ଯାଜପୁର, ୦୬/୧୨ : ଯାଜପୁର ରୋଡ ରଗଡି ସବଜେଲ୍ରେ ବିଚାରଧୀନ କଏଦୀଙ୍କ ଆତ୍ମହତ୍ୟା। ବୁଧବାର ସାଢେ ୧୧ଟାରେ ଜେଲ ଭିତରେ ଥିବା ନବନିର୍ମାଣଧୀନ ଗୃହ ମଧ୍ୟରେ କଏଦୀ ଜଣକ ଏକ ଗାମୁଛା ସାହାଯ୍ୟରେ ଆତ୍ମହତ୍ୟା ଉଦ୍ୟମ କରିଥିଲେ। ସୁରକ୍ଷା କର୍ମୀଙ୍କ ସହାୟତାରେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଯାଜପୁର ରୋଡ଼ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ମାତ୍ର ସେଠାରେ ପ୍ରାଥମିକ ଚିକିତ୍ସା ପରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
ସୂଚନା ମୁତାବକ, କଏଦୀ ଜଣକ ୪୯ ଦିନ ହେବ ବିଚାରଧୀନ କଏଦୀ ଭାବେ ରଗଡି ସବଜେଲରେ ଥିଲେ। ତାଙ୍କ ନାଁ ବଳରାମ ବେହେରା (୨୮ ବର୍ଷ) ବୋଲି ଜଣାପଡିଛି। ଖବର ପାଇ ଯାଜପୁର ରୋଡ଼ ଓ କୋରେଇ ପୋଲିସ ମେଡିକାଲରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଆତ୍ମହତ୍ୟାର କାରଣ ଅସ୍ପଷ୍ଟ ରହିଛି।