ଭୁବନେଶ୍ବର,୪।୬ : ରାଉରକେଲା ନିର୍ବାଚନମଣ୍ଡଳୀରେ ଦିଲ୍ଲୀପ ରାୟ ଓ ମନ୍ତ୍ରୀ ସାରଦା ନାୟକଙ୍କ ମଧ୍ୟରେ କଡ୍ଡା ଟକ୍କର ଦେଖିବାକୁ ମିଳିଥିଲା। ଶେଷରେ ଜନମତ ସାରଦାଙ୍କ ସପକ୍ଷରେ ଯାଇଥିଲା। ସାରଦା ନାୟକ ଏଠାରୁ ବିଜୟୀ ହୋଇଛନ୍ତି ଓ ଦିଲ୍ଲୀପକୁ ପରାଜୟର ସ୍ବାଦ ଚାଖିବାକୁ ପଡିଛି। ସାରଦା ନାୟକ ଦିଲ୍ଳୀପ ରାୟଙ୍କୁ ୩୫୫୨ରୁ ଉର୍ଦ୍ଧ୍ବ ଭୋଟ ବ୍ୟବଧାନରେ ହରାଇଛନ୍ତି।
ସାରଦା ନାୟକ ୬୪୬୬୦ ଖଣ୍ଡ ଭୋଟ ପାଇଥିବା ବେଳେ ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ଦିଲ୍ଲୀପ ରାୟ ୬୧୧୦୮ ଖଣ୍ଡ ଭୋଟ ପାଇଛନ୍ତି। ସେହିପରି କଂଗ୍ରେସର ବିରେନ୍ଦ୍ର ନାଥ ପଟ୍ଟନାୟକ ୮୭୫୧ ଖଣ୍ଡ ଭୋଟ ପାଇଛନ୍ତି। ପୂର୍ବରୁ ସାରଦା ଓ ଦିଲ୍ଲୀପ ଉଭୟ ରାଉରକେଲା ଆସନରୁ ୩ ଥର ଲେଖାଏଁ ବିଜୟୀ ହୋଇଛନ୍ତି।
