ସୁକମା: ଅପହଞ୍ଚ ଇଲାକାରେ ପହଞ୍ଚିଛି ଶିକ୍ଷା । ନା ବାଧକ ସାଜିଛି ଜଙ୍ଗଲ ନା ବାଟ ଓଗାଳିପାରିଛି ନକ୍ସଲର ଭୟ । ଛତିଶଗଡ଼ରୁ ଆସିଛି ପରିବର୍ତ୍ତନର ନିଆର ଦୃଶ୍ୟ । ହେଲିକପ୍ଟର ଯୋଗେ ପରୀକ୍ଷା କେନ୍ଦ୍ରରେ ପହଞ୍ଚିଛି ପ୍ରଶ୍ନପତ୍ର । ନକ୍ସଲ ପ୍ରବଣ ସୁକମାର ଜାଗରଗୁଣ୍ଡାରେ ବୋର୍ଡ ପରୀକ୍ଷା ଦେଉଛନ୍ତି ଦେଶର ଭବିଷ୍ୟତ । ମାତ୍ର ୩୬ ଛାତ୍ରଛାତ୍ରୀଙ୍କ ପାଇଁ ହେଲିକପ୍ଟର ବ୍ୟବସ୍ଥା ହୋଇଛି । ପ୍ରଥମ ଥର ପରୀକ୍ଷା କେନ୍ଦ୍ର ହୋଇଥିବା ଜାଗରଗୁଣ୍ଡାରେ ପ୍ରଶ୍ନପତ୍ର ପହଞ୍ଚାଇଛି ପ୍ରଶାସନ । ନକ୍ସଲ ପ୍ରବଣ ଇଲାକାରେ ଶିକ୍ଷା ବ୍ୟବସ୍ଥାକୁ ସୁଧାରିବା ପାଇଁ ଏଭଳି ପଦକ୍ଷେପ ନିଆଯାଇଛି । ସୁକମା ଠାରୁ ୯୪ କିଲୋମିଟର ଦୂରରେ ରହିଛି ଏହି ପରୀକ୍ଷା କେନ୍ଦ୍ର । ଛତିଶଗଡ଼ ନକ୍ସଲ ପ୍ରବଣ ଅଞ୍ଚଳରେ ବୋର୍ଡ ପରୀକ୍ଷା ଅନୁଷ୍ଠିତ ହୋଇଛି ।
ମାର୍ଚ୍ଚ ୧ରୁ ମାଟ୍ରିକ୍ ସହିତ ଦ୍ବାଦଶ ବୋର୍ଡ ପରୀକ୍ଷା ଆରମ୍ଭ ହୋଇଛି । ଏନେଇ ପରୀକ୍ଷା କେନ୍ଦ୍ରରେ କଡ଼ା ସୁରକ୍ଷା ବ୍ୟବସ୍ଥା ସହିତ ପ୍ରଶ୍ନପତ୍ର ପହଞ୍ଚିଛି । ମାତ୍ର ୩୬ ଛାତ୍ରଛାତ୍ରୀଙ୍କ ପାଇଁ ହେଲିକପ୍ଟର ବ୍ୟବସ୍ଥା ହୋଇଛି । ନକ୍ସଲ ପ୍ରବଣ ଦୁର୍ଗମ ଅଞ୍ଚଳରେ ହେଲିକପ୍ଟର ଯୋଗେ ପ୍ରଶ୍ନପତ୍ର ପହଞ୍ଚିଛି । ଏହା ସହିତ ପରୀକ୍ଷା ସେଣ୍ଟରକୁ ପୋଲିସ୍ ଛାଉଣି କରାଯାଇଛି । ରାଜ୍ୟ ସରକାର ପ୍ରଥମ ଥର ପାଇଁ ଜାଗରଗୁଣ୍ଡା ପରୀକ୍ଷା କେନ୍ଦ୍ର କରିଛନ୍ତି ।
ନକ୍ସଲ ଅଞ୍ଚଳରେ ଶିକ୍ଷା ବ୍ୟବସ୍ଥାକୁ ସୁଧାରିବା ପାଇଁ ଏଭଳି ପଦକ୍ଷେପ ନିଆଯାଇଛି । ସୁକମା ମୁଖ୍ୟାଳୟ ଠାରୁ ୯୪ କିଲୋମିଟର ଦୂରରେ ରହିଛି ଏହି ପରୀକ୍ଷା କେନ୍ଦ୍ର । ଏଥିରେ ସେଣ୍ଟରରେ ଦଶମ ଶ୍ରେଣୀ ଛାତ୍ରଛାତ୍ରୀ ୧୬ଜଣ ପରୀକ୍ଷା ଦେଉଥିବା ବେଳେ ଦ୍ବାଦଶ ଶ୍ରେଣୀରେ ୨୦ଜଣ ପିଲା ପରୀକ୍ଷା ଦେଉଛନ୍ତି । ଦୁର୍ଗମ ନକ୍ସଲ ପ୍ରବଣ ଅଞ୍ଚଳ ହୋଇଥିବାରୁ ଏଠାରେ ପୂର୍ବରୁ ପରୀକ୍ଷା ସେଣ୍ଟର ହୋଇନଥିଲା । ଏଭଳି ପରିସ୍ଥିତିରେ ଛାତ୍ରଛାତ୍ରୀମାନେ ୬୦ କିଲୋମିଟର ଦୂର ଦୋର୍ଣ୍ଣାପାଳ ଯାଇ ବୋର୍ଡ ପରୀକ୍ଷା ଦେଉଥିଲେ ।
ମାତ୍ର ଚଳିତ ବର୍ଷ ଏହି ମାଓ ଇଲାକାରେ ଛାତ୍ରଛାତ୍ରୀଙ୍କ ପାଇଁ ପରୀକ୍ଷା କେନ୍ଦ୍ର ଖୋଲାଯାଇଛି । ୩୬ଜଣ ଛାତ୍ରଛାତ୍ରୀଙ୍କ ପାଇଁ କଡ଼ା ସୁରକ୍ଷା ବ୍ୟବସ୍ଥାରେ ହେଲିକପ୍ଟରରେ ପ୍ରଶ୍ନପତ୍ର ପହଞ୍ଚିଛି । ଏଥିପାଇଁ ଜିଲ୍ଲା ପ୍ରଶାସନକୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ।