ଭୁବନେଶ୍ୱର, ୨୪।୩: ହୋଲି ପାଇଁ ଭୁବନେଶ୍ୱର ପୋଲିସର କଡ଼ା ସୁରକ୍ଷା ବ୍ୟବସ୍ଥା । ୩୧ଟି ସ୍ଥାନରେ ଅମାନିଆଙ୍କୁ ଜଗିବ ପୋଲିସ । ପିସିଆର ସହ ୧୭ଟି ମୋବାଇଲ ଭେଇକିଲ ବୁଲିବେ । ଏଥର ହୋଲିରେ ଅମାନିଆଙ୍କ ଉପରେ ନଜର ରଖିବ ପୋଲିସ । ସିସିଟିଭିରେ ହେବ ଚେକିଂ । ଏଥିପାଇଁ ମୁତୟନ ହେବେ ଷ୍ଟାଇକିଙ୍ଗ ଫୋର୍ସ । ୪ଟି ଗାଧୁଆ ତୁଠରେ ପୋଲିସ ଜଗିବାର ବ୍ୟବସ୍ଥା କରାଯାଇଛି । ଅନ୍ୟପଟେ ପୋଲିସର ସ୍ୱତନ୍ତ୍ର ଟିମ୍ କେମିକାଲ ରଙ୍ଗ ବିକ୍ରି ଉପରେ ନଜର ରଖିବ । ଜଣେ ଡିଏସ୍ପିଙ୍କ ନେତୃତ୍ୱରେ ଯାଞ୍ଚ କରିବେ । ୪ ଜଣ ଏଡିସିପିଙ୍କ ନେତୃତ୍ୱରେ ୮ ଜଣ ଏସିପି ସହ ଆଇଆଇସି ଓ ୧୫ ପ୍ଲାଟୁନ ଫୋର୍ସ ମୁତୟନ ହେବେ ।
ହୋଲିରେ ମଦ ପିଇ ଗାଡ଼ି ଚଳାଇଲେ ଧରିବ ପୋଲିସ । ଏଥିସହ ରାସ୍ତାରେ ଯୁବତୀଙ୍କୁ କମେଣ୍ଟ ମାରିଲେ ଜଗିବେ ମହିଳା ପୋଲିସ । ରୋଡ୍ ରୋମିଓଙ୍କୁ ମଧ୍ୟ ଜଗିବ ପୋଲିସ । ହୋଲି ନାଁରେ କମର୍ସିଆଲ ପାର୍ଟି କରୁଥିଲେ ସମସ୍ତ ତଥ୍ୟ ସ୍ଥାନୀୟ ପୋଲିସକୁ ଦେବାକୁ ପଡ଼ିବ । ପାର୍ଟିରେ ନିଶା କାରବାର ଉପରେ ପୋଲିସ ନଜର ରଖିବ ।