚିବା ପରେ ପ୍ରଧାନମନ୍ତ୍ରୀ ମୋଦୀ ରାମ ଲାଲାଙ୍କ ଦର୍ଶନ କରିବେ ଏବଂ ଆଶୀର୍ବାଦ ଗ୍ରହଣ କରିବେ । ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ଏଠାରେ ଏକ ନିର୍ବାଚନ ରାଲିକୁ ସମ୍ବୋଧିତ କରିବାକୁ ଯାଉଛନ୍ତି । 

ଅଯୋଧ୍ୟାରେ ପହଞ୍ଚିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଥମେ ଏକ ରୋଡ୍ ସୋ କରିବେ । ତେବେ ଏହି ରୋଡ୍ ସୋ ଏକ ସ୍ବତନ୍ତ୍ର ରୋଡ୍ ସୋ ହେବାକୁ ଯାଉଛି । କାରଣ ପ୍ରଧାନମନ୍ତ୍ରୀ ମୋଦୀ ଏକ ସ୍ୱତନ୍ତ୍ର ରଥ ଉପରେ ରାମପଥରେ ଏହି ରୋଡ୍ ସୋ କରିବେ । ତେବେ ରୋଡ୍ ସୋ ପୂର୍ବରୁ ପିଏମ ମୋଦୀ ଏବଂ ସିଏମ୍ ଯୋଗୀ ଆଦିତ୍ୟନାଥ ରାମ ମନ୍ଦିରକୁ ଯାଇ ରାମଲାଲାଙ୍କୁ ପୂଜା କରିବେ ଏବଂ ଆଶୀର୍ବାଦ ଲୋଡ଼ିବେ । ସୂଚନାଥାଉକି ଯେ, ପ୍ରଧାନମନ୍ତ୍ରୀ ମୋଦୀ ଅଯୋଧ୍ୟାରୁ ରାତି ୮.୪୦ରେ ଛାଡି ଓଡିଶାରେ ପହଞ୍ଚିବେ । ପିଏମ ମୋଦୀ ଅଯୋଧ୍ୟାରେ ମାତ୍ର କିଛି ଘଣ୍ଟା ପାଇଁ ଉପସ୍ଥିତ ରହିବେ। ତେବେ ସବୁଠାରୁ ବଡକଥା ହେଉଛି ରାମଲାଲାଙ୍କ ପ୍ରାଣ ପ୍ରତିଷ୍ଠା ପରେ ଆଜି ହେଉଛି ପିଏମ ମୋଦୀଙ୍କ ପ୍ରଥମ ଅଯୋଧ୍ୟା ଗସ୍ତ ।